ਓਨਟਾਰੀਓ ਵਿਚ ਬਣਨ ਜਾ ਰਿਹਾ ਹੈ ਕੈਨੇਡਾ ਦਾ ਪਹਿਲਾ ਮਿੰਨੀ ਨਿਊਕਲੀਅਰ ਪਾਵਰ ਪਲਾਂਟ

ਕੈਨੇਡਾ ਦਾ ਪਹਿਲਾ ਮਿੰਨੀ ਨਿਊਕਲੀਅਰ ਪਾਵਰ ਪਲਾਂਟ ਓਨਟਾਰੀਓ ਵਿਚ ਬਣਨ ਜਾ ਰਿਹਾ ਹੈ। ਪ੍ਰੀਮੀਅਰ ਡੱਗ ਫੋਰਡ ਸਰਕਾਰ ਨੇ ਸੂਬੇ ਦੇ ਪਾਵਰ ਜਨਰੇਸ਼ਨ ਨੂੰ ਇਹ ਪਲਾਂਟ ਸ਼ੁਰੂ ਕਰਨ ਲਈ ਹਰੀ ਝੰਡੀ ਦਿੱਤੀ ਹੈ। ਇਹ ਛੋਟਾ ਮਾਡਯੂਲਰ ਰਿਐਕਟਰ 300 ਮੈਗਾਵਾਟ ਬਿਜਲੀ ਪੈਦਾ ਕਰੇਗਾ, ਜਿਸ ਨਾਲ ਲਗਭਗ 300,000 ਘਰਾਂ ਨੂੰ ਬਿਜਲੀ ਦਿੱਤੀ ਜਾ ਸਕਦੀ ਹੈ।

ਇਹ ਪਲਾਂਟ ਅਜਿਹੇ 4 ਛੋਟੇ ਮਾਡਯੂਲਰ ਰਿਐਕਟਰ ਵਿਚੋਂ ਪਹਿਲਾਂ ਹੋਵੇਗਾ ਜੋ ਓਨਟਾਰੀਓ ਪਾਵਰ ਜਨਰੇਸ਼ਨ ਸਥਾਪਤ ਕਰਨਾ ਚਾਹੁੰਦਾ ਹੈ, ਜਿਨ੍ਹਾਂ ਲਈ $20.9 ਬਿਲੀਅਨ ਦੇ ਖ਼ਰਚੇ ਆਵੇਗਾ। ਇਸ ਦਾ ਉਦੇਸ਼ ਬਿਜਲੀ ਦੀ ਮੰਗ ਵਿਚ ਹੋਣ ਵਾਲੇ ਭਾਰੀ ਵਾਧੇ ਦੀ ਮੰਗ ਨੂੰ ਪੂਰਾ ਕਰਨਾ ਹੈ।

ਪਹਿਲੇ ਮਿੰਨੀ ਨਿਊਕਲੀਅਰ ਪਾਵਰ ਪਲਾਂਟ ਨੂੰ ਸਥਾਪਤ ਕਰਨ ਦੀ ਅਨੁਮਾਨਿਤ ਲਾਗਤ $7.7 ਬਿਲੀਅਨ ਦੱਸੀ ਜਾਂਦੀ ਹੈ। ਓਨਟਾਰੀਓ ਇਹ ਕਦਮ ਇਸ ਲਈ ਉਠਾ ਰਿਹਾ ਹੈ ਕਿ ਕਿਉਂਕਿ 2050 ਤੱਕ ਸੂਬੇ ਵਿਚ ਬਿਜਲੀ ਦੀ ਮੰਗ 75 ਫੀਸਦੀ ਵਧਣ ਦਾ ਅਨੁਮਾਨ ਹੈ।