10.52C Vancouver 10.52C VancouverJul 19, 2022 12:41 AM - The Canadian Press
ਕੈਨੇਡਾ ਦੀ ਕੈਮਰਿਨ ਰੌਜਰਸ ਨੇ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਹੈਮਰ ਥਰੋਅ ਈਵੈਂਟ 'ਚ ਇਤਿਹਾਸ ਰਚ ਦਿੱਤਾ ਹੈ।
ਬੀ.ਸੀ. 'ਚ ਰਿਚਮੰਡ ਦੇ ਇਲਾਕੇ ਤੋਂ ਵਾਸਤਾ ਰੱਖਣ ਵਾਲੀ ਕੈਮਰਿਨ ਰੌਜਰਸ ਨੇ ਹੈਮਰ ਥਰੋਅ ਈਵੈਂਟ 'ਚ ਚਾਂਦੀ ਦਾ ਤਗਮਾ ਜਿੱਤ ਲਿਆ ਹੈ।
23 ਸਾਲਾ ਕੈਮਰਿਨ ਰੌਜਰਸ ਨੇ ਔਰੀਗਨ ਦੇ ਯੂਜੀਨ 'ਚ ਖੇਡੀ ਜਾ ਰਹੀ ਚੈਂਪੀਅਨਸ਼ਿਪ 'ਚ 75.52 ਮੀਟਰ ਦਾ ਥਰੋ ਲਗਾਇਆ।
ਇਸ ਦੇ ਨਾਲ ਹੀ ਇਹ ਕੈਨੇਡਾ ਦਾ ਵਿਸ਼ਵ ਐਥਲੈਟਿਕਸ ਚੈਂਪੀਅਨਸ਼ਿਪ 'ਚ ਹੈਮਰ ਥਰੋ ਈਵੈਂਟ 'ਚ ਪਹਿਲਾ ਤਗਮਾ ਬਣ ਗਿਆ।
ਇੰਨਾ ਹੀ ਨਹੀਂ ਇਹ ਮਹਿਲਾਵਾਂ ਦੀ ਕੈਟੇਗਰੀ 'ਚ ਕੈਨੇਡਾ ਦੇ ਕਿਸੇ ਅਥਲੀਟ ਵੱਲੋਂ ਫੀਲਡ ਈਵੈਂਟ 'ਚ ਮੈਡਲ ਹਾਸਿਲ ਕਰਨ ਦਾ ਪਹਿਲਾ ਮੌਕਾ ਵੀ ਸੀ।
ਇਸ ਈਵੈਂਟ 'ਚ ਅਮਰੀਕਾ ਦੀ ਬਰੂਕ ਐਂਡਰਸਨ ਨੇ ਗੋਲਡ ਮੈਡਲ ਜਿੱਤਿਆ ਅਤੇ ਅਮਰੀਕਾ ਦੀ ਜਾਨੀ ਕਾਸਨਾਵੌਇਡ ਕਾਂਸੀ ਦਾ ਤਗਮਾ ਜਿੱਤਣ 'ਚ ਕਾਮਯਾਬ ਰਹੀ।
ਔਂਟੈਰੀਓ ਦੇ ਕਿੰਗਸਟਨ ਦੀ ਜਿਲੀਅਨ ਵੇਇਰ ਇਸ ਮੁਕਾਬਲੇ ਵਿੱਚ 72.41 ਮੀਟਰ ਦੇ ਥਰੋ ਨਾਲ 5ਵੇਂ ਨੰਬਰ 'ਤੇ ਰਹੀ।
