22.19C Vancouver 22.19C VancouverApr 16, 2021 3:35 PM -
ਪ੍ਰੋਕਿਉਰਮੈਂਟ ਮਨਿਸਟਰ ਅਨੀਤਾ ਆਨੰਦ ਮੁਤਾਬਕ ਅਪ੍ਰੈਲ ਵਿੱਚ ਕੈਨੇਡਾ ਨੂੰ ਆਉਣ ਵਾਲੀ ਮੌਡਰਨਾ ਵੈਕਸੀਨ ਦੀ ਸਪਲਾਈ ਅੱਧੀ ਤੋਂ ਘੱਟ ਦੇਖਣ ਨੂੰ ਮਿਲੇਗੀ।
ਆਨੰਦ ਮੁਤਾਬਕ ਮਹੀਨੇ ਦੇ ਅਖੀਰ ਤੱਕ ਆਉਣ ਵਾਲੀਆਂ ਵੈਕਸੀਨ ਦੀਆਂ 1.2 ਮਿਲੀਅਨ ਖੁਰਾਕਾਂ ਦੀ ਬਜਾਏ 650,000 ਖੁਰਾਕਾਂ ਹੀ ਪਹੁੰਚਣਗੀਆਂ।
ਮੌਡਰਨਾ ਅਨੁਸਾਰ ਸੁਪਲਾਈ ਵਿੱਚ ਇਹ ਕਟੌਤੀ ਉਤਪਾਦਨ ਦੀ ਸਮਰਥਾ ਉਮੀਦ ਨਾਲੋਂ ਘੱਟਣ ਕਾਰਨ ਹੈ।
ਆਨੰਦ ਮੁਤਾਬਕ ਕੰਪਨੀ ਨੇ ਕੈਨੇਡਾ ਨੂੰ ਇਹ ਵੀ ਦੱਸਿਆ ਹੈ ਕਿ ਦੂਜੀ ਤਿਮਾਹੀ ਵਿਚ ਡਿਲਿਵਰੀ ਲਈ ਤਹਿ ਕੀਤੀਆਂ 12.3 ਮਿਲੀਅਨ ਖੁਰਾਕਾਂ ਵਿੱਚ ਤੀਜੀ ਤਿਮਾਹੀ ਤੱਕ ਦੇਰੀ ਹੋ ਸਕਦੀ ਹੈ।
ਆਨੰਦ ਨੇ ਕਿਹਾ ਕਿ ਫੈਡਰਲ ਸਰਕਾਰ ਆਪਣੇ ਵਾਅਦੇ ਪੂਰੇ ਕਰਨ ਲਈ ਮੌਡਰਨਾ 'ਤੇ ਦਬਾਅ ਜਾਰੀ ਰੱਖੇਗੀ।
ਕਨੇਡੀਅਨ ਮੈਡੀਕਲ ਐਸੋਸੀਏਸ਼ਨ ਵੱਲੋਂ ਕੈਨੇਡਾ ਭਰ ਵਿੱਚ ਕੋਵਿਡ-19 ਦੇ ਲਗਾਤਾਰ ਵੱਧ ਰਹੇ ਮਾਮਲਿਆਂ ਨੂੰ ਠੱਲ੍ਹ ਪਾਉਣ ਲਈ ਵਧੇਰੇ ਕਦਮਾਂ ਦੀ ਅਪੀਲ ਕੀਤੀ ਗਈ ਹੈ।
ਸ਼ੁੱਕਰਵਾਰ ਨੂੰ ਜਾਰੀ ਕੀਤੇ ਗਏ ਬਿਆਨ ਵਿੱਚ ਸੀ.ਐਮ.ਏ. ਨੇ ਕਿਹਾ ਕਿ ਰਾਸ਼ਟਰੀ ਸਰੋਤਾਂ ਨੂੰ ਇਕੱਤਰ ਕਰ ਸੂਬਿਆਂ ਵਿਚਕਾਰ ਸਾਂਝਾ ਸਹਿਯੋਗ, ਤਾਲਮੇਲ ਅਤੇ ਵਧੇਰੇ ਰੋਕਥਾਮ ਲਈ ਜਨਤਕ ਸਿਹਤ ਉਪਾਵਾਂ ਵਿੱਚ ਵਾਧਾ ਜ਼ਰੂਰੀ ਹੈ।
