19.12C Vancouver 19.12C VancouverDec 16, 2021 5:40 PM - The Canadian Press
ਕੈਨੇਡਾ ਵਿੱਚ ਅੱਜ ਕੋਵਿਡ 19 ਕਰਕੇ ਹੋਈ 30,000ਵੀਂ ਮੌਤ ਦਰਜ ਕੀਤੀ ਗਈ।
ਓਨਟੇਰੀਓ ਵਿੱਚ ਅੱਜ ਕੋਵਿਡ 19 ਕਰਕੇ 9 ਨਵੀਆਂ ਮੌਤਾਂ ਰੀਪੋਰਟ ਕੀਤੀਆਂ ਗਈਆਂ ਜਿਸ ਨਾਲ ਇਸ ਮਹਾਂਮਾਰੀ ਕਾਰਣ ਦਮ ਤੋੜਨ ਵਾਲਿਆਂ ਦੀ ਗਿਣਤੀ 30,000 ਦੇ ਅੰਕੜੇ ਤੇ ਪਹੁੰਚ ਗਈ ਹੈ।
ਇੱਧਰ ਸਿਹਤ ਮਾਹਿਰਾਂ ਵੱਲੋਂ ਨਵੇਂ ਓਮੀਕਰੌਨ ਵੇਰੀਐਂਟ ਕਰਕੇ ਪੈਦਾ ਹੋਏ ਖਤਰੇ ਤੇ ਚਿੰਤਾ ਜ਼ਾਹਿਰ ਕੀਤੀ ਗਈ।
ਕੈਨੇਡਾ ਵਿੱਚ ਕੋਵਿਡ 19 ਕਰਕੇ 10,000 ਮੌਤਾਂ ਪਿਛਲੇ ਸਾਲ ਨਵੰਬਰ ਵਿੱਚ ਰੀਪੋਰਟ ਕੀਤੀਆਂ ਗਈਆਂ ਸਨ ਅਤੇ 20,000 ਵਾਲਾ ਅੰਕੜਾ 2 ਮਹੀਨੇ ਬਾਅਦ ਜਨਵਰੀ ਵਿੱਚ ਪਾਰ ਕੀਤਾ ਗਿਆ ਸੀ।
ਵੱਡੀ ਗਿਣਤੀ ਵਿੱਚ ਮੌਤਾਂ ਉਸ ਵੇਲੇ ਰੀਪੋਰਟ ਕੀਤੀਆਂ ਜਾ ਰਹੀਆਂ ਸਨ ਜਦ ਵੈਕਸੀਨ ਲੱਗਣੀ ਹਾਲੇ ਸ਼ੁਰੂ ਨਹੀਂ ਸੀ ਹੋਈ।
ਮਾਹਿਰਾਂ ਦਾ ਮੰਨਣਾ ਹੈ ਕਿ ਵੈਕਸੀਨ ਨਾਲ ਮੌਤ ਹੋਣ ਦਾ ਖਤਰਾ ਘੱਟ ਜਾਂਦਾ ਹੈ।
ਹਰ ਉਮਰ ਵਰਗ ਵਿੱਚ ਵੈਕਸੀਨ ਲੱਗੀ ਹੋਣ ਤੋਂ ਬਾਅਦ ਮੌਤ ਹੋਣ ਦਾ ਖਤਰਾ 75 ਤੋਂ ਲੈ ਕੇ 90% ਘਟਿਆ ਹੈ।
ਕੈਨੇਡਾ ਦੀ ਚੋਟੀ ਦੀ ਸਿਹਤ ਅਧਿਕਾਰੀ ਡਾਕਟਰ ਟੇਰੇਸਾ ਟੇਮ ਨੇ ਵੀ ਦੱਸਿਆ ਕਿ ਤਕਰੀਬਨ ਇੱਕ ਸਾਲ ਪਹਿਲਾਂ ਜਦ ਕੈਨੇਡਾ ਵਿੱਚ ਵੈਕਸੀਨ ਲੱਗਣੀ ਸ਼ੁਰੂ ਹੋਈ ਤਾਂ ਮੌਤਾਂ ਦੀ ਗਿਣਤੀ ਵੀ ਘਟਣੀ ਸ਼ੁਰੂ ਹੋ ਗਈ ਸੀ।
ਡਾਕਟਰ ਟੇਮ ਨੇ ਕਿਹਾ ਕਿ ਹਾਲੇ ਵੀ ਮੌਤ ਹੋਣ ਦੀ ਦਰ ਘੱਟ ਹੈ ਪਰ ਤੇਜ਼ੀ ਨਾਲ ਫੈਲਦੇ ਓਮੀਕਰੌਨ ਵੇਰੀਐਂਟ ਕਰਕੇ ਸਥਿਤੀ ਚਿੰਤਾਜਨਕ ਬਣ ਗਈ ਹੈ।
