20.38C Vancouver 20.38C VancouverJan 20, 2021 1:02 AM -
ਕੈਨੇਡਾ ਦੇ ਲੀਡਰ ਅਤੇ ਸਿਹਤ ਅਧਿਕਾਰੀ ਵਾਅਦਾ ਕਰ ਰਹੇ ਹਨ ਕਿ ਫਾਈਜ਼ਰ ਵੈਕਸੀਨ 'ਚ ਆਏ ਅੜਿੱਕੇ ਛੋਟੇ ਸਮੇਂ ਦੇ ਅਤੇ ਟੈਂਪਰੇਰੀ ਹਨ।
ਇਸੇ ਦੌਰਾਨ ਮੇਜਰ ਜਨਰਲ ਡੈਨੀ ਫੌਰਟੈਂ ਅਤੇ ਦੇਸ਼ ਦੀ ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਅਗਲੇ ਹਫ਼ਤੇ ਕੈਨੇਡਾ 'ਚ ਫਾਈਜ਼ਰ ਵੈਕਸੀਨ ਦੀ ਕੋਈ ਸ਼ਿਪਮੈਂਟ ਨਹੀਂ ਪਹੁੰਚੇਗੀ।
ਪਬਲਿਕ ਹੈਲਥ ਅਜੈਂਸੀ ਆਫ ਕੈਨੇਡਾ ਦੇ ਵੈਕਸੀਨ ਦੀ ਵੰਢ ਸੰਬੰਧੀ ਪ੍ਰੀਕਿਰਿਆ ਦੇ ਵਾਈਸ ਪ੍ਰੈਜ਼ੀਡੈਂਟ, ਡੈਨੀ ਫੌਰਟੈਂ ਦਾ ਕਹਿਣਾ ਹੈ ਕਿ ਇਸ ਹਫ਼ਤੇ ਦੀ ਸ਼ਿਪਮੈਂਟ ਵੀ ਉਮੀਦ ਤੋਂ ਕਰੀਬ 5ਵਾਂ ਹਿੱਸਾ ਹੀ ਰਹੀ ਹੈ।
ਹਾਲਾਂਕਿ ਉਨ੍ਹਾਂ ਦੱਸਿਆ ਕਿ ਫਾਈਜ਼ਰ ਵੱਲੋਂ ਮਾਰਚ ਦੇ ਅੰਤ ਤੱਕ 4 ਮਿਲੀਅਨ ਡੋਜ਼ ਪਹੁੰਚਾਉਣ ਦੇ ਆਪਣੇ ਵਾਅਦੇ 'ਤੇ ਪੂਰਾ ਉਤਰਨ ਦੀ ਆਸ ਹੈ।
ਯਾਦ ਰਹੇ ਫਾਈਜ਼ਰ ਵੱਲੋਂ ਬੈਲਜੀਅਮ 'ਚ ਆਪਣੇ ਪਲਾਂਟ ਨੂੰ ਅਪਗ੍ਰੇਡ ਕੀਤਾ ਜਾ ਰਿਹਾ ਹੈ, ਜਿਸ ਦੌਰਾਨ ਵਿਘਨ ਪੈ ਰਹੇ ਹਨ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਨੇ ਵੀ ਵੈਕਸੀਨ ਸ਼ਿਪਮੈਂਟ 'ਚ ਅੜਿੱਕੇ ਦੀ ਪੁਸ਼ਟੀ ਕੀਤੀ ਹੈ।
