ਕੈਨੇਡਾ ਪੋਸਟ ਨੇ ਡੋਰ-ਟੂ-ਡੋਰ-ਡਿਲਿਵਰੀ ਨੂੰ ਖਤਮ ਕਰਨ ਦੀ ਪ੍ਰਕਿਰਿਆ ਕੀਤੀ ਸ਼ੁਰੂ

ਕੈਨੇਡਾ ਪੋਸਟ ਨੇ ਡੋਰ-ਟੂ-ਡੋਰ-ਡਿਲਿਵਰੀ ਨੂੰ ਖਤਮ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰ ਦਿੱਤੀ ਹੈ। ਕਾਰਪੋਰੇਸ਼ਨ ਮੁਤਾਬਕ, ਘਰ-ਘਰ ਜਾ ਕੇ ਡਾਕ ਪਹੁੰਚਾਉਣ ਦੀ ਸੇਵਾ ਨੂੰ ਪੜਾਅਵਾਰ ਖਤਮ ਕਰਕੇ ਇਸ ਨੂੰ ਕਮਿਊਨਿਟੀ ਮੇਲਬਾਕਸ ਵਿਚ ਤਬਦੀਲ ਕਰਨ ਦੀ ਯੋਜਨਾ ਬਣਾਈ ਗਈ ਹੈ। ਇਸ ਫੈਸਲੇ ਨਾਲ ਲਗਭਗ 4 ਮਿਲੀਅਨ ਪਤੇ ਪ੍ਰਭਾਵਿਤ ਹੋਣਗੇ, ਜਿਸ ਦੇ ਪਹਿਲੇ ਪੜਾਅ ਵਜੋਂ ਔਟਵਾ ਅਤੇ ਵਿਨੀਪੈਗ ਸਮੇਤ 13 ਕਮਿਊਨਿਟੀ ਵਿਚ ਗੱਲਬਾਤ ਸ਼ੁਰੂ ਕਰ ਦਿੱਤੀ ਗਈ ਹੈ।

ਕੈਨੇਡਾ ਪੋਸਟ ਮੁਤਾਬਕ, ਇਸ ਕੰਮ ਨੂੰ ਮੁਕੰਮਲ ਹੋਣ ਵਿਚ ਪੰਜ ਸਾਲ ਲੱਗਣ ਦੀ ਉਮੀਦ ਹੈ ਅਤੇ ਲਗਭਗ 1,36,000 ਪਤਿਆਂ 'ਤੇ ਇਹ ਬਦਲਾਅ 2026 ਦੇ ਅਖੀਰ ਅਤੇ 2027 ਦੇ ਸ਼ੁਰੂ ਵਿਚ ਦੇਖਣ ਨੂੰ ਮਿਲੇਗਾ। ਡਿਪਾਰਟਮੈਂਟ ਆਪਣੇ ਰਿਟੇਲ ਨੈੱਟਵਰਕ ਦਾ ਵੀ ਰਿਵਿਊ ਕਰ ਰਿਹਾ ਹੈ, ਜਿਸ ਤਹਿਤ urban ਅਤੇ suburban ਖੇਤਰਾਂ ਵਿਚ ਉਨ੍ਹਾਂ ਪੋਸਟ ਔਫਿਸ ਨੂੰ ਬੰਦ ਕੀਤਾ ਜਾ ਸਕਦਾ ਹੈ, ਜਿੱਥੇ ਪਹਿਲਾਂ ਹੀ ਲੋੜ ਤੋਂ ਵੱਧ ਸਹੂਲਤਾਂ ਮੌਜੂਦ ਹਨ।

ਗੌਰਤਲਬ ਹੈ ਕਿ ਕੈਨੇਡਾ ਪੋਸਟ ਦੀ ਮਾਲੀ ਹਾਲਤ ਨੂੰ ਸੁਧਾਰਨ ਲਈ ਫੈਡਰਲ ਸਰਕਾਰ ਨੇ ਪੇਂਡੂ ਡਾਕਘਰਾਂ ਨੂੰ ਬੰਦ ਕਰਨ ਦੀ ਲਗਾਈ ਗਈ ਰੋਕ ਪਿਛਲੇ ਸਾਲ ਹਟਾ ਦਿੱਤੀ ਸੀ ਅਤੇ ਇਸ ਨੂੰ ਪੁਨਰਗਠਨ ਕਰਨ ਦੇ ਨਿਰਦੇਸ਼ ਦਿੱਤੇ ਸਨ।