18.07C Vancouver 18.07C VancouverSep 17, 2024 1:49 PM - Connect Newsroom
ਕੈਨੇਡੀਅਨ ਲਈ ਵੱਡੀ ਰਾਹਤ ਦੀ ਖ਼ਬਰ ਹੈ। ਕੈਨੇਡਾ ਦੀ ਸਾਲਾਨਾ ਮਹਿੰਗਾਈ ਦਰ ਅਗਸਤ ਵਿਚ ਦੋ ਫੀਸਦੀ ਨਾਲ ਬੈਂਕ ਔਫ ਕੈਨੇਡਾ ਦੇ ਟਾਰਗੇਟ 'ਤੇ ਆ ਗਈ ਹੈ। ਇਹ ਜੁਲਾਈ ਵਿਚ ਦਰਜ ਕੀਤੀ ਗਈ 2.5 ਫੀਸਦੀ ਸਾਲਾਨਾ ਦਰ ਨਾਲੋਂ ਵੱਡੀ ਗਿਰਾਵਟ ਹੈ ਅਤੇ ਫਰਵਰੀ 2021 ਤੋਂ ਬਾਅਦ ਦਾ ਸਭ ਤੋਂ ਹੇਠਲਾ ਪੱਧਰ ਹੈ।
ਮਹਿੰਗਾਈ ਵਿਚ ਆਈ ਇਸ ਗਿਰਾਵਟ ਦੇ ਮੱਦੇਨਜ਼ਰ ਇੰਟਰਸਟ ਰੇਟ ਵਿਚ ਵੱਡੀ ਕਟੌਤੀ ਦੀ ਉਮੀਦ ਕੀਤੀ ਜਾ ਸਕਦੀ ਹੈ। ਬੈਂਕ ਔਫ ਕੈਨੇਡਾ ਦੇ ਰਾਜਪਾਲ ਟਿਫ ਮੈਕਲੇਮ ਨੇ ਪਿਛਲੇ ਵਿਆਜ ਦਰ ਦੀ ਘੋਸ਼ਣਾ ਮੌਕੇ ਕਿਹਾ ਸੀ ਕਿ ਹੁਣ ਬੈਂਕ ਨੂੰ ਆਰਥਿਕ ਵਿਕਾਸ 'ਤੇ ਫੋਕਸ ਕਰਨਾ ਹੋਵੇਗਾ ਤਾਂ ਕਿ ਇਹ ਨਾ ਹੋਵੇ ਕਿ ਆਰਥਿਕ ਵਿਕਾਸ ਅਤੇ ਮਹਿੰਗਾਈ ਆਪਣੇ ਟੀਚੇ ਤੋਂ ਜ਼ਿਆਦਾ ਹੇਠਾਂ ਡਿੱਗ ਜਾਣ।
ਗੌਰਤਲਬ ਹੈ ਕਿ ਬੈਂਕ ਔਫ ਕੈਨੇਡਾ ਨੇ ਜੂਨ ਤੋਂ ਲਗਾਤਾਰ ਤਿੰਨ ਵਾਰ ਵਿਆਜ ਦਰਾਂ ਵਿਚ ਕੁੱਲ ਮਿਲਾ ਕੇ 75 ਅਧਾਰ ਬਿੰਦੂ ਦੀ ਕਟੌਤੀ ਕੀਤੀ ਹੈ, ਜਿਸ ਨਾਲ ਬੈਂਕ ਦਾ ਪ੍ਰਮੁੱਖ ਨੀਤੀ ਦਰ 4.25 ਫੀਸਦੀ 'ਤੇ ਆ ਚੁੱਕਾ ਹੈ। ਬੈਂਕ ਵਲੋਂ ਹੁਣ ਵਿਆਜ ਦਰ ਬਾਰੇ ਅਗਲੀ ਘੋਸ਼ਣਾ 23 ਅਕਤੂਬਰ ਨੂੰ ਕੀਤੀ ਜਾਵੇਗੀ।
