15.35C Vancouver 15.35C VancouverJul 19, 2022 9:11 PM - The Canadian Press
ਕੈਨੇਡਾ ਦੇ ਹੂਗੋ ਊਲ ਨੇ ਟੂਰ ਡੀ ਫਰਾਂਸ ਦੀ 16ਵੀਂ ਸਟੇਜ ਜਿੱਤ ਲਈ ਹੈ।
ਟੂਰ ਡੀ ਫਰਾਂਸ ਦੀ ਕਿਸੇ ਵੀ ਸਟੇਜ 'ਚ 34 ਸਾਲ 'ਚ ਬਾਜੀ ਮਾਰਨ ਵਾਲੇ ਹੂਗੋ ਊਲ ਪਹਿਲੇ ਕਨੇਡੀਅਨ ਬਣ ਗਏ ਹਨ।
ਕਿਊਬੈਕ ਤੋਂ ਵਾਸਤਾ ਰੱਖਣ ਵਾਲੇ ਸਾਈਕਲਿਸਟ ਨੇ 178.5km ਵਾਲੀ ਇਹ ਸਟੇਜ 4 ਘੰਟੇ 23 ਮਿੰਟ ਅਤੇ 47 ਸੈਕਿੰਡਸ 'ਚ ਪੂਰੀ ਕੀਤੀ।
ਫਰਾਂਸ ਦੇ ਵੈਲੰਟੀਨ ਮੈਡੋਸ ਕਨੇਡੀਅਨ ਖਿਡਾਰੀ ਤੋਂ 1 ਮਿੰਟ 10 ਸੈਕਿੰਡ ਪਿਛਾਂ ਸਨ।
ਊਲ ਨੇ ਆਪਣੀ ਇਸ ਇਤਿਹਾਸਿਕ ਜਿੱਤ ਨੂੰ ਆਪਣੇ ਛੋਟੇ ਭਰਾ ਨੂੰ ਸਮਰਪਿਤ ਕੀਤਾ।
ਉਨ੍ਹਾਂ ਦੇ ਛੋਟੇ ਭਰਾ ਪੈਰਿਕ ਊਲ ਦੀ ਦਿਸੰਬਰ 2012 'ਚ ਇੱਕ ਕਰੈਸ਼ 'ਚ ਮੌਤ ਹੋ ਗਈ ਸੀ।
ਉਹ ਸਾਲ 2012 'ਚ ਜੌਗਿੰਗ ਕਰ ਰਿਹਾ ਸੀ ਜਦ ਇੱਕ ਗੱਡੀ ਉਸ ਨਾਲ ਟਕਰਾ ਗਈ ਸੀ।
ਪੈਰਿਕ ਊਲ ਦੀ ਉਮਰ 19 ਸਾਲ ਸੀ।
ਹੂਗੋ ਊਲ ਨੇ ਕਿਹਾ ਕਿ ਉਸ ਦਾ ਸੁਫਨਾ ਸੀ ਕਿ ਆਪਣੇ ਭਰਾ ਦੀ ਯਾਦ 'ਚ ਇੱਕ ਸਟੇਜ ਜਿੱਤੀ ਜਾ ਸਕੇ ਅਤੇ ਅੱਜ ਇਹ ਸੁਫਨਾ ਪੂਰਾ ਹੋ ਗਿਆ।
