Canada prepares to name new U.S. envoy as next phase of trade talks approaches

Dec 10, 2025 5:55 PM - Connect Newsroom - Ramandeep Kaur with files from The Canadian Press

ਪੀ.ਐਮ. ਕਾਰਨੀ ਵਲੋਂ ਕਰਸਟਨ ਹਿਲਮੈਨ ਦੀ ਜਗ੍ਹਾ ਨਵੇਂ ਅੰਬੈਸਡਰ ਦਾ ਕੀਤਾ ਜਾਵੇਗਾ ਐਲਾਨ

Share On

canada-prepares-to-name-new-u-s-envoy-as-next-phase-of-trade-talks-approaches

Carney told reporters that federal consultations on the renewal of the Canada–U.S.–Mexico Agreement have wrapped up, while officials in Washington are only beginning their own review. (Photo: The Canadian Press)

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਵਲੋਂ ਵਾਸ਼ਿੰਗਟਨ ਵਿਚ ਕੈਨੇਡਾ ਦੀ ਮੌਜੂਦਾ ਰਾਜਦੂਤ ਕਰਸਟਨ ਹਿਲਮੈਨ ਦੀ ਜਗ੍ਹਾ ਜਲਦ ਹੀ ਨਵੇਂ ਅੰਬੈਸਡਰ ਬਾਰੇ ਐਲਾਨ ਕੀਤਾ ਜਾਵੇਗਾ। ਕੈਨੇਡਾ ਅਤੇ ਅਮਰੀਕਾ ਦਰਮਿਆਨ ਵਪਾਰਕ ਸਬੰਧਾਂ ਵਿਚ ਅਹਿਮ ਭੂਮਿਕਾ ਨਿਭਾਉਣ ਵਾਲੀ ਹਿਲਮੈਨ ਨੇ ਮੰਗਲਵਾਰ ਨੂੰ ਕਿਹਾ ਸੀ ਕਿ ਉਹ 2026 ਦੇ ਸ਼ੁਰੂ ਵਿਚ ਵਾਸ਼ਿੰਗਟਨ ਵਿਚ ਕੈਨੇਡਾ ਦੀ ਪ੍ਰਤੀਨਿਧੀ ਵਜੋਂ ਆਪਣਾ ਕਾਰਜਕਾਲ ਸਮਾਪਤ ਕਰ ਦੇਣਗੇ।

ਪ੍ਰਧਾਨ ਮੰਤਰੀ ਨੇ ਅੱਜ ਪੱਤਰਕਾਰਾਂ ਨਾਲ ਗੱਲ ਕਰਦੇ ਕਿਹਾ ਕਿ ਹਿਲਮੈਨ ਨੇ ਕੈਨੇਡਾ ਲਈ ਬਹੁਤ ਸ਼ਾਨਦਾਰ ਕੰਮ ਕੀਤਾ ਅਤੇ ਉਨ੍ਹਾਂ ਦੀ ਜਗ੍ਹਾ ਨਵੇਂ ਅੰਬੈਸਡਰ ਨੂੰ ਵਪਾਰਕ ਸਬੰਧਾਂ ਦੇ ਅਗਲੇ ਦੌਰ ਲਈ ਤਿਆਰੀ ਕਰਨ ਵਾਸਤੇ ਚੰਗਾ ਖੁੱਲ੍ਹਾ ਸਮਾਂ ਮਿਲੇਗਾ। ਕਾਰਨੀ ਨੇ ਕਿਹਾ ਕਿ ਕੈਨੇਡਾ ਨੇ ਸੀ.ਯੂ.ਐਸ.ਐਮ.ਏ. ਦੇ ਨਵੀਨੀਕਰਨ 'ਤੇ ਆਪਣੀ ਸਲਾਹ-ਮਸ਼ਵਰਾ ਪ੍ਰਕਿਰਿਆ ਪੂਰੀ ਕਰ ਲਈ ਹੈ, ਜਦੋਂ ਕਿ ਅਮਰੀਕਾ ਹੁਣ ਸ਼ੁਰੂ ਕਰ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਇਸ ਵਪਾਰ ਸਮਝੌਤੇ ਦਾ ਰੀਵਿਊ ਪ੍ਰੋਸੈਸ ਨਵੇਂ ਸਾਲ ਵਿਚ ਜ਼ੋਰ ਫੜੇਗਾ।

ਖ਼ਬਰਾਂ ਵਿਚ ਇਹ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਤਜ਼ਰਬੇਕਾਰ ਕਾਰੋਬਾਰੀ ਮਾਰਕ ਵਾਈਜ਼ਮੈਨ ਨੂੰ ਰਾਜਦੂਤ ਨਿਯੁਕਤ ਕੀਤਾ ਜਾ ਸਕਦਾ ਹੈ ਪਰ ਪ੍ਰਧਾਨ ਮੰਤਰੀ ਨੇ ਇਸ ਬਾਰੇ ਟਿੱਪਣੀ ਕਰਨ ਤੋਂ ਇਨਕਾਰ ਕਰ ਦਿੱਤਾ। ਉਨ੍ਹਾਂ ਕਿਹਾ ਕਿ ਅਗਲੇ ਕੁਝ ਹਫ਼ਤਿਆਂ ਵਿਚ ਅਗਲੇ ਅੰਬੈਸਡਰ ਬਾਰੇ ਐਲਾਨ ਕੀਤਾ ਜਾਵੇਗਾ।

ਕੈਨੇਡਾ ਦੀ ਯੂਨਾਈਟੇਡ ਸਟੇਟ ਲਈ ਮੁੱਖ ਵਪਾਰ ਵਾਰਤਾਕਾਰ ਜੈਨਿਸ ਚੈਰੇਟ ਦਾ ਕਹਿਣਾ ਹੈ ਕਿ ਉੱਤਰੀ ਅਮਰੀਕੀ ਵਪਾਰ ਸਮਝੌਤੇ ਲਈ ਗੱਲਬਾਤ 1 ਜੁਲਾਈ ਤੋਂ ਅੱਗੇ ਖਿੱਚ ਸਕਦੀ ਹੈ, ਉਨ੍ਹਾਂ ਕੱਲ ਔਟਵਾ ਵਿਚ ਇੱਕ ਬਿਜ਼ਨੈੱਸ ਫੋਰਮ ਦੌਰਾਨ ਬੋਲਦਿਆਂ ਇਹ ਟਿੱਪਣੀ ਕੀਤੀ, ਇਸ ਤੋਂ ਪਹਿਲਾਂ ਅਮਰੀਕੀ ਅਧਿਕਾਰੀ ਵੀ ਇਹ ਸੰਭਾਵਨਾ ਜਤਾ ਚੁੱਕੇ ਹਨ। ਮਾਹਰਾਂ ਮੁਤਾਬਕ, 1 ਜੁਲਾਈ ਦੀ ਡੈੱਡਲਾਈਨ ਨਿਕਲਣ ਦਾ ਮਤਲਬ ਹੈ ਕਿ ਕਾਰੋਬਾਰਾਂ ਨੂੰ ਹੋਰ ਅਨਿਸ਼ਚਿਤਤਾ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।