12.29C Vancouver 12.29C VancouverJul 14, 2021 8:44 PM -
ਕਨੇਡੀਅਨ ਮੁੱਕੇਬਾਜ਼ ਮੈਂਡੀ ਬੁਜੌਲਡ ਨੇ ਅੱਜ ਅਧਿਕਾਰਿਤ ਤੌਰ 'ਤੇ ਟੋਕੀਓ ਓਲੰਪਿਕਸ ਦਾ ਟਿਕਟ ਹਾਸਿਲ ਕਰ ਲਿਆ ਹੈ।
ਅੱਜ ਬੁਜੌਲਡ ਨੂੰ ਕਨੇਡੀਅਨ ਮੁੱਕੇਬਾਜ਼ੀ ਟੀਮ ਦੇ ਮੈਂਬਰ ਵਜੋਂ ਨਾਮਿਤ ਕੀਤਾ ਗਿਆ।
ਅਜਿਹਾ ਉਸ ਵੇਲੇ ਹੋਇਆ ਹੈ ਜਦ ਕਰੀਬ ਇੱਕ ਹਫ਼ਤਾ ਪਹਿਲਾਂ ਉਨ੍ਹਾਂ ਕੋਰਟ ਆਫ ਅਰਬਿਟ੍ਰੇਸ਼ਨ ਫਾਰ ਸਪੋਰਟ 'ਚ ਇੱਕ ਅਪੀਲ ਜਿੱਤੀ ਸੀ।
ਇਸੇ ਆਸਰੇ ਬੁਜੌਲਡ ਨੂੰ ਓਲੰਪਿਕਸ 'ਚ ਹਿੱਸਾ ਲੈਣ ਦੀ ਇਜਾਜ਼ਤ ਮਿਲੀ ਸੀ।
ਕੋਰਟ ਨੇ ਆਪਣੇ ਫੈਸਲੇ 'ਚ ਕਿਹਾ ਸੀ ਕਿ ਅੰਤਰਰਾਸ਼ਟਰੀ ਓਲੰਪਿਕ ਕਮੇਟੀ ਦੀ ਬੌਕਸਿੰਗ ਟਾਸਕ ਫੋਰਸ ਨੂੰ ਅਜਿਹੀਆਂ ਔਰਤਾਂ ਲਈ ਅਕੌਮੋਡੇਸ਼ਨ ਸਥਾਪਿਤ ਕਰਨੀ ਚਾਹੀਦੀ ਹੈ ਜੋ ਕਿ ਕੁਆਲੀਫਾਇੰਗ ਪੀਰੀਅਡ ਦੌਰਾਨ ਗਰਭਵਤੀ ਸਨ ਜਾਂ ਪੋਸਟਪਾਰਟਮ ਦੌਰ 'ਚ ਸਨ।
ਬੁਜੌਲਡ ਦੀ ਓਲੰਪਿਕਸ 'ਚ ਸ਼ਮੂਲੀਅਤ ਦੀ ਖਬਰ ਤੋਂ ਬਾਅਦ ਵੱਡੀ ਗਿਣਤੀ 'ਚ ਵਧਾਈਆਂ ਦਾ ਦੌਰ ਜਾਰੀ ਰਿਹਾ ਹੈ ਜਿਸ 'ਚ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀਆਂ ਸ਼ੁਭਕਾਮਨਾਵਾਂ ਵੀ ਸ਼ਾਮਿਲ ਹਨ।
ਯਾਦ ਰਹੇ 33 ਸਾਲਾ ਬੁਜੌਲਡ 11 ਵਾਰ ਦੀ ਨੈਸ਼ਨਲ ਫਲਾਈਵੇਟ ਚੈਂਪੀਅਨ ਹੈ।
