13.74C Vancouver 13.74C VancouverSep 8, 2021 1:33 AM -
ਕੈਨੇਡਾ ਦੀ ਟੀਨੇਜਰ ਟੈਨਿਸ ਖਿਡਾਰਨ, ਲੈਲਾ ਫਰਨਾਂਡੇਜ਼ ਨੇ ਯੂ.ਐਸ. ਓਪਨ ਦੇ ਸੈਮੀਫਾਈਨਲ 'ਚ ਐਂਟਰੀ ਕਰ ਲਈ ਹੈ।
ਮੌਂਟਰੀਅਲ ਦੀ 19 ਸਾਲਾ ਖਿਡਾਰਨ ਨੇ ਅੱਜ ਖੇਡੇ ਗਏ ਕੁਆਟਰਫਾਈਨਲ 'ਚ ਨੰਬਰ 5 ਸੀਡ ਐਲੀਨਾ ਸਵੀਤੋਲਿਨਾ ਨੂੰ ਮਾਤ ਦਿੱਤੀ।
3 ਸੈਟ ਤਕ ਚੱਲੇ ਮੁਕਾਬਲੇ 'ਚ ਫਰਨਾਂਡੇਜ਼ ਨੇ 6-3, 3-6, 7-6 ਦੇ ਫਰਕ ਨਾਲ ਬਾਜੀ ਮਾਰੀ।
ਹੁਣ ਫਰਨਾਂਡੇਜ਼ ਕੈਨੇਡਾ ਦੀ ਸਿਰਫ ਤੀਜੀ ਟੈਨਿਸ ਖਿਡਾਰਨ ਬਣ ਗਈ ਹੈ ਜਿਸ ਨੇ ਯੂ.ਐਸ. ਓਪਨ ਗਰੈਂਡ ਸਲੈਮ ਦੇ ਸੈਮੀਫਾਈਨਲ 'ਚ ਐਂਟਰੀ ਕੀਤੀ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਫਰਨਾਂਡੇਜ਼ ਨੇ 4 ਵਾਰ ਦੀ ਗਰੈਂਡ ਸਲੈਮ ਚੈਂਪੀਅਨ ਨਾਓਮੀ ਓਸਾਕਾ ਅਤੇ ਐਂਜਲੀਕ ਕਰਬਰ ਨੂੰ ਮਾਤ ਦਿੰਦੇ ਹੋਏ ਕੁਆਟਰਫਾਈਨਲ 'ਚ ਐਂਟਰੀ ਕੀਤੀ ਸੀ।
