13.52C Vancouver 13.52C VancouverFeb 7, 2025 5:32 PM - Connect Newsroom
ਕੈਨੇਡਾ ਦੀ ਲੇਬਰ ਮਾਰਕੀਟ ਨੇ ਜਨਵਰੀ ਮਹੀਨੇ 76,000 ਨੌਕਰੀਆਂ ਸ਼ਾਮਲ ਕੀਤੀਆਂ ਹਨ, ਕੈਨੇਡੀਅਨ ਕਾਰੋਬਾਰ ਵਲੋਂ ਇਹ ਵੱਡੇ ਪੱਧਰ ਦੀ ਭਰਤੀ ਉਦੋਂ ਕੀਤੀ ਗਈ ਜਦੋਂ ਕੈਨੇਡਾ ਅਤੇ ਅਮਰੀਕਾ-ਟੈਰਿਫ ਵਾਰ ਦੇ ਨਾਜ਼ੁਕ ਮੋੜ ’ਤੇ ਹਨ।
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਕੈਨੇਡਾ ਦੀ ਬੇਰੁਜ਼ਗਾਰੀ ਦਰ ਵਿਚ 0.1 ਫੀਸਦੀ ਦੀ ਮਾਮੂਲੀ ਕਮੀ ਆਈ ਹੈ, ਇਹ ਹੁਣ 6.6 ਫੀਸਦੀ ਹੋ ਗਈ ਹੈ ਅਤੇ ਇਹ ਲਗਾਤਾਰ ਦੂਜਾ ਮਹੀਨਾ ਹੈ ਜਦੋਂ ਬੇਰੁਜ਼ਗਾਰੀ ਦਰ ਜਾਂ ਕੁੱਲ ਲੇਬਰ ਫੋਰਸ ਦੇ ਫੀਸਦੀ ਦੇ ਰੂਪ ਵਿਚ ਬੇਰੁਜ਼ਗਾਰ ਲੋਕਾਂ ਦੀ ਗਿਣਤੀ ਵਿਚ ਗਿਰਾਵਟ ਆਈ।
ਹਾਲਾਂਕਿ, ਬੇਰੁਜ਼ਗਾਰ ਲੋਕਾਂ ਦੀ ਗਿਣਤੀ ਅਜੇ ਵੀ 1.5 ਮਿਲੀਅਨ ਦੇ ਉੱਚ ਪੱਧਰ ’ਤੇ ਬਰਕਰਾਰ ਹੈ। ਸਟੈਟਕੈਨ ਨੇ ਕਿਹਾ ਕਿ ਇਸ ਤੋਂ ਪਤਾ ਚੱਲਦਾ ਹੈ ਕਿ ਹਾਲ ਹੀ ਵਿਚ ਰੁਜ਼ਗਾਰ ਵਾਧੇ ਦੇ ਬਾਵਜੂਦ, ਬਹੁਤ ਸਾਰੇ ਬੇਰੁਜ਼ਗਾਰ ਲੋਕਾਂ ਨੂੰ ਰੁਜ਼ਗਾਰ ਲੱਭਣ ਵਿਚ ਲਗਾਤਾਰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਉਥੇ ਹੀ, ਮਾਹਰਾਂ ਦਾ ਮੰਨਣਾ ਹੈ ਕਿ ਨੌਕਰੀਆਂ ਵਿਚ ਤਾਜ਼ਾ ਉਛਾਲ ਬੈਂਕ ਆਫ਼ ਕੈਨੇਡਾ ਨੂੰ ਦਰਾਂ ਵਿਚ ਹੋਰ ਕਟੌਤੀ ਤੋਂ ਨਹੀਂ ਰੋਕੇਗਾ।
