Canada's 100 Richest CEOs Earn 210 Times More Than Average Worker

ਕੈਨੇਡਾ ਦੇ 100 ਸਭ ਤੋਂ ਅਮੀਰ ਸੀਈਓਜ਼ ਦੀ ਔਸਤ ਕਮਾਈ ਕਾਮਿਆਂ ਨਾਲੋਂ 210 ਗੁਣਾ ਵੱਧ

Share On

canadas-100-richest-ceos-earn-210-times-more-than-average-worker

To address income inequality, the report recommends introducing a wealth tax on Canadians earning more than $10 million annually, which could generate $32 billion in government revenue each year.

ਕੈਨੇਡਾ ਦੇ 100 ਸਭ ਤੋਂ ਵੱਧ ਦੌਲਤਮੰਦ ਸੀ.ਈ.ਓ.- ਔਸਤ ਕੈਨੇਡੀਅਨ ਵਰਕਰ ਤੋਂ 210 ਗੁਣਾ ਵੱਧ ਕਮਾ ਰਹੇ ਹਨ। ਕੈਨੇਡੀਅਨ ਸੈਂਟਰ ਫਾਰ ਪਾਲਿਸੀ ਅਲਟਰਨੇਟਿਵ ਨੇ ਤਾਜ਼ਾ ਰਿਪੋਰਟ ਵਿਚ ਇਹ ਖੁਲਾਸਾ ਕੀਤਾ।

ਰਿਪੋਰਟ ਮੁਤਾਬਕ, ਕੈਨੇਡਾ ਦੇ 100 ਸਭ ਤੋਂ ਅਮੀਰ ਸੀ.ਈ.ਓ. ਨੇ 2023 ਵਿਚ ਤਨਖਾਹ, ਬੋਨਸ ਅਤੇ ਹੋਰ ਮੁਆਵਜ਼ੇ ਦੇ ਰੂਪ ਵਿਚ ਔਸਤ $13.2 ਮਿਲੀਅਨ ਦੀ ਕਮਾਈ ਕੀਤੀ, ਜੋ ਕਿ ਔਸਤ ਕੈਨੇਡੀਅਨ ਵਰਕਰ ਦੀ $66,661 ਕਮਾਈ ਤੋਂ ਕਰੀਬ 210 ਗੁਣਾ ਜ਼ਿਆਦਾ ਹੈ, ਜਦੋਂ ਕਿ 1998 ਵਿਚ ਇਹ ਫਾਂਸਲਾ 104 ਗੁਣਾ ਦਾ ਸੀ।

ਸੀ.ਈ.ਓ. ਦੀ ਪੇਅ ਲਈ 2023 ਤੀਜਾ ਸਭ ਤੋਂ ਵੱਡਾ ਸਾਲ ਰਿਹਾ। ਇਸ ਦੌਰਾਨ ਸਭ ਤੋਂ ਵੱਧ ਪੈਸਾ ਕਮਾਉਣ ਵਾਲੇ ਸੀਈਓ -ਜੀਐਫਐਲ ਇਨਵਾਇਰਮੈਟਲ ਦੇ ਪੈਟਰਿਕ ਡੋਵਿਗੀ ਸਨ। ਰਿਪੋਰਟ ਮੁਤਾਬਕ, ਲਿਸਟ ਵਿਚ ਜ਼ਿਆਦਾਤਰ ਸੀ. ਈ. ਓ. ਪੁਰਸ਼ ਹਨ, ਜਿਨ੍ਹਾਂ ਵਿਚ ਸਿਰਫ਼ ਤਿੰਨ ਮਹਿਲਾਵਾਂ ਹੀ ਜਗ੍ਹਾ ਬਣਾ ਸਕੀਆਂ।

ਰਿਪੋਰਟ ਵਿਚ $10 ਮਿਲੀਅਨ ਤੋਂ ਜ਼ਿਆਦਾ ਕਮਾਈ ਵਾਲੇ ਕੈਨੇਡੀਅਨ ’ਤੇ ਦੌਲਤ ਟੈਕਸ ਲਗਾਉਣ ਦੀ ਸਿਫਾਰਸ਼ ਕੀਤੀ ਗਈ ਹੈ, ਜਿਸ ਬਾਰੇ ਕਿਹਾ ਗਿਆ ਹੈ ਕਿ ਇਸ ਨਾਲ ਸਰਕਾਰ ਨੂੰ ਸਾਲਾਨਾ $32 ਬਿਲੀਅਨ ਦੀ ਆਮਦਨ ਹੋ ਸਕਦੀ ਹੈ।

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਅੱਜ ਔਟਵਾ ਵਿਖੇ ਆਪਣੀ ਲਿਬਰਲ ਕਾਕਸ ਦੀ ਬੈਠਕ ਨੂੰ ਸੰਬੋਧਨ ਕਰਨ ਜਾ ਰਹੇ ਹਨ। ਇਹ ਅਹਿਮ ਬੈਠਕ ਸੋਮਵਾਰ ਤੋਂ ਸ਼ੁਰੂ ਹੋ ਰਹੇ ਹਾਊਸ ਔਫ ਕਾਮਨਜ਼ ਦੇ ਫਾਲ ਸੈਸ਼ਨ ਤੋਂ ਠੀਕ ਪਹਿਲਾਂ ਹੋ ਰਹੀ ਹੈ। ਇਸ ਸੈਸ਼ਨ ਵਿਚ ਲਿਬਰਲ ਸਰਕਾਰ ਦੇ ਮੁੱਖ ਬਿੱਲਾਂ ਵਿਚ ਬਾਲਣ ਆਬਕਾਰੀ ਟੈਕਸ ਦੀ ਵਧਾਈ ਗਈ ਛੋਟ ਨੂੰ ਲਾਗੂ ਕਰਨ ਸਬੰਧੀ ਕਾਨੂੰਨ ਵੀ ਸ਼ਾਮਲ ਹੋਵੇਗਾ, ਜਿਸ ਦਾ ਐਲਾਨ ਪ੍ਰਧਾਨ ਮੰਤਰੀ ਕਾਰਨੀ ਨੇ 2 ਸਤੰਬਰ ਨੂੰ ਕੀਤਾ ਸੀ। ਇਹ ਟੈਕਸ ਛੋਟ ਪਹਿਲਾਂ ਅਪ੍ਰੈਲ ਤੋਂ ਸਤੰਬਰ 2026 ਤੱਕ ਦਿੱਤੀ ਗਈ ਸੀ, ਜਿਸ ਨੂੰ ਹੁਣ ਵਧਾ ਕੇ ਜਨਵਰੀ 2027 ਤੱਕ ਲਿਜਾਣ ਦੀ ਯੋਜਨਾ ਹੈ।