27.76C Vancouver 27.76C VancouverMay 30, 2025 5:25 PM - The Canadian Press
ਕੈਨੇਡਾ ਦੀ ਫਰਸਟ ਕੁਆਰਟਰ ਜੀ.ਡੀ.ਪੀ. ਸਾਲਾਨਾ ਆਧਾਰ 'ਤੇ 2.2 ਫੀਸਦੀ ਵਧੀ ਹੈ, ਇਹ ਅਰਥਸ਼ਾਸਤਰੀ ਵਲੋਂ ਲਗਾਏ 1.7 ਫੀਸਦੀ ਅਨੁਮਾਨ ਤੋਂ ਤੇਜ਼ ਉਛਾਲ ਹੈ।
ਹਾਲਾਂਕਿ, ਕੈਨੇਡੀਅਨ ਅਰਥਵਿਵਸਥਾ ਵਿਚ ਸਾਲ ਦੇ ਪਹਿਲੇ ਤਿੰਨ ਮਹੀਨਿਆਂ ਵਿਚ ਇਹ ਵੱਡਾ ਉਛਾਲ ਇਸ ਲਈ ਆਇਆ ਹੈ ਕਿਉਂਕਿ ਟਰੰਪ ਦੇ ਟੈਰਿਫ ਲਾਗੂ ਹੋਣ ਤੋਂ ਪਹਿਲਾਂ ਅਮਰੀਕੀ ਕੰਪਨੀਆਂ ਨੇ ਕੈਨੇਡਾ ਤੋਂ ਮਾਲ ਦਾ ਭੰਡਾਰ ਕਰਨਾ ਸ਼ੁਰੂ ਕਰ ਦਿੱਤਾ ਸੀ ਪਰ ਇਸ ਦੇ ਨਾਲ ਹੀ ਆਯਾਤ ਵਿਚ ਵਾਧੇ ਕਾਰਨ ਇਨਵੈਨਟਰੀ ਦੇ ਜਮ੍ਹਾ ਹੋਣ ਤੇ ਘਰੇਲੂ ਖਰਚੇ ਵਿਚ ਕਮੀ ਆਉਣ ਤੋਂ ਇਹ ਸੰਕੇਤ ਮਿਲਦਾ ਹੈ ਕਿ ਘਰੇਲੂ ਮੋਰਚੇ 'ਤੇ ਅਰਥਵਿਵਸਥਾ ਸੰਘਰਸ਼ ਕਰ ਰਹੀ ਸੀ।
ਅਰਥਸ਼ਾਸਤਰੀ ਨੇ ਚਿਤਾਵਨੀ ਦਿੱਤੀ ਹੈ ਕਿ ਜੇ ਕੈਨੇਡਾ 'ਤੇ ਟੈਰਿਫ ਜਾਰੀ ਰਹੇ ਤਾਂ ਅਰਥਵਿਵਸਥਾ 'ਤੇ ਦਬਾਅ ਬਣਿਆ ਰਹੇਗਾ। ਸਟੈਟਿਸਟਿਕਸ ਕੈਨੇਡਾ ਦੇ ਇਹ ਤਾਜ਼ਾ ਜੀਡੀਪੀ ਅੰਕੜੇ ਬੁੱਧਵਾਰ ਨੂੰ ਬੈਂਕ ਆਫ ਕੈਨੇਡਾ ਦੇ ਵਿਆਜ ਦਰਾਂ 'ਤੇ ਫੈਸਲੇ ਤੋਂ ਪਹਿਲਾਂ ਅੰਤਿਮ ਆਰਥਿਕ ਡੇਟਾ ਹੈ, ਇਸ ਨਾਲ ਬੈਂਕ ਨੂੰ ਇਹ ਤੈਅ ਕਰਨ ਵਿਚ ਮਦਦ ਮਿਲੇਗੀ ਕਿ ਵਿਆਜ ਦਰਾਂ ਵਿਚ ਕਟੌਤੀ ਕਰਨੀ ਹੈ ਜਾਂ ਇਨ੍ਹਾਂ ਨੂੰ ਸਥਿਰ ਰੱਖਣਾ ਹੈ।
