23.8C Vancouver 23.8C VancouverDec 19, 2023 5:14 PM - The Canadian Press
ਕੈਨੇਡਾ ਦੀ ਮਹਿੰਗਾਈ ਦਰ ਪਿਛਲੇ ਮਹੀਨੇ ਅਰਥ ਸ਼ਾਸਤਰੀਆਂ ਦੇ ਅਨੁਮਾਨਾਂ ਮੁਤਾਬਕ ਹੋਰ ਗਿਰਾਵਟ ਦਰਜ ਨਹੀਂ ਕਰ ਸਕੀ। ਸਟੈਟਿਸਟਿਕਸ ਕੈਨੇਡਾ ਨੇ ਮੰਗਲਵਾਰ ਨੂੰ ਕਿਹਾ ਕਿ ਸਾਲਾਨਾ ਮਹਿੰਗਾਈ ਦਰ ਨਵੰਬਰ ਵਿੱਚ 3.1 ਫੀਸਦੀ 'ਤੇ ਸਥਿਰ ਰਹੀ , ਜੋ ਅਕਤੂਬਰ ਵਿੱਚ ਵੀ ਇਸੇ ਪੱਧਰ 'ਤੇ ਸੀ।
ਅਰਥ ਸ਼ਾਸਤਰੀਆਂ ਨੂੰ ਨਵੰਬਰ ਵਿੱਚ ਮਹਿੰਗਾਈ ਘੱਟ ਕੇ 2.9 ਫੀਸਦੀ 'ਤੇ ਆਉਣ ਦੀ ਉਮੀਦ ਸੀ। ਫੈਡਰਲ ਏਜੰਸੀ ਨੇ ਕਿਹਾ ਕਿ ਪਿਛਲੇ ਮਹੀਨੇ ਯਾਤਰਾ ਟੂਰ ਅਤੇ ਰਿਹਾਇਸ਼ 'ਤੇ ਵਧੇਰੇ ਖ਼ਰਚ ਨੇ ਮਹਿੰਗਾਈ 'ਤੇ ਵੱਧ ਦਬਾਅ ਪਾਇਆ, ਜਦੋਂ ਕਿ ਰਾਹਤ ਦੀ ਗੱਲ ਇਹ ਰਹੀ ਕਿ ਭੋਜਨ ਮਹਿੰਗਾਈ ਵਿੱਚ ਵਾਧੇ ਦੀ ਰਫ਼ਤਾਰ ਲਗਾਤਾਰ 5ਵੇਂ ਮਹੀਨੇ ਹੌਲੀ ਹੋਈ ਹੈ।
ਏਜੰਸੀ ਨੇ ਕਿਹਾ ਕਿ ਨਵੰਬਰ ਵਿੱਚ ਗਰੌਸਰੀ ਦੀਆਂ ਕੀਮਤਾਂ ਇੱਕ ਸਾਲ ਪਹਿਲਾਂ ਦੇ ਮੁਕਾਬਲੇ 4.7 ਫੀਸਦੀ ਦੀ ਦਰ ਨਾਲ ਵਧੀਆਂ, ਜੋ ਅਕਤੂਬਰ ਵਿੱਚ ਦਰਜ 5.4 ਫੀਸਦੀ ਵਾਧੇ ਤੋਂ ਘੱਟ ਸਨ।
ਗੌਰਤਲਬ ਹੈ ਕਿ ਮਹਿੰਗਾਈ ਦਰ ਬੈਂਕ ਆਫ਼ ਕੈਨੇਡਾ ਲਈ ਕਾਫ਼ੀ ਮਾਇਨੇ ਰੱਖਦੀ ਹੈ ਇਸ ਵਿੱਚ ਗਿਰਾਵਟ ਦੇ ਚਲਦੇ ਹੀ ਸੈਂਟਰਲ ਬੈਂਕ ਨੇ ਪਿਛਲੇ ਮਹੀਨੇ ਮਹਿੰਗਾਈ ਦਰ ਨੂੰ 5 ਫੀਸਦੀ 'ਤੇ ਬਰਕਰਾਰ ਰਹਿਣ ਦਿੱਤਾ ਸੀ। ਗਵਰਨਰ ਟਿਫ ਮੈਕਲਮ ਨੇ ਲੰਘੇ ਸ਼ੁੱਕਰਵਾਰ ਕਿਹਾ ਸੀ ਕਿ ਸੈਂਟਰਲ ਬੈਂਕ ਵਿਆਜ ਦਰ ਵਿੱਚ ਕਟੌਤੀ ਸ਼ੁਰੂ ਕਰਨ ਬਾਰੇ ਵਿਚਾਰ ਉਦੋਂ ਹੀ ਸ਼ੁਰੂ ਕਰ ਸਕਦਾ ਹੈ ਜਦੋਂ ਇਹ ਯਕੀਨੀ ਹੋ ਜਾਵੇਗਾ ਕਿ ਮਹਿੰਗਾਈ ਵਾਪਸ ਦੋ ਫੀਸਦੀ 'ਤੇ ਜਾ ਰਹੀ ਹੈ।
