9.43C Vancouver 9.43C VancouverMar 18, 2022 12:27 AM - Connect News
ਔਂਟੈਰੀਓ ਦੇ ਮਿਸੀਸਾਗਾ 'ਚ ਵਾਪਰੇ ਇੱਕ ਜਾਨਲੇਵਾ ਹਿਟ ਐਂਡ ਰਨ ਮਾਮਲੇ 'ਚ ਇੱਕ ਯੁਵਕ 'ਤੇ ਕੈਨੇਡਾ ਵਾਈਡ ਵਾਰੰਟ ਜਾਰੀ ਕੀਤਾ ਗਿਆ ਹੈ।
19 ਸਾਲਾ ਪਵਨ ਮਲਿਕ ਖਿਲਾਫ ਕੈਨੇਡਾ ਭਰ ਦਾ ਵਾਰੰਟ ਜਾਰੀ ਕੀਤਾ ਗਿਆ ਹੈ।
ਇਸੇ ਸਾਲ 20 ਫਰਵਰੀ ਨੂੰ ਇੱਕ 24 ਸਾਲਾ ਔਰਤ ਡੈਰੀ ਰੋਡ ਈਸਟ ਕੋਲ ਤੁਰ ਕੇ ਜਾ ਰਹੀ ਸੀ ਅਤੇ ਕੈਟਰਿਕ ਸਟ੍ਰੀਟ ਕੋਲ ਸੜਕ ਟੱਪਣ ਲੱਗੀ ਸੀ।
ਇਸੇ ਦੌਰਾਨ ਇੱਕ ਵਾਹਨ ਦੀ ਔਰਤ ਨਾਲ ਟੱਕਰ ਹੋ ਗਈ। ਔਰਤ ਦੀ ਪਛਾਣ ਕਵਿਤਾ ਚੌਧਰੀ ਵਜੋਂ ਹੋਈ ਹੈ।
ਪੀੜਤ ਔਰਤ ਬਰੈਂਪਟਨ ਦੀ ਰਹਿਣ ਵਾਲੀ ਸੀ।
ਵਾਹਨ ਨੂੰ ਮੌਕੇ ਤੋਂ ਦੌੜਾ ਲਿਆ ਗਿਆ ਸੀ ਅਤੇ ਪੀੜਤ ਨੂੰ ਮੌਕੇ 'ਤੇ ਮਦਦ ਪ੍ਰਦਾਨ ਕਰਨ ਲਈ ਵੀ ਵਾਹਨ ਨਹੀਂ ਰੋਕਿਆ ਗਿਆ ਸੀ।
ਜਾਂਚ ਅਧਿਕਾਰੀਆਂ ਨੇ ਘਟਨਾ 'ਚ ਸ਼ਾਮਿਲ 2009 ਹੌਂਡਾ ਐਕੌਰਡ ਗੱਡੀ ਦੀ ਭਾਲ ਕਰ ਲਈ ਹੈ।
ਜਿਸ ਵਿਅਕਤੀ ਨੇ ਕਥਿਤ ਤੌਰ 'ਤੇ ਘਟਨਾ ਨੂੰ ਅੰਜਾਮ ਦਿੱਤਾ ਉਸ ਦੀ ਪਛਾਣ 19 ਸਾਲਾ ਪਵਨ ਮਲਿਕ ਵਜੋਂ ਹੋਈ ਹੈ।
ਉਸ ਨੂੰ ਬਰੈਂਪਟਨ ਵਾਸੀ ਦੱਸੀ ਗਿਆ ਹੈ।
ਜਾਂਚ ਅਧਿਕਾਰੀਆਂ ਨੇ ਦੱਸਿਆ ਕਿ ਪਵਨ ਮਲਿਕ ਇਸ ਘਟਨਾ ਤੋਂ ਕੁਝ ਸਮੇਂ 'ਚ ਦੇਸ਼ ਛੱਡ ਕੇ ਚਲਾ ਗਿਆ ਸੀ।
ਉਸ ਨੂੰ ਲੋਕੇਟ ਕਰਨ 'ਤੇ ਕਰਾਊਨ ਦੀ ਕੋਸ਼ਿਸ਼ ਹੋਵੇਗੀ ਕਿ ਦੋਸ਼ਾਂ ਦਾ ਸਾਹਮਣਾ ਕਰਨ ਲਈ ਉਸ ਨੂੰ ਐਕਸਟ੍ਰਾਡਾਈਟ ਕੀਤਾ ਜਾਵੇ।
