13.52C Vancouver 13.52C VancouverAug 31, 2020 3:33 PM -
ਕੋਵਿਡ-19 ਲਈ ਵੈਕਸੀਨ ਲਈ ਫੈਡਰਲ ਸਰਕਾਰ ਨੇ ਦੋ ਹੋਰ ਕੰਪਨੀਆਂ ਨਾਲ ਇਕਰਾਰਨਾਮਾ ਕਰ ਲਿਆ ਹੈ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇਸ ਸਬੰਧ ਵਿੱਚ ਐਲਾਨ ਮੌਂਟਰੀਅਲ ਵਿੱਚ ਕੀਤਾ।
ਟਰੂਡੋ ਮੁਤਾਬਕ ਨੋਵਾਵੈਕਸ ਅਤੇ ਜੌਨਸਨ ਐਂਡ ਜੌਨਸਨ ਕੰਪਨੀਆਂ ਨਾਲ ਹੋਏ ਇਕਰਾਰਨਾਮੇ ਸਦਕਾ ਕਨੇਡੀਅਨ ਲੋਕਾਂ ਨੂੰ ਕੋਵਿਡ-19 ਦੇ ਵੈਕਸੀਨ ਦੀਆਂ 88 ਮਿਲੀਅਨ ਡੋਜ਼ਾਂ ਉਪਲੱਬਧ ਹੋਣਗੀਆਂ।
ਨੋਵਾਵੈਕਸ ਮੈਰੀਲੈਂਡ ਦੇ ਵਿੱਚ ਸਥਿਤ ਇੱਕ ਬਾਇਓਟੈਕਨੌਲੋਜੀ ਕੰਪਨੀ ਹੈ ਅਤੇ ਵੈਕਸੀਨ ਦੇ ਮੁੱਢਲੇ ਟਰਾਇਲ ਅਮਰੀਕਾ ਅਤੇ ਆਸਟਰੇਲੀਆ ਵਿੱਚ ਕੀਤੇ ਜਾ ਰਹੇ ਹਨ।
ਇਸ ਤੋਂ ਪਹਿਲਾਂ ਕੈਨੇਡਾ ਨੇ ਫਾਈਜ਼ਰ ਅਤੇ ਮੌਡਰਨਾ ਨਾਂ ਦੀਆਂ ਕੰਪਨੀਆਂ ਨਾਲ ਵੀ ਵੈਕਸੀਨ ਤਿਆਰ ਕਰਨ ਦੇ ਇਕਰਾਰਨਾਮੇ ਕੀਤੇ ਹਨ।
ਸਾਰੇ ਵੈਕਸੀਨ ਦੇ ਪਹਿਲਾਂ ਕਲੀਨਿਕਲ ਟ੍ਰਾਇਲ ਕੀਤੇ ਜਾਣਗੇ ਅਤੇ ਕਨੇਡੀਅਨ ਲੋਕਾਂ ‘ਤੇ ਇਸਤੇਮਾਲ ਕਰਨ ਤੋਂ ਪਹਿਲਾਂ ਇਨ੍ਹਾਂ ਨੂੰ ਹੈਲਥ ਕੈਨੇਡਾ ਦੀ ਮਨਜ਼ੂਰੀ ਦੀ ਲੋੜ ਹੋਵੇਗੀ।
