16.66C Vancouver 16.66C VancouverNov 6, 2023 7:34 PM - The Canadian Press
ਵੈਨਕੂਵਰ ਪੁਲਿਸ ਨੇ ਇੱਕ ਹਾਈ ਰਿਸਕ ਸੈਕਸ ਅਪਰਾਧੀ ਖਿਲਾਫ ਕੈਨੇਡਾ ਵਾਈਡ ਵਾਰੰਟ ਜਾਰੀ ਕੀਤੇ ਹਨ, ਜੋ ਨਵਾਂ ਮੁਕੱਦਮਾ ਸ਼ੁਰੂ ਹੋਣ ਦੇ ਦੋ ਦਿਨ ਪਹਿਲਾਂ ਸ਼ਨੀਵਾਰ ਨੂੰ ਭਗੌੜਾ ਹੋ ਗਿਆ।
ਇਸ ਘਟਨਾ 'ਤੇ ਪ੍ਰੀਮੀਅਰ ਡੇਵਿਡ ਈਬੀ ਨੇ ਵੀ ਚਿੰਤਾ ਜ਼ਾਹਰ ਕੀਤੀ ਹੈ।
58 ਸਾਲਾ ਮੁਲਜ਼ਮ ਰੈਂਡਲ ਹੋਪਲੇ 2011 ਵਿੱਚ ਇੱਕ ਤਿੰਨ ਸਾਲਾ ਲੜਕੇ ਨੂੰ ਅਗਵਾ ਕਰਨ ਦਾ ਦੋਸ਼ੀ ਹੈ।
ਵੈਨਕੂਵਰ ਪੁਲਿਸ ਨੇ ਸ਼ਨੀਵਾਰ ਸ਼ਾਮ ਹੋਪਲੇ ਦੀ ਇੱਕ ਫੋਟੋ ਸਾਂਝੀ ਕੀਤੀ ਅਤੇ ਪਬਲਿਕ ਨੂੰ 911 'ਤੇ ਉਸ ਦੇ ਟਿਕਾਣੇ ਬਾਰੇ ਸੂਚਨਾ ਦੇਣ ਦੀ ਅਪੀਲ ਕੀਤੀ।
ਪ੍ਰੀਮੀਅਰ ਡੇਵਿਡ ਈਬੀ ਨੇ ਸਵਾਲ ਉਠਾਏ ਕਿ ਹੋਪਲੇ ਦੀ ਕ੍ਰਿਮੀਨਲ ਹਿਸਟਰੀ ਨੂੰ ਦੇਖਦੇ ਹੋਏ ਅਤੇ ਜਨਵਰੀ ਵਿੱਚ ਪੈਰੋਲ ਬੋਰਡ ਵੱਲੋਂ ਉਸ ਖਿਲਾਫ ਕੀਤੀਆਂ ਗਈਆਂ ਸਿਫਾਰਸ਼ਾਂ ਦੇ ਬਾਵਜੂਦ ਲੋੜੀਂਦੇ ਸੁਰੱਖਿਆ ਉਪਾਅ ਕਿਉਂ ਨਹੀਂ ਕੀਤੇ ਗਏ।
ਵੈਨਕੂਵਰ ਪੁਲਿਸ ਨੇ ਨਿਊਜ਼ ਰਿਲੀਜ਼ ਵਿੱਚ ਕਿਹਾ ਕਿ ਹੋਪਲੇ ਨੇ ਪਿਛਲੇ ਸਮੇਂ ਵਿੱਚ ਬੱਚਿਆਂ ਵਿਰੁੱਧ ਜਿਨਸੀ ਸੁਭਾਅ ਦੇ ਤਿੰਨ ਅਪਰਾਧ ਤਹਿ ਕੀਤੇ ਹਨ।
2011 ਵਿੱਚ ਉਸ ਨੂੰ ਸਪਾਰਵੁੱਡ ਤੋਂ ਇੱਕ ਸੌਂ ਰਹੇ ਤਿੰਨ ਸਾਲਾ ਲੜਕੇ ਨੂੰ ਅਗਵਾ ਕਰਨ ਦਾ ਦੋਸ਼ੀ ਠਹਿਰਾਇਆ ਗਿਆ ਸੀ।
ਨੈਸ਼ਨਲ ਪੈਰੋਲ ਬੋਰਡ ਮੁਤਾਬਕ, 2018 ਵਿੱਚ ਰਿਹਾਅ ਹੋਣ ਤੋਂ ਬਾਅਦ ਉਸ ਨੇਨਿਗਰਾਨੀ ਦੇ ਆਦੇਸ਼ ਦੀ ਉਲੰਘਣਾ ਕੀਤੀ ਸੀ, ਉਸ ਨੂੰ ਇੱਕ ਲਾਇਬ੍ਰੇਰੀ ਵਿੱਚ ਬੱਚਿਆਂ ਦੇ ਇੱਕ ਗਰੁੱਪ ਤੋਂ ਮਹਿਜ ਇੱਕ ਮੀਟਰ ਦੂਰੀ 'ਤੇ ਫੜਿਆ ਗਿਆ ਸੀ।
