13.4C Vancouver 13.4C VancouverApr 25, 2024 6:32 PM - The Canadian Press
ਕੈਨੇਡਾ, ਅਮਰੀਕਾ ਅਤੇ ਯੂ.ਕੇ. ਨੇ ਇਜ਼ਰਾਇਲ ’ਤੇ ਹੋਏ ਹਮਲੇ ਦੇ ਸਬੰਧ ਵਿਚ ਈਰਾਨ ’ਤੇ ਨਵੀਆਂ ਪਾਬੰਦੀਆਂ ਲਗਾਉਣ ਦੀ ਘੋਸ਼ਣਾ ਕੀਤੀ ਹੈ। ਵਿਦੇਸ਼ ਮਾਮਲਿਆਂ ਬਾਰੇ ਮੰਤਰੀ ਮੇਲਾਨੀ ਜੋਲੀ ਨੇ ਕਿਹਾ ਕਿ ਕੈਨੇਡਾ ਵਲੋਂ ਈਰਾਨ ਦੇ ਰੱਖਿਆ ਮੰਤਰੀ ਮੁਹੰਮਦ ਰਜ਼ਾ ਅਸ਼ਟਿਆਨੀ, ਹਥਿਆਰਬੰਦ ਬਲ ਅਤੇ ਜਨਰਲ ਸਟਾਫ਼ ’ਤੇ ਪਾਬੰਦੀਆਂ ਲਗਾਈਆਂ ਜਾ ਰਹੀਆਂ ਹਨ।
ਜੌਲੀ ਨੇ ਇੱਕ ਬਿਆਨ ਵਿਚ ਕਿਹਾ ਕਿ ਈਰਾਨ ਨੂੰ ਇਸ ਨਾਲ ਸਾਡਾ ਸਪੱਸ਼ਟ ਸੰਦੇਸ਼ ਹੈ ਕਿ ਕੈਨੇਡਾ ਅਤੇ ਉਸ ਦੇ ਸਹਿਯੋਗੀ ਖੇਤਰੀ ਸ਼ਾਂਤੀ ਨੂੰ ਅਸਥਿਰ ਕਰਨ ਦੀਆਂ ਕਾਰਵਾਈਆਂ ਨੂੰ ਬਿਲਕੁਲ ਬਰਦਾਸ਼ਤ ਨਹੀਂ ਕਰਨਗੇ। ਅਮਰੀਕਾ ਅਤੇ ਯੂ.ਕੇ. ਨੇ ਈਰਾਨ ਦੀ ਡਰੋਨ ਇੰਡਸਟਰੀ ਨੂੰ ਪਾਬੰਦੀਸ਼ੁਦਾ ਲਿਸਟ ਵਿਚ ਸ਼ਾਮਲ ਕੀਤਾ ਹੈ।
ਬ੍ਰਿਟੇਨ ਨੇ ਇਹ ਵੀ ਕਿਹਾ ਕਿ ਉਹ ਈਰਾਨ ਨੂੰ ਡਰੋਨ ਅਤੇ ਮਿਜ਼ਾਈਲ ਹਿੱਸੇ ਦੇ ਨਿਰਯਾਤ ’ਤੇ ਨਵੀਂ ਪਾਬੰਦੀ ਲਗਾਵੇਗਾ, ਜਿਸ ਨਾਲ ਉਹ ਈਰਾਨ ਦੀ ਫੌਜੀ ਸਮਰੱਥਾ ਨੂੰ ਸੀਮਤ ਕਰਨ ਦੀ ਕੋਸ਼ਿਸ਼ ਕਰੇਗਾ। ਉਥੇ ਹੀ, ਇਸ ਵਿਚਕਾਰ ਕੈਨੇਡਾ ਨੇ ਫਰਾਂਸ, ਜਰਮਨੀ, ਹੰਗਰੀ, ਪੋਲੈਂਡ ਅਤੇ ਹੋਰ ਕਈ ਮੁਲਕਾਂ ਨਾਲ ਮਿਲ ਕੇ ਹਮਾਸ ਨੂੰ ਗਾਜ਼ਾ ਵਿਚ 200 ਦਿਨਾਂ ਤੋਂ ਵੱਧ ਸਮੇਂ ਤੋਂ ਬੰਧਕ ਬਣਾ ਕੇ ਰੱਖ ਗਏ ਲੋਕਾਂ ਨੂੰ ਤੁਰੰਤ ਛੱਡਣ ਲਈ ਕਿਹਾ ਹੈ।
