18.19C Vancouver 18.19C VancouverSep 22, 2020 7:28 PM -
ਕੈਨੇਡਾ ਦੁਆਰਾ ਵੈਕਸੀਨਸ ਖਰੀਦਣ ਦੀ ਪੰਜਵੀਂ ਡੀਲ ਨੂੰ ਹੁਣ ਮੁਕੱਮਲ ਕਰ ਲਿਆ ਗਿਆ ਹੈ। ਦੇਸ਼ ਦਾ ਸੈਨੋਫ਼ੀ ਅਤੇ ਗਲੈਕਸੋਸਮਿੱਥਕਲਾਇਨ ਦੇ ਨਾਲ ਉਨ੍ਹਾਂ ਦੇ ਵੈਕਸੀਨ ਕੈਨਡੀਡੇਟ ਦੀਆਂ 72 ਮਿਲਿਅਨ ਡੋਜ਼ਿਜ਼ ਹਾਸਿਲ ਕਰਨ ਦਾ ਸਮਝੌਤਾ ਹੋਇਆ ਹੈ।
ਫੈਡਰਲ ਪ੍ਰੋਕਿਓਰਮੈਂਟ ਮਿਨਿਸਟਰ ਅਨੀਤਾ ਆਨੰਦ ਦਾ ਕਹਿਣਾ ਹੈ ਕਿ ਇਸ ਗੱਲ ਨੂੰ ਯਕੀਨੀ ਬਣਾਉਣ ਲਈ ਕਿ ਦੇਸ਼ ਨੂੰ ਲੋੜ ਹਿਸਾਬ ਨਾਲ ਵੈਕਸੀਨ ਦੀਆਂ ਡੋਜ਼ਿਜ਼ ਮਿਲ ਜਾਣ, ਇਹ ਜ਼ਰੂਰੀ ਹੈ ਕਿ ਇੱਕ ਹੀ ਸਮੇਂ ਤੇ ਕਈ ਵਸੀਲੇ ਤਿਆਰ ਰੱਖੇ ਜਾਣ।
ਨਵੀਂ ਡੀਲ ਬਾਰੇ ਘੋਸ਼ਣਾ ਕਰਦਿਆਂ ਮੰਗਲਵਾਰ ਨੂੰ ਮੰਤਰੀ ਅਨੀਤਾ ਆਨੰਦ ਨੇ ਕਿਹਾ ਕਿ ਦੇਸ਼ ਅਜੇ ਤੱਕ 5 ਵੱਖਰੀਆਂ ਕੰਪਨੀਆਂ ਦੇ ਨਾਲ 154 ਮਿਲਿਅਨ ਡੋਜ਼ਿਜ਼ ਲਈ ਕੁਲ ਇੱਕ ਬਿਲਿਆਨ ਡੌਲਰ ਤੱਕ ਦੀ ਵਚਨਬੱਧਤਾ ਕਰ ਚੁੱਕਾ ਹੈ।
ਕੈਨੇਡਾ ਦੁਆਰਾ 'ਕੋਵੈਕਸ' ਫੈਸੀਲਿਟੀ ਨਾਮੀਂ ਕੌਮਾਂਤਰੀ ਵੈਕਸੀਨ ਕੌਪਰੇਟਿਵ ਦੇ ਨਾਲ ਵੀ ਹੱਥ ਮਿਲਾਇਆ ਗਿਆ ਹੈ। ਇਸ ਵਿਚ ਹਰ ਤਰ੍ਹਾਂ ਦਾ ਦੇਸ਼ ਸ਼ਾਮਿਲ ਹੈ, ਅਤੇ ਉਹ ਦੇਸ਼ ਵੀ ਸ਼ਾਮਿਲ ਹਨ ਜਿੰਨ੍ਹਾਂ ਕੋਲ ਵੈਕਸੀਨ ਖਰੀਦਣ ਦੀ ਵਿੱਤੀ ਸਮਰੱਥਾ ਨਹੀਂ ਹੈ।
