14.37C Vancouver 14.37C VancouverMar 18, 2021 1:39 AM -
ਹੈਲਥ ਕੈਨੇਡਾ ਨੇ ਆਪਣੇ ਵੈਕਸੀਨ ਡਿਲੀਵਰੀ ਵੈਬਸਾਈਟ 'ਤੇ ਕੁਝ ਅੰਕੜੇ ਸਾਂਝੇ ਕੀਤੇ ਹਨ, ਜਿਸ ਅਨੁਸਾਰ ਕੈਨੇਡਾ ਨੂੰ ਅਗਲੇ 8 ਹਫ਼ਤਿਆਂ ਦਰਮਿਆਨ ਹੁਣ ਤਕ ਡਿਲਿਵਰ ਹੋਈਆਂ ਵੈਕਸੀਨ ਖੁਰਾਕਾਂ ਤੋਂ ਢਾਈ ਗੁਣਾ ਵਧੇਰੇ ਖੁਰਾਕਾਂ ਹਾਸਿਲ ਹੋਣਗੀਆਂ।
ਇਹ ਪੁਸ਼ਟੀ ਕੀਤੀ ਗਈ ਕਿ ਕੈਨੇਡਾ ਕੋਲ 22 ਮਾਰਚ ਤੋਂ 16 ਮਈ ਵਿਚਾਲੇ ਫਾਈਜ਼ਰ ਵੈਕਸੀਨ ਦੀਆਂ 8.5 ਮਿਲੀਅਨ ਡੋਜ਼ ਪਹੁੰਚਣਗੀਆਂ।
ਇਸ ਦੌਰਾਨ ਅਗਲੇ 2 ਹਫ਼ਤਿਆਂ ਦੌਰਾਨ ਪ੍ਰਤੀ ਹਫ਼ਤਾ 1.2 ਮਿਲੀਅਨ ਖੁਰਾਕਾਂ ਦੀ ਡਿਲੀਵਰੀ ਹੋਵੇਗੀ।
ਇਸ ਤੋਂ ਬਾਅਦ ਅਗਲੇ 6 ਹਫ਼ਤਿਆਂ ਦੌਰਾਨ ਪ੍ਰਤੀ ਹਫ਼ਤਾ ਇੱਕ-ਇੱਕ ਮਿਲੀਅਨ ਤੋਂ ਕੁਝ ਵਧੇਰੇ ਖੁਰਾਕਾਂ ਦੀ ਡਿਲੀਵਰੀ ਹੋਵੇਗੀ।
ਮੌਡਰਨਾ ਵੱਲੋਂ ਮਾਰਚ ਤੋਂ ਬਾਅਦ ਦੀਆਂ ਡਿਲਿਵਰੀਆਂ ਸੰਬੰਧੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਐਸਟ੍ਰਾਜ਼ੈਨਕਾ ਅਤੇ ਜੌਨਸਨ ਐਂਡ ਜੌਨਸਨ ਦੀਆਂ ਵੈਕਸੀਨ ਖੁਰਾਕਾਂ ਦੀ ਡਿਲੀਵਰੀ ਬਾਰੇ ਵੀ ਤਾਰੀਖ ਦੀ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
ਅਪ੍ਰੈਲ ਦੇ ਮਹੀਨੇ 'ਚ ਸੀਰਮ ਇੰਸਟੀਟਿਊਟ ਆਫ ਇੰਡੀਆ ਵੱਲੋਂ ਐਸਟ੍ਰਾਜ਼ੈਨਕਾ ਵੈਕਸੀਨ ਦੀਆਂ ਇੱਕ ਮਿਲੀਅਨ ਹੋਰ ਖੁਰਾਕਾਂ ਭੇਜੀਆਂ ਜਾਣੀਆਂ ਹਨ।
ਇਸ ਤੋਂ ਬਾਅਦ ਮਈ 'ਚ 500,000 ਹੋਰ ਖੁਰਾਕਾਂ ਦੀ ਡਿਲੀਵਰੀ ਹੋਵੇਗੀ।
ਇਸ ਦੀ ਤਾਰੀਖ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ।
