15.14C Vancouver 15.14C VancouverAug 7, 2020 8:23 PM -
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ਼੍ਰੀਲੈਂਡ ਦਾ ਕਹਿਣਾ ਹੈ ਕਿ ਕਨੇਡੀਅਨ ਐਲੂਮਿਨਮ 'ਤੇ ਅਮਰੀਕੀ ਰਾਸ਼ਟਰਪਤੀ ਵੱਲੋਂ ਲਗਾਏ ਟੈਰਿਫਸ ਦੀ ਪਹਿਲੀ ਮਾਰ ਅਮਰੀਕੀ ਲੋਕਾਂ ਨੂੰ ਹੀ ਪਵੇਗੀ।
ਫ਼੍ਰੀਲੈਂਡ ਨੇ ਕਿਹਾ ਕਿ, ਕੈਨੇਡਾ ਇਨ੍ਹਾਂ ਟੈਰਿਫਸ ਦਾ ਜਵਾਬ, ਅਮਰੀਕੀ ਉਤਪਾਦਾਂ 'ਤੇ $3.6 ਬਿਲੀਅਨ ਦੇ ਟੈਰਿਫਸ ਲਗਾ ਕੇ ਦਵੇਗਾ।
ਸਰਕਾਰ ਵੱਲੋਂ ਅਗਲੇ 30 ਦਿਨ ਤੱਕ ਇੰਡਸਟਰੀ ਸਟੇਕਹੋਲਡਰਸ ਨਾਲ ਗੱਲ ਕੀਤੀ ਜਾਵੇਗੀ, ਜਿਸ ਨਾਲ ਪੱਕਾ ਕੀਤਾ ਜਾ ਸਕੇ ਕਿ ਕਿਹੜੇ ਉਤਪਾਦਾਂ ਨੂੰ ਨਿਸ਼ਾਨੇ 'ਤੇ ਲੈਣਾ ਹੈ।
ਜਦ 2 ਸਾਲ ਪਹਿਲਾਂ ਅਮਰੀਕਾ ਨੇ ਕਨੇਡੀਅਨ ਸਟੀਲ 'ਤੇ ਟੈਰਿਫ ਲਗਾਏ ਸਨ, ਤਾਂ ਕੈਨੇਡਾ ਨੇ ਅਮਰੀਕੀ ਕੈਚਅਪ, ਬਾਲਪਾਇੰਟ ਪੈੱਨ, ਆਰੇਂਜ ਜੂਸ, ਸ਼ਰਾਬ ਅਤੇ ਟਾਇਲਟ ਪੇਪਰ 'ਤੇ ਟੈਰਿਫ ਲਗਾ ਦਿੱਤੇ ਸਨ।
ਯਾਦ ਰਹੇ ਕੱਲ ਟ੍ਰੰਪ ਨੇ ਦੱਸਿਆ ਸੀ ਕਿ ਉਨ੍ਹਾਂ ਇੱਕ 'ਪ੍ਰੋਕਲੇਮੇਸ਼ਨ' 'ਤੇ ਹਸਤਾਖਰ ਕੀਤੇ ਹਨ, ਜਿਸ ਤੋਂ ਬਾਅਦ ਕੈਨੇਡਾ 'ਤੇ ਐਲੂਮੀਨਮ ਦੇ ਇੰਪੋਰਟ ਸੰਬੰਧੀ 10% ਟੈਰਿਫ ਲਗਾਉਣ ਦਾ ਫੈਸਲਾ ਲਿਆ ਗਿਆ ਹੈ।
ਉਨ੍ਹਾਂ ਕਿਹਾ, "ਕੈਨੇਡਾ ਹਮੇਸ਼ਾ ਦੀ ਤਰ੍ਹਾਂ ਸਾਡਾ ਫਾਇਦਾ ਚੁੱਕਣ ਦੀ ਕੋਸ਼ਿਸ਼ ਕਰ ਰਿਹਾ ਸੀ।"
