13.85C Vancouver 13.85C VancouverJun 21, 2022 12:32 AM - The Canadian Press
ਕੈਨੇਡਾ ਦੀ ਓਲੰਪਿਕ ਮੈਡਲਿਸਟ ਤੈਰਾਕ ਕਾਇਲੀ ਮਾਸ ਨੇ ਵਰਲਡ ਐਕੁਐਟੀਕ ਚੈਂਪੀਅਨਸ਼ਿਪ 'ਚ ਸਿਲਵਰ ਮੈਡਲ ਜਿੱਤ ਲਿਆ ਹੈ।
ਔਰਤਾਂ ਦੇ 100 ਮੀਟਰ ਬੈਕਸਟ੍ਰੋਕ ਈਵੈਂਟ 'ਚ ਕਾਇਲੀ ਮਾਸ ਨੇ ਦੇਸ਼ ਦੀ ਝੋਲੀ ਚਾਂਦੀ ਦਾ ਤਗਮਾ ਪਾਇਆ।
ਇਹ ਚੈਂਪੀਅਨਸ਼ਿਪ ਬੁਡਾਪੈਸਟ 'ਚ ਖੇਡੀ ਜਾ ਰਹੀ ਹੈ।
ਹਾਲਾਂਕਿ ਕਾਇਲੀ ਮਾਸ ਇਸ ਈਵੈਂਟ 'ਚ ਲਗਾਤਾਰ ਤੀਜੇ ਵਿਸ਼ਵ ਖਿਤਾਬ ਦੇ ਬੇਹੱਦ ਕਰੀਬ ਸਨ।
ਔਂਟੈਰੀਓ ਦੇ ਲਾਸੌਲ ਇਲਾਕੇ ਦੀ ਤੈਰਾਕ ਨੇ ਈਵੈਂਟ 58.40 ਸੈਕਿੰਡਸ ਦੇ ਸਮੇਂ 'ਚ ਪੂਰਾ ਕੀਤਾ।
ਪਹਿਲੇ ਸਥਾਨ 'ਤੇ ਰਹਿਣ ਵਾਲੀ ਅਮਰੀਕਾ ਦੀ ਰੇਗਨ ਸਮਿਥ ਦਾ ਈਵੈਂਟ ਟਾਈਮਿੰਗ ਕਾਇਲੀ ਮਾਸ ਤੋਂ 0.18 ਸੈਕਿੰਡਸ ਬਿਹਤਰ ਰਿਹਾ।
ਇਸੇ ਈਵੈਂਟ 'ਚ ਅਮਰੀਕਾ ਦੀ ਕਲੇਅਰ ਕਰਜ਼ਨ 58.67 ਸੈਕਿੰਡਸ ਦੇ ਸਮੇਂ ਨਾਲ ਤੀਜੇ ਨੰਬਰ 'ਤੇ ਰਹੀ।
ਇਹ ਕਾਇਲੀ ਮਾਸ ਦਾ ਵਿਸ਼ਵ ਚੈਂਪੀਅਨਸ਼ਿਪਸ ਕੁੱਲ 6ਵਾਂ ਤਗਮਾ ਹੈ।
ਹੁਣ ਕਾਇਲੀ ਮਾਸ ਦੇ ਨਾਮ ਵਿਸ਼ਵ ਚੈਂਪੀਅਨਸ਼ਿਪ 'ਚ 2 ਗੋਲਡ, ਇੱਕ ਸਿਲਵਰ ਅਤੇ 3 ਕਾਂਸੀ ਦੇ ਤਗਮੇ ਦਰਜ ਹੋ ਚੁੱਕੇ ਹਨ।
ਕਨੇਡੀਅਨ ਤੈਰਾਕ ਦੇ ਨਾਮ ਓਲੰਪਿਕ ਖੇਡਾਂ ਦੇ 4 ਤਗਮੇ ਵੀ ਦਰਜ ਹਨ।
