19.22C Vancouver 19.22C VancouverMay 20, 2021 3:33 PM -
ਕੈਨੇਡਾ ਦੇ ਤਕਰੀਬਨ 18 ਮਿਲੀਅਨ ਲੋਕ ਕੋਵਿਡ-19 ਦੀ ਵੈਕਸੀਨ ਹਾਸਲ ਕਰ ਚੁੱਕੇ ਹਨ ਅਤੇ ਅੱਜ ਵੀਰਵਾਰ ਸ਼ਾਮ ਤੱਕ ਦੇਸ਼ ਦੀ 49 ਫ਼ੀਸਦੀ ਅਬਾਦੀ ਵੈਕਸੀਨ ਦੀ ਪਹਿਲੀ ਖੁਰਾਕ ਹਾਸਲ ਕਰ ਚੁੱਕੀ ਹੋਵੇਗੀ ਜਿਸ ਸਦਕਾ ਟੀਕਾਕਰਣ ਦੇ ਆਂਕੜਿਆਂ ਵਿੱਚ ਕੈਨੇਡਾ ਅਮਰੀਕਾ ਤੋਂ ਵੀ ਅਗਾਂਹ ਨਿਕਲ ਜਾਵੇਗਾ।
ਜਿੱਥੇ ਕੈਨੇਡਾ ਦੀ ਤਕਰੀਬਨ ਅੱਧੀ ਆਬਾਦੀ ਵੈਕਸੀਨ ਦੀ ਪਹਿਲੀ ਖੁਰਾਕ ਹਾਸਲ ਕਰ ਚੁੱਕੀ ਹੈ ਉਥੇ ਹੀ ਚਾਰ ਫ਼ੀਸਦੀ ਤੋਂ ਵੀ ਘੱਟ ਕਨੇਡੀਅਨ ਲੋਕ ਵੈਕਸੀਨ ਦੀਆਂ ਦੋਵੇਂ ਖੁਰਾਕਾਂ ਲੈ ਚੁੱਕੇ ਹਨ।
ਇਹ ਕੈਨੇਡਾ ਲਈ ਇਕ ਨਿਸ਼ਚਤ ਬਦਲਾਅ ਹੈ, ਜੋ ਕਿ ਸਿਰਫ ਇੱਕ ਮਹੀਨਾ ਪਹਿਲਾਂ ਸਮੁੱਚੇ ਟੀਕਾਕਰਣ ਵਿੱਚ ਵਿਸ਼ਵਵਿਆਪੀ ਦੇਸ਼ਾਂ ਅਮਰੀਕਾ, ਯੂਨਾਈਟਿਡ ਕਿੰਗਡਮ, ਇਜ਼ਰਾਈਲ ਅਤੇ ਚਿਲੀ ਤੋਂ ਬਹੁਤ ਪਿੱਛੇ ਰਿਹਾ ਹੈ।
ਜ਼ਿਕਰਯੋਗ ਹੈ ਕਿ ਕਈ ਦੇਸ਼ਾਂ ਤੋਂ ਪਿੱਛੇ ਰਹਿਣ ਤੋਂ ਬਾਅਦ ਕੈਨੇਡਾ ਦੇ ਟੀਕਾਕਰਣ ਪ੍ਰੋਗਰਾਮ ਵਿੱਚ ਬੀਤੇ ਕੁਝ ਹਫਤਿਆਂ ਦੌਰਾਨ ਤੇਜ਼ੀ ਦੇਖਣ ਨੂੰ ਮਿਲ ਰਹੀ ਹੈ ਅਤੇ ਉਪਲੱਬਧ ਕਰਵਾਈਆਂ ਗਈਆਂ ਪਹਿਲੀਆਂ ਖੁਰਾਕਾਂ ਦੀ ਗਿਣਤੀ ਸਦਕਾ ਕੈਨੇਡਾ ਬਹੁਤ ਹੀ ਜਲਦ ਯੂਨਾਈਟਿਡ ਕਿੰਗਡਮ ਅਤੇ ਇਸਰਾਈਲ ਦੇ ਬਰਾਬਰ ਹੋਵੇਗਾ।
ਕੈਲਗਰੀ ਯੂਨੀਵਰਸਿਟੀ ਦੇ ਅਰਥ ਸ਼ਾਸਤਰ ਦੇ ਪ੍ਰੋਫੈਸਰ ਟ੍ਰੇਵਰ ਟੌਮਬੇ ਜੋ ਕਿ ਬਾਕੀ ਵਿਸ਼ਵ ਦੇ ਮੁਕਾਬਲੇ ਕੈਨੇਡਾ ਦੀ ਟੀਕਾਕਰਣ ਦੀ ਗਤੀ ਨੂੰ ਵੇਖ ਰਹੇ ਹਨ, ਦਾ ਕਹਿਣਾ ਹੈ ਕਿ ਮੌਜੂਦਾ ਟੀਕਾਕਰਣ ਦੀਆਂ ਦਰਾਂ ਨਾਲ ਕੈਨੇਡਾ ਪਹਿਲੀ ਖੁਰਾਕ ਵਿੱਚ ਅਗਲੇ ਹਫ਼ਤੇ ਚਿਲੀ ਨੂੰ, ਦੋ ਹਫਤੇ ਵਿੱਚ ਯੂਨਾਈਟਡ ਕਿੰਗਡਮ ਨੂੰ ਅਤੇ ਜੂਨ ਦੇ ਅੱਧ ਤੱਕ ਇਜ਼ਰਾਈਲ ਨੂੰ ਪਾਰ ਕਰਨ ਦੀ ਰਾਹ 'ਤੇ ਹੈ।
