13.89C Vancouver 13.89C VancouverSep 22, 2023 6:00 PM - The Canadian Press
ਕੈਨੇਡਾ ਪੋਸਟ ਦਾ ਕਹਿਣਾ ਹੈ ਕਿ ਉਹ ਇਸ ਗੱਲ ਦੀ ਸਮੀਖਿਆ ਕਰ ਰਿਹਾ ਹੈ ਕਿ ਕਿਵੇਂ ਮਾਰਕੀਟਿੰਗ ਮੁਹਿੰਮ ਲਈ ਡਾਟੇ ਦੀ ਵਰਤੋਂ ਕੀਤੀ ਗਈ ਹੈ।
ਦਰਅਸਲ ਫੈਡਰਲ ਪ੍ਰਾਈਵੇਸੀ ਵਾਚਡੌਗ ਦਾ ਕਹਿਣਾ ਹੈ ਕਿ ਕੈਨੇਡਾ ਪੋਸਟ ਕਾਨੂੰਨ ਦੀ ਉਲੰਘਣਾ ਕਰਦੇ ਹੋਏ ਲਿਫਾਫਿਆਂ ਅਤੇ ਪੈਕੇਜਾਂ ਦੇ ਬਾਹਰੋਂ ਜਾਣਕਾਰੀ ਇਕੱਠੀ ਕਰਕੇ ਮਾਰਕੀਟਿੰਗ ਸੂਚੀਆਂ ਤਿਆਰ ਕਰਕੇ ਹੋਰ ਕਾਰੋਬਾਰਾਂ ਨੂੰ ਵੇਚ ਰਹੀ ਹੈ।
ਪ੍ਰਾਈਵੇਸੀ ਕਮਿਸ਼ਨਰ Philippe Dufresne ਦੇ ਦਫਤਰ ਦਾ ਕਹਿਣਾ ਹੈ ਕਿ ਮਾਰਕੀਟਿੰਗ ਪ੍ਰੋਗਰਾਮ ਲਈ ਇਕੱਠੀ ਕੀਤੀ ਗਈ ਜਾਣਕਾਰੀ ਵਿੱਚ ਇਹ ਡਾਟਾ ਸ਼ਾਮਲ ਹੈ ਕਿ ਵਿਅਕਤੀ ਕਿੱਥੇ ਰਹਿੰਦੇ ਹਨ ਅਤੇ ਉਹ ਕਿਸ ਕਿਸਮ ਦੀ ਔਨਲਾਈਨ ਖਰੀਦਦਾਰੀ ਕਰਦੇ ਹਨ।
ਫਿਰ ਇਸ ਜਾਣਕਾਰੀ ਨਾਲ ਮਾਰਕੀਟਿੰਗ ਸੂਚੀਆਂ ਬਣਾਈਆਂ ਜਾਂਦੀਆ ਜਿਸਨੂੰ ਕੈਨੇਡਾ ਪੋਸਟ ਕਾਰੋਬਾਰਾਂ ਨੂੰ ਵੇਚ ਦਿੰਦੀ ਹੈ।
ਕਮਿਸ਼ਨਰ ਨੇ ਕਿਹਾ ਕਿ ਕੈਨੇਡਾ ਪੋਸਟ ਨੇ ਅਸਿੱਧੇ ਤੌਰ 'ਤੇ ਅਜਿਹੀ ਨਿੱਜੀ ਜਾਣਕਾਰੀ ਇਕੱਠੀ ਕਰਨ ਲਈ ਕਿਸੇ ਵੀ ਵਿਅਕਤੀ ਦੀ ਸਹਿਮਤੀ ਨਹੀਂ ਲਈ ਹੈ।
ਉਨ੍ਹਾਂ ਦਾ ਕਹਿਣਾ ਹੈ ਕਿ ਇਹ ਪ੍ਰਾਈਵੇਸੀ ਐਕਟ ਕਾਨੂੰਨ ਦੀ ਧਾਰਾ 5 ਦੀ ਉਲੰਘਣਾ ਹੈ।
ਅੱਜ ਇੱਕ ਬਿਆਨ ਵਿੱਚ ਕੈਨੇਡਾ ਪੋਸਟ ਦਾ ਕਹਿਣਾ ਹੈ ਕਿ ਉਹ ਪ੍ਰਾਈਵੇਸੀ ਕਾਨੂੰਨ ਅਤੇ ਨਿੱਜੀ ਜਾਣਕਾਰੀ 'ਤੇ ਰੱਖੀਆਂ ਗਈਆਂ ਸੁਰੱਖਿਆਵਾਂ ਲਈ ਵਚਨਬੱਧ ਹੈ ਅਤੇ ਇਸ ਲਈ ਆਪਣੇ ਡਾਟਾ ਸੇਵਾਵਾਂ ਪ੍ਰੋਗਰਾਮ ਦੀ ਸਮੀਖਿਆ ਕਰੇਗਾ।
ਪੋਸਟ ਆਫਿਸ ਦਾ ਕਹਿਣਾ ਹੈ ਕਿ ਉਹ ਸਮਝਦੇ ਹਨ ਕਿ ਲੋਕਾਂ ਦੀਆਂ ਚਿੰਤਾਵਾਂ ਜ਼ਾਇਜ ਹਨ ਅਤੇ ਉਹ ਉਹਨਾਂ ਮਿਆਰਾਂ 'ਤੇ ਖਰਾ ਉਤਰਨਗੇ ਜਿਨ੍ਹਾਂ ਦੀ ਕੈਨੇਡੀਅਨ ਉਮੀਦ ਕਰਦੇ ਹਨ।
