15C Vancouver 15C VancouverMay 4, 2023 8:48 PM - The Canadian Press
ਕੈਨੇਡਾ ਦੇ ਕੰਜ਼ਰਵਟਿਵ ਐਮ.ਪੀ. ਮਾਇਕਲ ਚੌਂਗ ਦੀ ਹੌਂਗ ਕੌਂਗ ਵਿਚ ਰਹਿੰਦੀ ਫੈਮਿਲੀ ਨੂੰ ਧਮਕੀਆਂ ਮਿਲਣ ਦੇ ਮਾਮਲੇ ਵਿਚ ਮਾਹੌਲ ਗਰਮਾ ਗਿਆ ਹੈ।
ਵਿਦੇਸ਼ ਮੰਤਰੀ ਮੇਲਨੀ ਜੋਲੀ ਨੇ ਚੌਂਗ ਦੇ ਪਰਿਵਾਰ ਨੂੰ ਟਾਰਗੇਟ ਕਰਨ ਵਿਚ ਮਦਦ ਕਰਨ ਦੇ ਦੋਸ਼ ਵਿਚ ਚੀਨੀ ਡਿਪਲੋਮੈਟ ਨੂੰ ਕੱਢਣ ਸਮੇਤ ਸਾਰੇ ਵਿਕਲਪ ਖੁੱਲ੍ਹੇ ਹੋਣ ਦੀ ਚਿਤਾਵਨੀ ਦਿੱਤੀ ਹੈ।
ਜੌਲੀ ਨੇ ਕਿਹਾ ਕਿ ਵਿਰੋਧ ਜਤਾਉਣ ਲਈ ਚੀਨੀ ਰਾਜਦੂਤ ਕੌਂਗ ਪੀਵੋ ਨੂੰ ਸੰਮਨ ਕੀਤਾ ਜਾ ਰਿਹਾ ਹੈ।
ਜੌਲੀ ਨੇ ਔਟਵਾ ਵਿਚ ਪਾਰਲੀਮੈਂਟ ਕਮੇਟੀ ਦੀ ਮੀਟਿੰਗ ਵਿਚ ਹਾਜ਼ਰ ਹੋਣ ਦੌਰਾਨ ਇਹ ਜਾਣਕਾਰੀ ਦਿੱਤੀ।
ਵਿਦੇਸ਼ ਮੰਤਰੀ ਨੇ ਇਹ ਸਖ਼ਤ ਟਿੱਪਣੀ ਉਸ ਰਿਪੋਰਟ ਮਗਰੋਂ ਕੀਤੀ ਹੈ ਜਿਸ ਵਿਚ ਇਹ ਖੁਲਾਸਾ ਹੋਇਆ ਸੀ ਕਿ ਕੰਜ਼ਰਵਟਿਵ ਐਮ.ਪੀ. ਮਾਇਕਲ ਚੌਂਗ ਦੀ ਫੈਮਿਲੀ ਨੂੰ ਟਾਰਗੇਟ ਕਰਨ ਵਿਚ ਕੈਨੇਡਾ ਵਿਚ ਰਹਿ ਰਿਹਾ ਇੱਕ ਚੀਨੀ ਡਿਪਲੋਮੈਟ ਵੀ ਸ਼ਾਮਲ ਸੀ।
ਗੌਰਤਲਬ ਹੈ ਕਿ ਚੌਂਗ ਨੇ ਬੀਜਿੰਗ ਵਲੋਂ ਘੱਟ ਗਿਣਤੀ ਉਈਗਰ ਨਾਲ ਕੀਤੇ ਗਏ ਸਲੂਕ ਖਿਲਾਫ਼ ਫਰਵਰੀ 2021 ਵਿਚ ਇੱਕ ਨਿੰਦਾ ਪ੍ਰਸਤਾਵ ਦੇ ਹੱਕ ਵਿਚ ਵੋਟ ਦਿੱਤੀ ਸੀ।
ਇਸ ਤੋਂ ਅਗਲੇ ਮਹੀਨੇ ਚੀਨ ਨੇ ਚੌਂਗ ਦੀ ਦੇਸ਼ ਵਿਚ ਐਂਟਰੀ ਬੈਨ ਕਰ ਦਿੱਤੀ ਸੀ ਅਤੇ ਚੀਨੀ ਨਾਗਰਿਕਾਂ ਨੂੰ ਕੈਨੇਡਾ ਦੇ ਐੱਮ.ਪੀ. ਨਾਲ ਬਿਜ਼ਨਸ ਕਰਨ ਤੋਂ ਵੀ ਰੋਕ ਦਿੱਤਾ ਸੀ।
