17.2C Vancouver 17.2C VancouverMar 18, 2026 5:19 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਨੇ ਸਾਲ 2025 ਦੌਰਾਨ ਆਬਾਦੀ ਵਿਚ ਲਗਭਗ 102,000 ਲੋਕਾਂ ਦੀ ਕਮੀ ਦਰਜ ਕੀਤੀ ਹੈ, ਇਹ 1940 ਦੇ ਦਹਾਕੇ ਤੋਂ ਬਾਅਦ ਪਹਿਲੀ ਵਾਰ ਹੈ ਜਦੋਂ ਸਾਲਾਨਾ ਆਧਾਰ 'ਤੇ ਆਬਾਦੀ ਵਧਣ ਦੀ ਬਜਾਏ ਘਟੀ ਹੈ। ਇਸ ਗਿਰਾਵਟ ਦਾ ਮੁੱਖ ਕਾਰਨ ਅਸਥਾਈ ਨਿਵਾਸੀਆਂ ਦੀ ਗਿਣਤੀ ਵਿਚ ਆਈ ਭਾਰੀ ਕਮੀ ਹੈ। ਫੈਡਰਲ ਸਰਕਾਰ ਵੱਲੋਂ 2024 ਅਤੇ 2025 ਵਿਚ ਲਏ ਗਏ ਸਖ਼ਤ ਫੈਸਲਿਆਂ ਕਾਰਨ ਵੱਡੀ ਗਿਣਤੀ ਵਿਚ ਲੋਕ ਦੇਸ਼ ਛੱਡ ਕੇ ਗਏ ਹਨ।
ਰਿਪੋਰਟ ਮੁਤਾਬਕ, ਪਿਛਲੀ ਤਿਮਾਹੀ ਦੌਰਾਨ ਗੈਰ-ਸਥਾਈ ਨਿਵਾਸੀਆਂ ਦੀ ਗਿਣਤੀ ਵਿਚ 171,296 ਤੱਕ ਦੀ ਕਮੀ ਆਈ ਹੈ, ਇਸ ਨਾਲ ਹੁਣ ਦੇਸ਼ ਵਿਚ ਅਸਥਾਈ ਨਿਵਾਸੀਆਂ ਦੀ ਕੁੱਲ ਆਬਾਦੀ 2.67 ਮਿਲੀਅਨ ਰਹਿ ਗਈ ਹੈ। ਇਹ ਅੰਕੜਾ ਕੈਨੇਡਾ ਦੀ ਕੁੱਲ ਆਬਾਦੀ ਦਾ ਹੁਣ ਸਿਰਫ਼ 6.4 ਫੀਸਦੀ ਹੈ।
ਸਰਕਾਰ ਦਾ 2027 ਦੇ ਅੰਤ ਤੱਕ ਅਸਥਾਈ ਨਿਵਾਸੀਆਂ ਦੀ ਹਿੱਸੇਦਾਰੀ ਨੂੰ ਕੁੱਲ ਆਬਾਦੀ ਦੇ 5 ਫੀਸਦੀ ਤੱਕ ਸੀਮਤ ਕਰਨ ਦਾ ਟੀਚਾ ਹੈ। ਉਥੇ ਹੀ, ਇਮੀਗ੍ਰੇਸ਼ਨ ਡਿਪਾਰਟਮੈਂਟ ਦੇ ਅੰਕੜੇ ਦੱਸਦੇ ਹਨ ਕਿ ਜਨਵਰੀ 2025 ਤੋਂ ਜਨਵਰੀ 2026 ਵਿਚਕਾਰ ਇੰਟਰਨੈਸ਼ਨਲ ਸਟੂਡੈਂਟਸ ਅਤੇ ਵਰਕਰਜ਼ ਦੇ ਆਗਮਨ ਵਿਚ 28 ਫੀਸਦੀ ਦੀ ਵੱਡੀ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।
