18.83C Vancouver 18.83C VancouverJan 2, 2025 1:18 PM - The Canadian Press
ਕੈਨੇਡਾ 2025 ਵਿਚ ਵਿਸ਼ਵ ਦੇ ਸਭ ਤੋਂ ਆਰਥਿਕ ਸੰਪੰਨ ਮੁਲਕਾਂ ਦੇ ਸੰਗਠਨ G7 ਦੀ ਪ੍ਰਧਾਨਗੀ ਕਰਨ ਜਾ ਰਿਹਾ ਹੈ। G7 ਨੇਤਾਵਾਂ ਦੀਆਂ ਬੈਠਕਾਂ ਦਾ ਇਹ ਦੌਰ ਅਲਬਰਟਾ ਦੇ ਕਨਨਾਸਕਿਸ ਵਿਚ ਹੋਵੇਗਾ, ਜੋ ਕੈਲਗਰੀ ਦੇ ਬਿਲਕੁਲ ਪੱਛਮ ਵਿਚ ਹੈ, 2002 ਦਾ ਸੰਮੇਲਨ ਵੀ ਇਸੇ ਸਥਾਨ 'ਤੇ ਹੋਆ ਸੀ।
G7 ਵਿਚ ਅਮਰੀਕਾ, ਫਰਾਂਸ, ਜਰਮਨੀ, ਜਾਪਾਨ, ਯੂਨਾਈਟਿਡ ਕਿੰਗਡਮ, ਇਟਲੀ ਅਤੇ ਕੈਨੇਡਾ ਤੋਂ ਇਲਾਵਾ ਯੂਰਪੀਅਨ ਯੂਨੀਅਨ ਵੀ ਸ਼ਾਮਲ ਹੈ। ਕੈਨੇਡਾ ਇਸ ਗਰੁੱਪ ਵਿਚ 1976 ਵਿਚ ਸ਼ਾਮਲ ਹੋਇਆ ਸੀ ਅਤੇ ਇਸ ਸਾਲ ਸੱਤਵੀਂ ਵਾਰ ਇਸ ਦੀਆਂ ਬੈਠਕਾਂ ਦੀ ਪ੍ਰਧਾਨਗੀ ਕਰੇਗਾ। ਹਾਲਾਂਕਿ, 2018 ਤੋਂ ਬਾਅਦ ਇਹ ਪਹਿਲਾ ਮੌਕਾ ਹੈ ਜਦੋਂ ਕੈਨੇਡਾ ਦੇ ਹਿੱਸੇ G7 ਦੀ ਪ੍ਰਧਾਨਗੀ ਆਈ ਹੈ। ਇਸ ਵਾਰ ਦੀ G7 ਸੰਮੇਲਨ 15 ਜੂਨ ਤੋਂ 17 ਜੂਨ ਤੱਕ ਹੋਵੇਗੀ। 1997 ਤੋਂ ਰੂਸ ਵੀ ਗਰੁੱਪ ਦਾ ਮੈਂਬਰ ਸੀ ਪਰ ਯੂਕਰੇਨ 'ਤੇ ਹਮਲੇ ਮਗਰੋਂ ਇਸ ਨੂੰ ਬਾਹਰ ਕੱਢ ਦਿੱਤਾ ਗਿਆ ਸੀ।
ਗੌਰਤਲਬ ਹੈ ਕਿ ਕੈਨੇਡਾ ਵਲੋਂ ਕਿਊਬਿਕ ਵਿਚ ਹੋਸਟ ਕੀਤੀ ਗਈ ਆਖਰੀ G7 ਸੰਮੇਲਨ ਵਿਵਾਦਤ ਰਹੀ ਸੀ, ਟਰੰਪ ਇਸ ਨੂੰ ਵਿਚਕਾਰ ਛੱਡ ਕੇ ਚਲੇ ਗਏ ਸਨ ਅਤੇ ਟਵੀਟ ਕਰ ਅਧਿਕਾਰੀਆਂ ਨੂੰ ਗਰੁੱਪ ਦੇ ਨੇਤਾਵਾਂ ਵਲੋਂ ਜਾਰੀ ਬਿਆਨ ਤੋਂ ਸਮਰਥਨ ਵਾਪਸ ਲੈਣ ਦੇ ਹੁਕਮ ਦਿੱਤੇ ਸਨ।
