10.53C Vancouver 10.53C VancouverJan 26, 2021 4:35 PM -
ਕੈਨੇਡਾ ਦੇ ਚਿੰਤਾ ਨਾਲ ਭਰੇ ਕੋਵਿਡ-19 ਟੀਕਾਕਰਣ ਪ੍ਰੋਗਰਾਮਾਂ ਨੂੰ ਹੋਰ ਖ਼ਤਰੇ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਕਿਉਂਕਿ ਯੂਰੋਪ ਵਲੋਂ ਡਰੱਗ ਕੰਪਨੀਆਂ ਨੂੰ ਚੇਤਾਵਨੀ ਦਿੱਤੀ ਗਈ ਹੈ ਕਿ ਉਹ ਯੂਰੋਪ ਵਿੱਚ ਤਿਆਰ ਟੀਕਾ ਖੁਰਾਕਾਂ 'ਤੇ ਨਿਰਯਾਤ ਕੰਟਰੋਲ ਲਗਾ ਸਕਦਾ ਹੈ।
ਕੈਨੇਡਾ ਲਈ ਫਾਈਜ਼ਰ-ਬਾਇਓਨਟੈਕ ਅਤੇ ਮੋਡਰਨਾ ਵਲੋਂ ਤਿਆਰ ਕੀਤੇ ਗਏ ਸਾਰੇ ਮੌਜੂਦਾ ਟੀਕੇ ਯੂਰੋਪ ਵਿੱਚ ਬਣੇ ਹਨ, ਜਿਸ ਨਾਲ ਸੰਭਾਵਤ ਤੌਰ ਤੇ ਕੈਨੇਡਾ ਦੀ ਵੈਕਸੀਨ ਡਿਲੀਵਰੀ ਖ਼ਤਰੇ ਵਿੱਚ ਪੈ ਸਕਦੀ ਹੈ।
ਕੈਨੇਡਾ ਵਾਂਗ ਯੂਰੋਪ ਨੂੰ ਵੀ ਫਾਈਜ਼ਰ ਦੇ ਟੀਕਿਆਂ ਵਿੱਚ ਦੇਰੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ ਕਿਉਂਕਿ ਕੰਪਨੀ ਬੈਲਜੀਅਮ ਵਿੱਚ ਆਪਣੇ ਪਲਾਂਟ ਦਾ ਵਿਸਥਾਰ ਕਰਨ ਲਈ ਉਤਪਾਦਨ ਨੂੰ ਘਟਾ ਰਹੀ ਹੈ।
ਪਰ ਐਸਟਰਾਜ਼ੇਨੇਕਾ ਨੇ ਵੀ ਹੁਣ ਯੂਰੋਪ ਵਿੱਚ ਉਤਪਾਦਨ ਵਿੱਚ ਮੁਸ਼ਕਿਲਾਂ ਕਾਰਣ ਸ਼ੁਰੂਆਤ ਵਿੱਚ ਟੀਕੇ ਉਪਲੱਭਦ ਕਰਵਾਉਣ ਵਿੱਚ ਦੇਰੀ ਬਾਰੇ ਜਾਣਕਾਰੀ ਸਾਂਝੀ ਕੀਤੀ ਹੈ।
ਐਸਟਰਾਜ਼ੇਨੇਕਾ ਨੂੰ ਯੂਰੋਪ ਵਿੱਚ ਇਸ ਹਫਤੇ ਦੇ ਅੰਤ ਵਿੱਚ ਵਰਤੋਂ ਲਈ ਮਨਜ਼ੂਰੀ ਮਿਲਣ ਦੀ ਉਮੀਦ ਸੀ।
ਯੂਰੋਪੀਅਨ ਕਮਿਸ਼ਨ ਦੇ ਪ੍ਰਧਾਨ ਉਰਸੁਲਾ ਵੌਨ ਡੇਰ ਲੀਅਨ ਨੇ ਅੱਜ ਇੱਕ ਟਵੀਟ ਵਿੱਚ ਕਿਹਾ ਹੈ ਕਿ ਵਿਸ਼ਵ ਦਾ ਸਭ ਤੋਂ ਵੱਡਾ ਵਪਾਰਕ ਸਮੂਹ "ਇੱਕ ਟੀਕਾ ਨਿਰਯਾਤ ਪਾਰਦਰਸ਼ਤਾ ਵਿਧੀ" ਸਥਾਪਤ ਕਰੇਗਾ।
ਕੈਨੇਡਾ ਵਿੱਚ ਫਿਲਹਾਲ ਕੋਵਿਡ -19 ਟੀਕੇ ਬਣਾਉਣ ਦੀ ਸਮਰੱਥਾ ਨਹੀਂ ਹੈ ਪਰ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਵਾਰ ਵਾਰ ਜ਼ੋਰ ਦੇ ਕੇ ਕਹਿ ਰਹੇ ਹਨ ਕਿ ਕੈਨੇਡਾ ਦੇ ਸਾਰੇ ਲੋਕਾਂ ਨੂੰ ਸਤੰਬਰ ਦੇ ਅੰਤ ਤੱਕ ਟੀਕੇ ਦੀਆਂ ਲੋੜੀਂਦੀਆਂ ਖੁਰਾਕਾਂ ਮਿਲਣਗੀਆਂ।
