21.8C Vancouver 21.8C VancouverOct 13, 2023 5:39 PM - The Canadian Press
ਇਜ਼ਰਾਈਲ ਅਤੇ ਹਮਾਸ ਦੀ ਜੰਗ ਜਾਰੀ ਹੈ, ਇਸੇ ਵਿਚਕਾਰ ਕੈਨੇਡਾ ਦੀ ਵਿਦੇਸ਼ ਮੰਤਰੀ ਮੇਲੇਨੀ ਜੌਲੀ ਇਜ਼ਰਾਈਲ ਪਹੁੰਚ ਗਏ ਹਨ।
ਜੌਲੀ ਦੇ ਦਫਤਰ ਤੋਂ ਜਾਰੀ ਇੱਕ ਨਿਊਜ਼ ਰਿਲੀਜ਼ ਵਿੱਚ ਦੱਸਿਆ ਗਿਆ ਹੈ ਕਿ ਉਹ ਆਪਣੀ ਤਿੰਨ ਦਿਨਾਂ ਯਾਤਰਾ ਦੌਰਾਨ ਇਜ਼ਰਾਈਲ ਅਤੇ ਜੌਰਡਨ ਦਾ ਦੌਰਾ ਕਰਨਗੇ।
ਜੌਲੀ ਸ਼ੁੱਕਰਵਾਰ ਨੂੰ ਏਥਨਜ਼ ਦੇ ਰਾਹੀਂ ਤਲ ਅਵੀਵ ਪਹੁੰਚੇ।ਜੌਲੀ ਗਾਜ਼ਾ ਵਿੱਚ ਵਿਗੜ ਰਹੀ ਸਥਿਤੀ ਬਾਰੇ ਵਿਚਾਰ-ਵਟਾਂਦਰਾ ਕਰਨਗੇ।
ਜੌਲੀ ਦਾ ਕਹਿਣਾ ਹੈ ਕਿ ਉਹ ਇਜ਼ਰਾਈਲ 'ਤੇ ਹਮਾਸ ਦੇ ਅੱਤਵਾਦੀ ਹਮਲੇ ਤੋਂ ਪ੍ਰਭਾਵਿਤ ਹੋਏ ਸਾਰੇ ਨਾਗਰਿਕਾਂ ਦੇ ਨਾਲ ਹਨ।
ਇਸ ਫੇਰੀ ਦੌਰਾਨ ਜੌਲੀ ਇਜ਼ਰਾਈਲ ਅਤੇ ਜੌਰਡਨ ਦੇ ਵਿਦੇਸ਼ ਮੰਤਰੀਆਂ ਨਾਲ ਵੀ ਮੁਲਾਕਾਤ ਕਰਨਗੇ।
ਦੱਸ ਦਈਏ ਕਿ ਇਜ਼ਰਾਈਲ ਅਤੇ ਹਮਾਸ ਦਰਮਿਆਨ ਕੈਨੇਡਾ ਸਰਕਾਰ ਇਜ਼ਰਾਈਲ ਵਿੱਚ ਫਸੇ ਆਪਣੇ ਲੋਕਾਂ ਨੂੰ ਉੱਥੋਂ ਕੱਢਣ ਦਾ ਕੰਮ ਕਰ ਰਹੀ ਹੈ।
ਬੀਤੇ ਦਿਨ 2 ਕੈਨੇਡੀਅਨ ਫ਼ੌਜੀ ਜਹਾਜ਼ 281 ਕੈਨੇਡੀਅਨਜ਼ ਨੂੰ ਇਜ਼ਰਾਈਲ ਤੋਂ ਏਅਰਲਿਫ਼ਟ ਕਰਕੇ ਏਥਨਜ਼ ਲਿਜਾ ਚੁੱਕੇ ਹਨ।
