8.03C Vancouver 8.03C VancouverNov 17, 2025 2:45 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਸਾਲਾਨਾ ਮਹਿੰਗਾਈ ਦਰ ਅਕਤੂਬਰ ਵਿਚ 2.2 ਫੀਸਦੀ ਦਰਜ ਹੋਈ ਹੈ ਜੋ ਅਰਥਸ਼ਾਸਤਰੀਆਂ ਦੀ ਉਮੀਦਾਂ ਨਾਲੋਂ ਵੱਧ ਰਹੀ ਪਰ ਸਤੰਬਰ ਦੀ 2.4 ਫੀਸਦੀ ਦਰ ਨਾਲੋਂ ਘੱਟ ਹੋਈ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਪਿਛਲੇ ਮਹੀਨੇ ਗੈਸ ਅਤੇ ਗ੍ਰੋਸਰੀ ਕੀਮਤਾਂ ਵਿਚ ਗਿਰਾਵਟ ਨਾਲ ਕੁੱਲ ਮਹਿੰਗਾਈ ਦਰ ਕੰਟਰੋਲ ਵਿਚ ਰਹੀ।
ਹਾਲਾਂਕਿ,ਮੰਨਿਆ ਜਾ ਰਿਹਾ ਹੈ ਕਿ ਇਨ੍ਹਾਂ ਤਾਜ਼ਾ ਅੰਕੜਿਆਂ ਤੋਂ ਬਾਅਦ ਬੈਂਕ ਔਫ ਕੈਨੇਡਾ ਅਗਲੇ ਮਹੀਨੇ ਵਿਆਜ ਦਰ ਨੂੰ ਮੌਜੂਦਾ ਪੱਧਰ 'ਤੇ ਸਥਿਰ ਰੱਖ ਸਕਦਾ ਹੈ। ਗਵਰਨਰ ਟਿਫ ਮੈਕਲੇਮ ਦੀ ਅਗਵਾਈ ਵਿਚ ਸੈਂਟਰਲ ਬੈਂਕ ਅਧਿਕਾਰੀ ਨੇ ਵਪਾਰ ਯੁੱਧ ਤੋਂ ਅਰਥਵਿਵਸਥਾ ਨੂੰ ਹੋ ਰਹੇ ਨੁਕਸਾਨ ਦੇ ਮੱਦੇਨਜ਼ਰ ਪਿਛਲੇ ਮਹੀਨੇ ਵਿਆਜ ਦਰਾਂ ਨੂੰ ਘਟਾ ਕੇ 2.25 ਫੀਸਦੀ ਕਰ ਦਿੱਤਾ ਸੀ ਪਰ ਉਨ੍ਹਾਂ ਸੰਕੇਤ ਦਿੱਤਾ ਸੀ ਕਿ ਵਪਾਰ ਵਿਵਾਦ ਦੀ ਸੰਭਾਵਨਾ ਕਾਰਨ ਮਹਿੰਗਾਈ ਵਧਣ ਦਾ ਜ਼ੋਖਮ ਹੋ ਸਕਦਾ ਹੈ,ਇਸ ਲਈ ਵਿਆਜ ਦਰ ਨੂੰ ਹੋਰ ਘਟਾਉਣ ਤੋਂ ਰੁਕਿਆ ਜਾ ਸਕਦਾ ਹੈ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ,ਅਕਤੂਬਰ ਵਿਚ ਖਾਣ-ਪੀਣ ਦੀਆਂ ਕੀਮਤਾਂ ਵਿਚ ਮਹੀਨਾਵਾਰ 0.3 ਫੀਸਦੀ ਦੀ ਗਿਰਾਵਟ ਆਈ ਪਰ ਸਾਲ ਦੇ ਮੁਕਾਬਲੇ 3.4 ਫੀਸਦੀ ਦਾ ਵਾਧਾ ਹੋਇਆ ਹੈ। ਗੌਰਤਲਬ ਹੈ ਕਿ ਇਹ ਬੈਂਕ ਔਫ ਕੈਨੇਡਾ ਦੇ 10 ਦਸੰਬਰ ਨੂੰ ਅਗਲੇ ਇੰਟਰਸਟ ਰੇਟ ਡਸੀਜਨ ਤੋਂ ਪਹਿਲਾਂ ਆਖਰੀ ਮਹਿੰਗਾਈ ਰਿਪੋਰਟ ਹੈ।
