27.41C Vancouver 27.41C VancouverJun 2, 2025 2:06 PM - The Canadian Press
ਕੈਨੇਡਾ ਪੋਸਟ ਅਤੇ ਯੂਨੀਅਨ ਵਿਚਕਾਰ ਹੁਣ ਤੱਕ ਕੋਈ ਸਹਿਮਤੀ ਨਹੀਂ ਹੈ,ਕਰਾਊਨ ਕਾਰਪੋਰੇਸ਼ਨ ਨੇ ਯੂਨੀਅਨਵਲੋਂ ਬਾਈਡਿੰਗ ਆਰਬਿਟਰੇਸ਼ਨਦੀ ਕੀਤੀ ਗਈ ਮੰਗ ਵੀ ਰੱਦ ਕਰ ਦਿੱਤੀ ਹੈ। ਕੈਨੇਡਾ ਪੋਸਟ ਨੇ ਕਿਹਾ ਕਿ ਉਹ ਜਲਦ ਮਾਮਲੇ ਦਾ ਹੱਲ ਚਾਹੁੰਦੀ ਹੈ ਅਤੇ ਥਰਡ ਪਾਰਟੀ ਦੀ ਵਿਚੋਲਗੀ ਨਾਲ ਇਹ ਇੱਕ ਸਾਲ ਤੱਕ ਲਟਕ ਸਕਦਾ ਹੈ।
ਯੂਨੀਅਨ ਨੇ ਆਰਬਿਟਰੇਸ਼ਨ ਦੀ ਮੰਗ ਸ਼ਨੀਵਾਰ ਸ਼ਾਮ ਕੀਤੀ ਸੀ ਕਿਉਂਕਿ ਇਸ ਤੋਂ ਇੱਕ ਦਿਨ ਪਹਿਲਾਂ ਕਰਾਊਨ ਕਾਰਪੋਰੇਸ਼ਨ ਨੇ ਜੌਬਸ ਮੰਤਰੀ ਪੈਟੀ ਹਾਜਦੂ ਨੂੰ ਕਿਹਾ ਸੀ ਕਿ ਕੰਪਨੀ ਵਲੋਂ ਦਿੱਤੇ ਅੰਤਿਮ ਪੇਸ਼ਕਸ਼ਾਂ 'ਤੇ ਯੂਨੀਅਨ ਨੂੰ ਪੋਸਟਲ ਵਰਕਰ ਦੀ ਵੋਟ ਕਰਵਾਉਣ ਦਾ ਹੁਕਮ ਦਿੱਤਾ ਜਾਵੇ।
ਕੈਨੇਡਾ ਪੋਸਟ ਦਾ ਕਹਿਣਾ ਸੀ ਕਿ ਗੱਲਬਾਤ ਜ਼ਰੀਏ ਕਿਸੇ ਸਮਝੌਤੇ 'ਤੇ ਪਹੁੰਚਣ ਦੀ ਸੰਭਾਵਨਾ ਨਹੀਂ ਹੈ। ਗੌਰਤਲਬ ਹੈ ਕਿ ਯੂਨੀਅਨ ਅਤੇ ਕੈਨੇਡਾ ਪੋਸਟ 18 ਮਹੀਨਿਆਂ ਤੋਂ ਵੀ ਵੱਧ ਸਮੇਂ ਤੋਂ ਨਵੇਂ ਕੰਟਰੈਕਟ 'ਤੇ ਗੱਲਬਾਤ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ। ਪਿਛਲੇ ਸਾਲ ਇਸ ਮੁੱਦੇ 'ਤੇ ਇੱਕ ਮਹੀਨਾ ਲੰਬੀ ਹੜਤਾਲ ਚੱਲੀ ਸੀ,ਜੋ ਸਰਕਾਰ ਦੇ ਦਖ਼ਲ ਨਾਲ ਸਮਾਪਤ ਹੋਈ ਸੀ।
