18.24C Vancouver 18.24C VancouverFeb 4, 2025 5:04 PM - Connect Newsroom
ਕੈਨੇਡਾ ਅਤੇ ਅਮਰੀਕਾ ਵਿਚਕਾਰ ਟੈਰਿਫ ਵਾਰ ਘੱਟੋ-ਘੱਟ 30 ਦਿਨਾਂ ਲਈ ਟਲ ਗਈ ਹੈ। ਪੀ.ਐੱਮ. ਜਸਟਿਨ ਟਰੂਡੋ ਵਲੋਂ ਟਰੰਪ ਨੂੰ ਇਸ ਵਿਸ਼ਵਾਸ ਵਿਚ ਲਿਆ ਗਿਆ ਹੈ ਕਿ ਕੈਨੇਡਾ $1.3-ਬਿਲੀਅਨ ਦਾ ਬਾਰਡਰ ਸਕਿਓਰਟੀ ਪਲਾਨ ਲਾਗੂ ਕਰ ਰਿਹਾ ਹੈ, ਜਿਸ ਵਿਚ ਸਰਹੱਦ ਪਾਰ ਗੈਰ-ਕਾਨੂੰਨੀ ਮਨੁੱਖੀ ਤਸਕਰੀ ਅਤੇ ਨਸ਼ਾ ਤਸਕਰੀ ਨੂੰ ਰੋਕਣ ਲਈ ਨਵੇਂ ਹੈਲੀਕਾਪਟਰ, ਤਕਨਾਲੋਜੀ ਅਤੇ ਕਰਮਚਾਰੀ ਤਾਇਨਾਤ ਕਰਨਾ ਸ਼ਾਮਲ ਹੈ।
ਇਸ ਦੇ ਨਾਲ ਹੀ ਕੈਨੇਡਾ ਟਰੰਪ ਨਾਲ ਡੀਲ ਤਹਿਤ ਵਿਸ਼ੇਸ਼ ਫੈਂਟਾਨਾਇਲ ਜ਼ਾਰ ਨਿਯੁਕਤ ਕਰਨ ਅਤੇ ਡਰੱਗ ਕਾਰਟੈਲ ਨੂੰ ਅੱਤਵਾਦੀ ਦੇ ਰੂਪ ਵਿਚ ਸੂਚੀਬੱਧ ਲਈ ਸਹਿਮਤ ਹੋਇਆ ਹੈ। ਪੀ.ਐੱਮ. ਟਰੂਡੋ ਨੇ ਕਿਹਾ ਕਿ ਬਾਰਡਰ ਦੀ 24 ਘੰਟੇ ਨਿਗਰਾਨੀ ਹੋਵੇਗੀ ਅਤੇ ਸੰਗਠਿਤ ਅਪਰਾਧ, ਫੈਂਟਾਨਾਇਲ ਤੇ ਮਨੀ ਲਾਂਡਰਿੰਗ ਨਾਲ ਨਜਿੱਠਣ ਲਈ ਕੈਨੇਡਾ, ਅਮਰੀਕਾ ਮਿਲ ਕੇ ਇੱਕ ਜੁਆਇੰਟ ਸਟਰਾਈਕ ਫੋਰਸ ਲਾਂਚ ਕਰਨਗੇ।
ਗੌਰਤਲਬ ਹੈ ਕਿ ਕੈਨੇਡਾ ਅਤੇ ਮੈਕਸੀਕੋ ’ਤੇ ਮੰਗਲਵਾਰ ਯਾਨੀ ਅੱਜ ਤੋਂ 25 ਫੀਸਦੀ ਟੈਰਿਫ ਲਾਗੂ ਹੋਣਾ ਸੀ ਅਤੇ ਦੋਵੇਂ ਅਮਰੀਕਾ ’ਤੇ ਜਵਾਬੀ ਟੈਰਿਫ ਲਈ ਵੀ ਤਿਆਰ ਸਨ ਪਰ ਬੀਤੇ ਕੱਲ੍ਹ ਟਰੰਪ ਨੇ ਮੈਕਸੀਕੋ ਦੀ ਰਾਸ਼ਟਰਪਤੀ ਅਤੇ ਪੀਐੱਮ ਟਰੂਡੋ ਨਾਲ ਡੀਲ ਤੋਂ ਬਾਅਦ ਟੈਰਿਫ ਦੀ ਯੋਜਨਾ ਨੂੰ ਇੱਕ ਮਹੀਨੇ ਲਈ ਟਾਲ ਦਿੱਤਾ ਹੈ।
