20.28C Vancouver 20.28C VancouverJun 19, 2024 3:40 PM - The Canadian Press
ਕੈਨੇਡਾ ਦੀ ਆਬਾਦੀ ਇਸ ਸਾਲ ਦੇ ਪਹਿਲੇ ਤਿੰਨ ਮਹੀਨਿਆਂ ਵਿਚ 0.6 ਫੀਸਦੀ ਵੱਧ ਕੇ 41 ਮਿਲੀਅਨ ਨੂੰ ਪਾਰ ਕਰ ਗਈ ਹੈ ਪਰ ਆਉਣ ਵਾਲੇ ਸਮੇਂ ਵਿਚ ਗੈਰ ਸਥਾਈ ਨਿਵਾਸੀ ਦੀ ਗਿਣਤੀ ਘਟਣ ਨਾਲ ਵਾਧਾ ਹੌਲੀ ਹੋਣ ਦੀ ਉਮੀਦ ਹੈ। ਸਟੈਟਿਸਟਿਕਸ ਕੈਨੇਡਾ ਨੇ ਬੁੱਧਵਾਰ ਨੂੰ ਕਿਹਾ ਕਿ ਇਸ ਸਾਲ ਦੀ ਪਹਿਲੀ ਤਿਮਾਹੀ ਦੌਰਾਨ ਜਨਸੰਖਿਆ ਵਿਚ 242,673 ਲੋਕਾਂ ਦਾ ਵਾਧਾ ਹੋਇਆ ਅਤੇ ਇਸ ਵਿਚ ਮੁੱਖ ਤੌਰ ’ਤੇ ਪ੍ਰਵਾਸੀ ਸ਼ਾਮਲ ਹਨ।
ਏਜੰਸੀ ਨੇ ਕਿਹਾ ਕਿ ਨਿਊਕਮਰਸ ਵਿਚ ਲਗਭਗ 131,810 ਅਸਥਾਈ ਨਿਵਾਸੀ ਸਨ ਪਰ ਜਨਸੰਖਿਆ ਵਿਚ ਇਸ ਵਾਰ ਦਾ ਵਾਧਾ 2023 ਦੀ ਤੀਜੀ ਤਿਮਾਹੀ ਦੇ ਮੁਕਾਬਲੇ ਘੱਟ ਹੈ, ਉਸ ਸਮੇਂ ਜਨਸੰਖਿਆ ਵਿਚ 312,758 ਲੋਕ ਜੁੜੇ ਸਨ।
ਫੈਡਰਲ ਸਰਕਾਰ ਨੇ ਹਾਲ ਹੀ ਵਿਚ ਅਗਲੇ ਤਿੰਨ ਸਾਲਾਂ ਦੌਰਾਨ ਅਸਥਾਈ ਨਿਵਾਸੀ ਦੀ ਗਿਣਤੀ ਨੂੰ ਕੁੱਲ ਆਬਾਦੀ ਦੇ ਪੰਜ ਫੀਸਦੀ ਤੱਕ ਸੀਮਤ ਕਰਨ ਦੀ ਘੋਸ਼ਣਾ ਕੀਤੀ ਹੈ ਪਰ ਪਹਿਲੀ ਤਿਮਾਹੀ ਵਿਚ ਜ਼ਿਆਦਾਤਰ ਵਾਧਾ ਉਸ ਘੋਸ਼ਣਾ ਤੋਂ ਪਹਿਲਾਂ ਦਾ ਹੈ। ਕੁੱਲ ਮਿਲਾ ਕੇ ਕੈਨੇਡਾ ਵਿਚ ਗੈਰ ਸਥਾਈ ਨਿਵਾਸੀਆਂ ਦੀ ਕੁੱਲ ਗਿਣਤੀ ਲਗਾਤਾਰ ਨੌਵੀਂ ਤਿਮਾਹੀ ਵਧੀ ਹੈ, 1 ਅਪ੍ਰੈਲ ਤੱਕ ਕੈਨੇਡਾ ਵਿਚ ਲਗਭਗ 2.8 ਮਿਲੀਅਨ ਗੈਰ ਸਥਾਈ ਨਿਵਾਸੀ ਸਨ।
ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਅਸਥਾਈ ਨਿਵਾਸੀ ਦੇ ਬਿਨਾਂ 2024 ਦੀ ਪਹਿਲੀ ਤਿਮਾਹੀ ਦੌਰਾਨ ਆਬਾਦੀ ਦੀ ਵਾਧਾ ਦਰ 0.3 ਫੀਸਦੀ ਹੋਣੀ ਸੀ।
