8.4C Vancouver 8.4C VancouverJun 30, 2022 7:11 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਰਵਾਂਡਾ, ਜਰਮਨੀ ਅਤੇ ਸਪੇਨ 'ਚ ਹੋਈਆਂ ਬੈਠਕਾਂ ਤੋਂ ਬਾਅਦ ਘਰ ਪਰਤ ਰਹੇ ਹਨ।
ਇਨ੍ਹਾਂ ਬੈਠਕਾਂ ਦੌਰਾਨ ਵੱਖੋ-ਵੱਖਰੇ ਲੀਡਰਾਂ ਦਾ ਧਿਆਨ ਮੁੱਖ ਤੌਰ 'ਤੇ ਯੂਕਰੇਨ ਦੀ ਜੰਗ 'ਤੇ ਕੇਂਦਰਿਤ ਰਿਹਾ।
ਅੱਜ ਮੈਡਰਿਡ 'ਚ ਨੈਟੋ ਸੰਮਿਟ ਪੂਰਾ ਹੋਣ 'ਤੇ ਟਰੂਡੋ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਕੈਨੇਡਾ ਆਖਰੀ ਦੌਰ ਦੀ ਗੱਲਬਾਤ ਕਰ ਰਿਹਾ ਹੈ ਅਤੇ ਯੂਕਰੇਨ ਨੂੰ ਜਲਦੀ ਹੀ ਵਧੇਰੇ ਜੰਗ ਸੰਬੰਧੀ ਸਪਲਾਈ ਪਹੁੰਚਾਈ ਜਾਵੇਗੀ।
ਉਨ੍ਹਾਂ ਕਿਹਾ ਕਿ ਯੂਕਰੇਨ ਨੂੰ 39 ਦੇ ਕਰੀਬ ਆਰਮਰਡ ਕੌਂਬੈਟ ਸੱਪੋਰਟ ਵਾਹਨ ਅਤੇ 6 ਹੋਰ ਕੈਨੇਡਾ ਦੇ ਬਣੇ ਡਰੋਨ ਕੈਮਰਾ ਪਹੁੰਚਾਏ ਜਾਣਗੇ।
ਟਰੂਡੋ ਨੇ ਕਿਹਾ ਕਿ ਯੂਕਰੇਨ ਨੂੰ ਭੇਜੀ ਜਾ ਰਹੀ ਜੰਗੀ ਮਦਦ ਬਾਰੇ ਫੈਸਲਾ ਦੇਸ਼ ਦੇ ਰਾਸ਼ਟਰਪਤੀ ਵੋਲੋਦੀਮੀਰ ਜ਼ੀਲੈਂਸਕੀ ਅਤੇ ਉਨ੍ਹਾਂ ਦੇ ਮੰਤਰੀਆਂ ਨਾਲ ਹੋਈ ਗੱਲਬਾਤ ਤੋਂ ਬਾਅਦ ਲਿਆ ਗਿਆ ਹੈ।
ਉਨ੍ਹਾਂ ਨਾਲ ਹੀ ਕਿਹਾ ਕਿ ਕੈਨੇਡਾ ਲਾਤਵੀਆ 'ਚ ਵੀ ਹੋਰ ਫੌਜ ਭੇਜੇਗਾ।
ਹਾਲਾਂਕਿ ਫੌਜ ਦੀ ਗਿਣਤੀ ਬਾਰੇ ਟਰੂਡੋ ਨੇ ਸਪਸ਼ਟ ਜਵਾਬ ਨਹੀਂ ਦਿੱਤਾ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਕੈਨੇਡਾ ਵੱਲੋਂ ਨਵੰਬਰ 'ਚ ਬਾਲੀ ਦੇ ਵਿੱਚ ਹੋਣ ਵਾਲੇ ਜੀ-20 ਸੰਮਿਟ 'ਚ ਹਿੱਸਾ ਲਿਆ ਜਾਵੇਗਾ।
