14.18C Vancouver 14.18C VancouverMay 9, 2025 4:30 PM - Connect Newsroom
ਕੈਨੇਡਾ ਦੇ ਮੈਨੂਫੈਕਚਰਿੰਗ ਸੈਕਟਰ 'ਤੇ ਟੈਰਿਫ ਦੇ ਪ੍ਰਭਾਵ ਕਾਰਨ ਦੇਸ਼ ਦੀ ਬੇਰੁਜ਼ਗਾਰੀ ਦਰ 6.9 ਫੀਸਦੀ 'ਤੇ ਪਹੁੰਚ ਗਈ ਹੈ। ਇਹ ਕੋਵਿਡ ਨੂੰ ਛੱਡ ਕੇ 8 ਸਾਲਾਂ ਵਿਚ ਸਭ ਤੋਂ ਵੱਧ ਬੇਰੁਜ਼ਗਾਰੀ ਦਰ ਦੇ ਬਰਾਬਰ ਹੈ। ਅਪ੍ਰੈਲ ਲਗਾਤਾਰ ਤੀਜਾ ਮਹੀਨਾ ਹੈ ਜਦੋਂ ਕੈਨੇਡੀਅਨ ਅਰਥਵਿਵਸਥਾ ਵਿਚ ਜਾਂ ਤਾਂ ਰੁਜ਼ਗਾਰ ਵਿਚ ਬਹੁਤ ਘੱਟ ਬਦਲਾਅ ਦੇਖਿਆ ਗਿਆ ਜਾਂ ਨੌਕਰੀਆਂ ਦਾ ਨੁਕਸਾਨ ਹੋਇਆ ਹੈ।
ਇਹ ਅਜਿਹਾ ਪਹਿਲਾ ਮਹੀਨਾ ਵੀ ਹੈ ਜਦੋਂ ਆਟੋ, ਸਟੀਲ, ਐਲੂਮੀਨੀਅਮ ਅਤੇ ਹੋਰ ਸੈਕਟਰ 'ਤੇ ਟੈਰਿਫ ਦਾ ਪ੍ਰਭਾਵ ਵਧੇਰੇ ਸਪੱਸ਼ਟ ਹੋਇਆ ਹੈ। ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ, ਪਿਛਲੇ ਮਹੀਨੇ ਮੈਨੂਫੈਕਚਰਿੰਗ ਸੈਕਟਰ ਵਿਚ 31,000 ਨੌਕਰੀਆਂ ਦਾ ਨੁਕਸਾਨ ਹੋਇਆ ਜੋ 2020 ਦੇ ਕੋਵਿਡ ਸੰਕਟ ਨੂੰ ਛੱਡ ਕੇ ਜਨਵਰੀ 2009 ਤੋਂ ਬਾਅਦ ਸਭ ਤੋਂ ਵੱਡੀ ਗਿਰਾਵਟ ਹੈ।
ਸਟੈਟਿਸਟਿਕਸ ਡਿਪਾਰਟਮੈਂਟ ਮੁਤਾਬਕ, ਅਪ੍ਰੈਲ ਦੌਰਾਨ ਅਰਥਵਿਵਸਥਾ ਵਿਚ 7,400 ਨੌਕਰੀਆਂ ਜੁੜੀਆਂ, ਜਿਨ੍ਹਾਂ ਵਿਚੋਂ ਜ਼ਿਆਦਾਤਰ ਫੈਡਰਲ ਚੋਣਾਂ ਵਿਚ ਕੰਮ ਕਰਨ ਲਈ ਪਬਲਿਕ ਸੈਕਟਰ ਵਿਚ ਰੱਖੇ ਗਏ ਅਸਥਾਈ ਕਾਮੇ ਸਨ।
