15.37C Vancouver 15.37C VancouverFeb 22, 2022 11:31 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਰੂਸ 'ਤੇ ਵਧੇਰੇ ਸੈਂਕਸ਼ਨਸ ਲਗਾਉਣ ਦਾ ਐਲਾਨ ਕੀਤਾ ਹੈ।
ਟਰੂਡੋ ਨੇ ਵਿੱਤੀ ਸੈਂਕਸ਼ਨਸ ਦੇ ਪਹਿਲੇ ਦੌਰ ਸੰਬੰਧੀ ਜਾਣਕਾਰੀ ਦਿੱਤੀ ਹੈ।
ਟਰੂਡੋ ਨੇ ਇਹ ਵੀ ਦੱਸਿਆ ਕਿ ਸੈਂਕੜੇ ਹੋਰ ਫੌਜੀਆਂ ਨੂੰ ਵੀ ਯੂਕਰੇਨ ਭੇਜਿਆ ਜਾ ਰਿਹਾ ਹੈ।
ਟਰੂਡੋ ਨੇ ਕਿਹਾ ਕਿ ਕਨੇਡੀਅਨ ਆਰਮਡ ਫੋਰਸਿਸ ਦੇ 460 ਹੋਰ ਮੈਂਬਰਾਂ ਨੂੰ ਲਾਟਵੀਆ ਭੇਜਿਆ ਜਾਵੇਗਾ।
ਯੂਕਰੇਨ 'ਤੇ ਰੂਸ ਦੇ ਹਮਲੇ ਵਿਚਾਲੇ ਨੈਟੋ ਰਿਸਪਾਂਸ 'ਚ ਵਾਧੇ ਲਈ ਇਹ ਕਦਮ ਚੁੱਕਿਆ ਜਾ ਰਿਹਾ ਹੈ।
ਲਾਟਵੀਆ 'ਚ ਪਹਿਲਾਂ ਹੀ 540 ਆਰਮਡ ਫੋਰਸਿਸ ਡਿਪਲਾਏ ਕੀਤੇ ਗਏ ਹਨ।
ਟਰੂਡੋ ਨੇ ਕਿਹਾ ਕਿ ਆਪਣੇ ਸਾਥੀਆਂ ਨਾਲ ਮਿਲ ਕੇ ਕਈ ਅਜਿਹੇ ਕਦਮ ਚੁੱਕੇ ਜਾ ਰਹੇ ਹਨ ਜਿਸ ਨਾਲ ਰੂਸ ਨੂੰ ਅਲੱਗ-ਥਲੱਗ ਕੀਤਾ ਜਾ ਸਕੇ।
ਇਸ 'ਚ ਰੂਸ ਦੇ ਪਾਰਲੀਅਮੈਂਟੇਰੀਅਨਸ, ਵਪਾਰਾਂ, ਲੀਡਰਾਂ ਅਤੇ ਕੰਪਨੀਆਂ ਖਿਲਾਫ ਵਿੱਤੀ ਸੈਂਕਸ਼ਨ ਸ਼ਾਮਿਲ ਹਨ।
ਇਨ੍ਹਾਂ ਵਿੱਤੀ ਪਬੰਦੀਆਂ ਦਾ ਸਾਹਮਣਾ ਰੂਸ ਦੇ ਬੈਂਕਸ ਅਤੇ ਡਿਫੈਂਸ ਕੰਪਨੀਆਂ ਨੂੰ ਵੀ ਕਰਨਾ ਪਵੇਗਾ।
ਕੈਨੇਡਾ ਨੇ ਰੂਸੀ ਡੈਟ ਦੀ ਖਰੀਦੀ 'ਤੇ ਵੀ ਪਬੰਦੀ ਲਗਾ ਦਿੱਤੀ ਹੈ ਅਤੇ ਡੌਨੈਸਕ ਅਤੇ ਲੂਆਂਸਕ ਦੇ ਪੂਰਬੀ ਯੁਕਰੇਨੀਅਨ ਖੇਤਰਾਂ ਨਾਲ ਵਿੱਤੀ ਡੀਲਿੰਗ ਬੰਦ ਕਰ ਦਿੱਤੀ ਹੈ।
ਰੂਸੀ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨੇ ਸੋਮਵਾਰ ਨੂੰ ਇਨ੍ਹਾਂ ਦੋਵੇਂ ਇਲਾਕਿਆਂ ਨੂੰ ਆਜ਼ਾਦ ਐਲਾਨ ਦਿੱਤਾ ਸੀ ਅਤੇ ਇੱਥੇ ਰੂਸੀ ਫੌਜਾਂ ਭੇਜ ਦਿੱਤੀਆਂ ਸਨ।
