14.99C Vancouver 14.99C VancouverMar 19, 2024 6:45 PM - The Canadian Press
ਕੈਨੇਡਾ ਨੇ ਯੂਕਰੇਨ ਲਈ ਤੋਪਖਾਨੇ ਦੇ ਗੋਲੇ ਖਰੀਦਣ ਵਿਚ ਮਦਦ ਲਈ $40-ਮਿਲੀਅਨ ਤੋਂ ਵੱਧ ਦੀ ਮਦਦ ਦੇਣ ਦੀ ਘੋਸ਼ਣਾ ਕੀਤੀ ਹੈ। ਇਹ ਫੰਡਿੰਗ ਚੈਕ ਰਿਪਬਲਿਕ ਨੂੰ ਦਿੱਤੀ ਜਾਵੇਗੀ ਜੋ ਯੂਕਰੇਨ ਲਈ 800,000 ਤੋਪਖਾਨੇ ਦੇ ਗੋਲੇ ਖਰੀਦਣ ਲਈ ਫੰਡ ਇਕੱਠਾ ਕਰ ਰਿਹਾ ਹੈ। ਕੁੱਲ ਮਿਲਾ ਕੇ 18 ਦੇਸ਼ਾਂ ਨੇ ਇਸ ਪਹਿਲਕਦਮੀ ਤਹਿਤ ਖਰੀਦਦਾਰੀ ਲਈ ਵਿੱਤੀ ਮਦਦ ਦੇਣ ਲਈ ਸਹਿਮਤੀ ਦਿੱਤੀ ਹੈ।
ਰੱਖਿਆ ਮੰਤਰੀ ਬਿਲ ਬਲੇਅਰ ਨੇ ਮੰਗਲਵਾਰ ਨੂੰ ਨਵੀਂ ਫੰਡਿੰਗ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਕਿਹਾ ਕਿ ਕੈਨੇਡਾ ਕੀਵ ਨੂੰ $7.5-ਮਿਲੀਅਨ ਦੇ ਰਾਤ ਨੂੰ ਦੇਖਣ ਵਾਲੇ ਯੰਤਰ ਵੀ ਦਾਨ ਕਰੇਗਾ।
ਗੌਰਤਲਬ ਹੈ ਕਿ ਕੈਨੇਡਾ ਨੇ ਯੂਕਰੇਨ ਲਈ ਤੋਪਖਾਨੇ ਦੇ ਗੋਲੇ ਖਰੀਦਣ ਵਿਚ ਮਦਦ ਲਈ ਪਿਛਲੇ ਮਹੀਨੇ ਚੈਕ ਰਿਪਬਲਿਕ ਨਾਲ ਰੱਖਿਆ ਸਮਝੌਤਾ ’ਤੇ ਦਸਤਖਤ ਕੀਤੇ ਸਨ ਪਰ ਸਰਕਾਰ ਨੇ ਉਸ ਸਮੇਂ ਇਹ ਨਹੀਂ ਦੱਸਿਆ ਸੀ ਕਿ ਇਸ ਲਈ ਕਿੰਨਾ ਖ਼ਰਚ ਕੀਤਾ ਜਾਵੇਗਾ।
ਉਥੇ ਹੀ, ਕੈਨੇਡਾ ਯੂਕਰੇਨ ਨੂੰ ਲਗਭਗ 40,000 ਰਾਊਂਡ 155 ਮਿਲੀਮੀਟਰ ਤੋਪਖਾਨੇ ਦੇ ਗੋਲਾ-ਬਾਰੂਦ ਵੀ ਦੇ ਚੁੱਕਾ ਹੈ, ਜੋ ਕਿ ਇਸ ਦੇ ਆਪਣੇ ਸਟੋਕ ਅਤੇ ਅਮਰੀਕਾ ਵਲੋਂ ਖਰੀਦਦਾਰੀ ਤੋਂ ਪ੍ਰਾਪਤ ਕੀਤੇ ਗਏ ਸਨ।
