12.97C Vancouver 12.97C VancouverSep 15, 2023 7:34 PM - The Canadian Press
ਕੈਨੇਡਾ ਨੇ ਮਾਹਸਾ ਅਮੀਨੀ ਦੀ ਮੌਤ 'ਤੇ ਇੱਕ ਸਾਲ ਪੂਰੇ ਹੋਣ 'ਤੇ ਈਰਾਨ ਦੇ ਹੋਰ ਅਧਿਕਾਰੀਆਂ 'ਤੇ ਪਾਬੰਦੀ ਲਗਾ ਦਿੱਤੀ ਹੈ।
ਛੇ ਸੀਨੀਅਰ ਅਧਿਕਾਰੀਆਂ ਦੇ ਕੈਨੇਡਾ ਵਿੱਚ ਦਾਖਲ ਹੋਣ ਜਾਂ ਦੇਸ਼ ਵਿੱਚ ਕੋਈ ਜਾਇਦਾਦ ਰੱਖਣ 'ਤੇ ਪਾਬੰਦੀ ਲਗਾਈ ਹੈ।
ਕੈਨੇਡਾ ਵੱਲੋਂ ਪਿਛਲੇ 11 ਮਹੀਨਿਆਂ ਵਿੱਚ ਈਰਾਨ 'ਤੇ 31 ਸੰਸਥਾਵਾਂ ਅਤੇ 129 ਲੋਕਾਂ 'ਤੇ ਲਗਾਈਆਂ ਗਈਆਂ ਪਾਬੰਦੀਆਂ ਦਾ ਇਹ 14ਵਾਂ ਦੌਰ ਹੈ।
ਇਨ੍ਹਾਂ ਨਵੀਆਂ ਪਾਬੰਦੀਆਂ ਵਿੱਚ ਸੱਭਿਆਚਾਰਕ ਕ੍ਰਾਂਤੀ ਦੀ ਸੁਪਰੀਮ ਕੌਂਸਲ ਦੇ ਮੈਂਬਰ ਸ਼ਾਮਲ ਹਨ, ਇਸਦੇ ਨਾਲ ਹੀ ਇੱਕ ਅਣ-ਚੁਣੀ ਸੰਸਥਾ ਜਿਸ ਨੇ ਹਿਜਾਬ ਨਿਯਮਾਂ ਨੂੰ ਲਾਗੂ ਕਰਨ ਵਾਲੀ ਅਖੌਤੀ ਨੈਤਿਕ ਪੁਲਿਸ ਬਣਾਈ ਹੈ ਉਸਤੇ ਪਾਬੰਦੀਆਂ ਲਗਾਈਆਂ ਹਨ।
ਕੈਨੇਡਾ ਅਬਦੁਲ ਹੁਸੈਨ ਖੋਸਰੋ ਪਨਾਹ ਉੱਤੇ ਵੀ ਪਾਬੰਦੀ ਲਗਾ ਰਿਹਾ ਹੈ, ਜਿਸ ਨੇ ਜਨਵਰੀ ਵਿੱਚ ਗਰੁੱਪ ਦੀ ਕਮਾਨ ਸੰਭਾਲੀ ਸੀ ਅਤੇ ਈਰਾਨ ਵਿੱਚ ਔਰਤਾਂ ਦੀ ਨਿਗਰਾਨੀ ਵਿੱਚ ਵਾਧਾ ਕੀਤਾ ਸੀ।
ਵਿਦੇਸ਼ ਮਾਮਲਿਆਂ ਦੀ ਮੰਤਰੀ ਮੈਲਿਨੀ ਜੋਲੀ ਨੇ ਪਿਛਲੇ ਸਾਲ ਈਰਾਨੀ ਔਰਤਾਂ 'ਤੇ ਤੇਜ਼ੀ ਨਾਲ ਕਾਰਵਾਈ ਨੂੰ ਨੋਟ ਕੀਤਾ ਸੀ।
ਉਨ੍ਹਾਂ ਕਿਹਾ ਕਿ ਕੈਨੇਡਾ ਈਰਾਨ ਦੇ ਲੋਕਾਂ ਦੀ ਸਪੋਰਟ ਕਰਨਾ ਜਾਰੀ ਰੱਖੇਗਾ।
ਗੌਰਤਲਬ ਹੈ ਕਿ ਪਿਛਲੇ ਸਾਲ ਸਤੰਬਰ ਵਿੱਚ 22 ਸਾਲਾ ਕੁਰਦਿਸ਼ ਲੜਕੀ ਮਹਿਸਾ ਅਮੀਨੀ ਦੀ ਪੁਲਿਸ ਹਿਰਾਸਤ ਵਿਚ ਮੌਤ ਤੋਂ ਬਾਅਦ ਈਰਾਨ ਵਿਚ ਪ੍ਰਦਰਸ਼ਨ ਸ਼ੁਰੂ ਹੋਏ ਸਨ।
ਮਹਿਸਾ ਅਮੀਨੀ ਨੂੰ ਹਿਜਾਬ ਨਾ ਪਾਉਣ ਦੇ ਦੋਸ਼ ਵਿਚ ਗ੍ਰਿਫਤਾਰ ਕੀਤਾ ਗਿਆ ਸੀ।
