16.25C Vancouver 16.25C VancouverFeb 3, 2025 5:44 PM - Connect Newsroom
ਕੈਨੇਡੀਅਨ ਡਾਲਰ ਨੂੰ ਵੱਡਾ ਝਟਕਾ ਲੱਗਾ ਹੈ। ਟਰੰਪ ਵਲੋਂ ਟੈਰਿਫ ਦੇ ਐਲਾਨ ਤੋਂ ਬਾਅਦ ਸੋਮਵਾਰ ਨੂੰ ਇਹ ਲਗਭਗ ਦੋ ਦਹਾਕਿਆਂ ਦੇ ਆਪਣੇ ਸਭ ਤੋਂ ਹੇਠਲੇ ਪੱਧਰ ’ਤੇ ਡਿੱਗ ਗਿਆ। ਅਮਰੀਕੀ ਕਰੰਸੀ ਦੇ ਮੁਕਾਬਲੇ ਇਸ ਦੀ ਕੀਮਤ ਕਾਰੋਬਾਰ ਦੌਰਾਨ 68.13 ਸੈਂਟ ’ਤੇ ਆ ਗਈ, ਜੋ 2003 ਤੋਂ ਬਾਅਦ ਇਸ ਦਾ ਸਭ ਤੋਂ ਹੇਠਲਾ ਪੱਧਰ ਹੈ।
ਸ਼ੁੱਕਰਵਾਰ ਨੂੰ ਕੈਨੇਡੀਅਨ ਡਾਲਰ ਦੀ ਕੀਮਤ 69.04 ਅਮਰੀਕੀ ਸੈਂਟ ਸੀ। ਗੌਰਤਲਬ ਹੈ ਕਿ ਟਰੰਪ ਨੇ ਵੀਕਐਂਡ ’ਤੇ ਘੋਸ਼ਣਾ ਕੀਤੀ ਸੀ ਕਿ ਅਮਰੀਕਾ ਮੰਗਲਵਾਰ ਤੋਂ ਕੈਨੇਡਾ ਤੋਂ ਆਉਣ ਵਾਲੇ ਮਾਲ ’ਤੇ 25 ਫੀਸਦੀ ਟੈਰਿਫ ਲਗਾਵੇਗਾ, ਇਸ ਦੇ ਜਵਾਬ ਵਿਚ ਕੈਨੇਡਾ ਵੀ ਮੰਗਲਵਾਰ ਤੋਂ $30 ਬਿਲੀਅਨ ਦੇ ਅਮਰੀਕੀ ਸਾਮਾਨ ’ਤੇ ਬਰਾਬਰ ਦਾ ਟੈਰਿਫ ਲਗਾ ਰਿਹਾ ਹੈ।
ਦੱਸ ਦੇਈਏ ਕਿ ਟੈਰਿਫ ਨਾਲ ਜਿੱਥੇ ਅਮਰੀਕਾ ਤੋਂ ਆਉਣ ਵਾਲਾ ਮਾਲ ਮਹਿੰਗਾ ਪਵੇਗਾ, ਉਥੇ ਹੀ ਕੈਨੇਡੀਅਨ ਡਾਲਰ ਕਮਜ਼ੋਰ ਹੋਣ ਨਾਲ ਇੰਪੋਰਟ ਹੋਰ ਵੀ ਮਹਿੰਗਾ ਹੋਵੇਗਾ ਅਤੇ ਵਿਦੇਸ਼ ਦੀ ਯਾਤਰਾ ਵੀ ਮਹਿੰਗੀ ਹੋਵੇਗੀ।
