ਕੈਨੇਡਾ ਪੋਸਟ ਮੁੜ ਤੋਂ ਵਪਾਰਕ ਮੇਲ ਲੈਣਾ ਕਰੇਗੀ ਸ਼ੁਰੂ

ਕੈਨੇਡਾ ਪੋਸਟ ਦੀਆਂ ਸੇਵਾਵਾਂ ਹੁਣ ਪੂਰੀ ਤਰ੍ਹਾਂ ਬਹਾਲ ਹੋ ਰਹੀਆਂ ਹਨ। ਹਾਲਾਂਕਿ, ਬੈਕਲਾਗ ਨਾਲ ਨਜਿੱਠਣ ਵਿਚ ਅਜੇ ਵੀ ਸਮਾਂ ਲੱਗ ਸਕਦਾ ਹੈ। ਕੰਪਨੀ ਵਲੋਂ ਆਮ ਓਪਰੇਸ਼ਨ ਵਿਚ ਵਾਪਸੀ ਦੇ ਨਾਲ ਹੀ ਵਪਾਰਕ ਪੱਤਰ ਅਤੇ ਪਾਰਸਲ ਲੈਣੇ ਵੀ ਸ਼ੁਰੂ ਕੀਤੇ ਜਾ ਰਹੇ ਹਨ। ਕੈਨੇਡਾ ਪੋਸਟ ਨੇ ਕਿਹਾ ਕਿ ਨਵੀਆਂ ਅੰਤਰਰਾਸ਼ਟਰੀ ਮੇਲ 23 ਦਸੰਬਰ ਤੋਂ ਸਵੀਕਾਰ ਕੀਤੀਆਂ ਜਾਣੀਆਂ ਸ਼ੁਰੂ ਕਰ ਦਿੱਤੀਆਂ ਜਾਣਗੀਆਂ,

ਗੌਰਤਲਬ ਹੈ ਕਿ ਕੈਨੇਡਾ ਉਦਯੋਗਿਕ ਸਬੰਧ ਬੋਰਡ ਦੇ ਆਦੇਸ਼ ਤੋਂ ਬਾਅਦ ਡਾਕ ਕਰਮਚਾਰੀ ਕੰਮ ’ਤੇ ਵਾਪਸ ਪਰਤੇ ਸਨ, ਬੋਰਡ ਦਾ ਕਹਿਣਾ ਸੀ ਕਿ ਦੋਵਾਂ ਧਿਰਾਂ ਵਿਚਕਾਰ ਸਾਲ ਦੇ ਅੰਤ ਤੋਂ ਪਹਿਲਾਂ ਸਮਝੌਤਾ ਹੋਣ ਦੀ ਸੰਭਾਵਨਾ ਨਹੀਂ ਸੀ।

ਕੈਨੇਡੀਅਨ ਯੂਨੀਅਨ ਆਫ ਪੋਸਟਲ ਵਰਕਰਾਂ ਅਤੇ ਕੈਨੇਡਾ ਪੋਸਟ ਵਿਚਕਾਰ ਤਨਖਾਹਾਂ ਸਮੇਤ ਹੋਰ ਮੁੱਦਿਆਂ ਨੂੰ ਲੈ ਕੇ ਗਤੀਰੋਧ ਬਰਕਰਾਰ ਹੈ। ਇਸ ਲਈ ਸਰਕਾਰ ਨੇ ਉਦਯੋਗਿਕ ਜਾਂਚ ਕਮਿਸ਼ਨ ਦੀ ਨਿਯੁਕਤੀ ਕੀਤੀ ਹੈ, ਜੋ 15 ਮਈ 2025 ਤੱਕ ਸਿਫਾਰਸ਼ਾਂ ਦੇਵੇਗਾ ਕਿ ਕਿਸ ਤਰ੍ਹਾਂ ਦਾ ਨਵਾਂ ਸਮਝੌਤਾ ਕੀਤਾ ਜਾ ਸਕਦਾ ਹੈ, ਇਸ ਦੇ ਨਾਲ ਹੀ ਮੌਜੂਦਾ ਸਮਝੌਤੇ ਨੂੰ 22 ਮਈ 2025 ਤੱਕ ਵਧਾਇਆ ਗਿਆ ਹੈ।