15.74C Vancouver 15.74C VancouverJan 10, 2025 3:04 PM - Connect Newsroom
ਕੈਨੇਡਾ ਨੂੰ ਟਰੂਡੋ ਦੀ ਜਗ੍ਹਾ 9 ਮਾਰਚ ਨੂੰ ਅਗਲਾ ਪ੍ਰਧਾਨ ਮੰਤਰੀ ਮਿਲੇਗਾ। ਲਿਬਰਲ ਵਲੋਂ ਉਸ ਦਿਨ ਆਪਣਾ ਨਵਾਂ ਲੀਡਰ ਚੁਣੇ ਜਾਣ ਦੀ ਘੋਸ਼ਣਾ ਕੀਤੀ ਗਈ ਹੈ। ਪਾਰਟੀ ਦੀ ਰਾਸ਼ਟਰੀ ਕੌਂਸਲ ਨੇ ਵੀਰਵਾਰ ਰਾਤ ਇਸ ਤਾਰੀਖ ਦਾ ਫੈਸਲਾ ਕੀਤਾ। ਲੀਡਰਸ਼ਿਪ ਦੌੜ ਵਿਚ ਹਿੱਸਾ ਲੈਣ ਵਾਲੇ ਉਮੀਦਵਾਰਾਂ ਨੂੰ 23 ਜਨਵਰੀ ਤੱਕ ਚੋਣ ਲੜਨ ਦੇ ਆਪਣੇ ਇਰਾਦੇ ਬਾਰੇ ਘੋਸ਼ਣਾ ਕਰਨ ਲਈ ਸਮਾਂ ਦਿੱਤਾ ਗਿਆ ਹੈ, ਇਸ ਦੇ ਨਾਲ ਹੀ ਪਾਰਟੀ ਨੇ ਉਮਦੀਵਾਰਾਂ ਲਈ ਐਟਰੀ ਫੀਸ ਵਧਾ ਕੇ $350,000 ਕਰ ਦਿੱਤੀ ਹੈ, ਪਿਛਲੀ ਲੀਡਰਸ਼ਿਪ ਦੌੜ ਵਿਚ ਪਾਰਟੀ ਵਲੋਂ ਇਹ ਫੀਸ $75,000 ਰੱਖੀ ਗਈ ਸੀ।
ਲਿਬਰਲ ਪਾਰਟੀ ਵਲੋਂ ਜਾਰੀ ਕੀਤੇ ਗਏ ਨਿਯਮਾਂ ਮੁਤਾਬਕ, ਜੋ ਲੋਕ ਲੀਡਰਸ਼ਿਪ ਦੌੜ ਵਿਚ ਵੋਟ ਪਾਉਣਾ ਚਾਹੁੰਦੇ ਹਨ ਉਹ 27 ਜਨਵਰੀ ਤੱਕ ਪਾਰਟੀ ਨਾਲ ਰਜਿਸਟਰ ਕਰ ਸਕਦੇ ਹਨ।
ਇਸ ਦੇ ਨਾਲ ਹੀ ਵਿਦੇਸ਼ੀ ਦਖਲਅੰਦਾਜ਼ੀ ਨੂੰ ਰੋਕਣ ਲਈ ਲਿਬਰਲ ਪਾਰਟੀ ਇਸ ਵਾਰ ਸਿਰਫ ਕੈਨੇਡੀਅਨ ਨਾਗਰਿਕ ਅਤੇ ਸਥਾਈ ਨਿਵਾਸੀ ਨੂੰ ਵੋਟ ਪਾਉਣ ਦਾ ਅਧਿਕਾਰ ਦੇ ਰਹੀ ਹੈ। ਇਸ ਤੋਂ ਪਹਿਲਾਂ ਗੈਰ-ਕੈਨੇਡੀਅਨ ਨਿਵਾਸੀ ਵੀ ਲਿਬਰਲ ਪਾਰਟੀ ਦੇ ਰਾਈਡਿੰਗ ਨਾਮਜ਼ਦਗੀ ਅਤੇ ਲੀਡਰਸ਼ਿਪ ਮੁਕਾਬਲੇ ਵਿਚ ਵੋਟ ਕਰ ਸਕਦੇ ਸਨ।
