31.13C Vancouver 31.13C VancouverMar 12, 2021 4:10 PM -
ਸਟੈਟਿਸਟਿਕਸ ਕੈਨੇਡਾ ਮੁਤਾਬਕ ਬੀਤੇ ਫਰਵਰੀ ਮਹੀਨੇ ਵਿੱਚ ਕੈਨੇਡਾ ਦੀ ਆਰਥਿਕਤਾ ਵਿੱਚ 259,000 ਨੌਕਰੀਆਂ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ ਜਿਸ ਨਾਲ ਬੀਤੇ ਦੋ ਮਹੀਨਿਆਂ ਦੌਰਾਨ ਹੋਏ ਨੁਕਸਾਨ ਦਾ ਕਾਫੀ ਹੱਦ ਤਕ ਸਫ਼ਾਇਆ ਹੋ ਗਿਆ ਹੈ।
ਜਨਵਰੀ ਵਿੱਚ ਕੋਵਿਡ-19 ਕਾਰਣ ਲੱਗੀਆਂ ਪਾਬੰਦੀਆਂ ਵਿੱਚ ਸਖਤੀ ਸਦਕਾ ਆਰਥਿਕਤਾ ਵਿੱਚ 213,000 ਨੌਕਰੀਆਂ ਦੀ ਕਟੌਤੀ ਦੇਖਣ ਨੂੰ ਮਿਲੀ ਸੀ।
ਫਰਵਰੀ ਵਿੱਚ ਪਾਬੰਦੀਆਂ ਵਿੱਚ ਆਈ ਢਿੱਲ ਕਾਰਣ ਓਂਟਾਰੀਓ ਅਤੇ ਕਿਊਬੈਕ ਵਰਗੇ ਸੂਬਿਆਂ ਵਿੱਚ ਸੁਧਾਰ ਹੁੰਦਾ ਨਜ਼ਰ ਆਇਆ।
ਕੌਮੀ ਬੇਰੁਜ਼ਗਾਰੀ ਦਰ 8.2 ਫ਼ੀਸਦੀ 'ਤੇ ਆ ਗਈ, ਜੋ ਕਿ ਕੋਵਿਡ-19 ਮਹਾਂਮਾਰੀ ਦੀ ਸ਼ੁਰੂਆਤ ਤੋਂ ਮਾਰਚ 2020 ਤੋਂ ਬਾਅਦ ਦਾ ਸਭ ਤੋਂ ਹੇਠਲਾ ਪੱਧਰ ਹੈ।
ਫਾਈਨਾਂਸ਼ੀਅਲ ਡਾਟਾ ਫਰਮ ਰੀਫਿਨੀਟਿਵ ਮੁਤਾਬਕ ਅਰਥਸ਼ਾਸਤਰੀਆਂ ਦਾ ਅੰਦਾਜ਼ਾ ਸੀ ਕਿ 75,000 ਨੌਕਰੀਆਂ ਦਾ ਵਾਧਾ ਅਤੇ ਬੇਰੁਜ਼ਗਾਰੀ ਦਰ 9.2 ਫ਼ੀਸਦੀ ਹੋਵੇਗੀ।
ਬੀਤੇ ਫਰਵਰੀ ਦੇ ਮੁਕਾਬਲੇ ਕੈਨੇਡਾ ਦੀ ਆਰਥਕਤਾ ਵਿੱਚ ਮੌਜੂਦਾ ਸਮੇਂ ਵਿੱਚ 599,100 ਨੌਕਰੀਆਂ ਘੱਟ ਹਨ ਜੋ ਕਿ ਮਹਾਂਮਾਰੀ ਤੋਂ ਪਹਿਲਾਂ ਦੇ ਪੱਧਰ ਤੋਂ 3.1 ਫ਼ੀਸਦੀ ਘੱਟ ਹੈ।
