18.19C Vancouver 18.19C VancouverMar 24, 2022 7:15 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਅੱਜ ਬ੍ਰਸਲਸ 'ਚ ਮੀਡੀਆ ਨੂੰ ਸੰਬੋਧਤ ਕਰਦੇ ਹੋਏ ਰੂਸ 'ਤੇ ਵਧੇਰੇ ਸੈਂਕਸ਼ਨਸ ਠੋਕੇ ਹਨ।
ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਕੈਨੇਡਾ ਵੱਲੋਂ ਰਸ਼ੀਅਨ ਫੈਡਰੇਸ਼ਨ ਕਾਉਂਸਿਲ ਦੇ 160 ਹੋਰ ਮੈਂਬਰਾਂ 'ਤੇ ਸੈਂਕਸ਼ਨ ਲਗਾਏ ਜਾ ਰਹੇ ਹਨ।
ਇਸ ਦੇ ਨਾਲ ਸੈਂਕਸ਼ਨਸ ਦਾ ਸਾਹਮਣਾ ਕਰ ਰਹੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਨਾਲ ਸੰਬੰਧਤ ਲੋਕਾਂ ਦੀ ਗਿਣਤੀ 964 ਤਕ ਪਹੁੰਚ ਗਈ ਹੈ।
ਟਰੂਡੋ ਨੇ ਕਿਹਾ ਕਿ ਕੈਨੇਡਾ ਵੱਲੋਂ ਡਿਫੈਂਸ ਖਰਚਿਆਂ 'ਚ ਵੀ ਵਾਧਾ ਕੀਤਾ ਜਾਵੇਗਾ।
ਹਾਲਾਂਕਿ ਡਿਫੈਂਸ ਖਰਚਿਆਂ 'ਚ ਵਾਧੇ ਸੰਬੰਧੀ ਕਿਸੇ ਖਾਸ ਵੇਰਵੇ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ।
ਨੈਟੋ ਅਤੇ ਜੀ-7 ਲੀਡਰਾਂ ਨਾਲ ਬੈਠਕ ਤੋਂ ਬਾਅਦ ਟਰੂਡੋ ਨੇ ਪ੍ਰੈਸ ਕਾਨਫਰੰਸ ਦੌਰਾਨ ਟਰੂਡੋ ਨੇ ਕਿਹਾ ਕਿ ਰੂਸ 'ਤੇ ਜਾਰੀ ਪਬੰਦੀਆਂ ਵਿਚਾਲੇ ਦੇਸ਼ ਨੂੰ ਭਾਰੀ ਮਾਲੀ ਨੁਕਸਾਨ ਹੋ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਰੂਸ ਦੀ ਕਰੰਸੀ ਡਿੱਗ ਰਹੀ ਹੈ ਅਤੇ ਰੂਸ ਨੂੰ ਹੋਰ ਨੁਕਸਾਨ ਹੋਣ ਵਾਲੇ ਹਨ।
ਪਰ ਉਨ੍ਹਾਂ ਕਿਹਾ ਕਿ ਇਸ ਸਭ ਲਈ ਸਿਰਫ ਇੱਕੋ ਵਿਅਕਤੀ ਜਿੰਮੇਵਾਰ ਹੈ ਜੋ ਵਲਾਦੀਮੀਰ ਪੁਤਿਨ ਹੈ।
