ਕੈਨੇਡੀਅਨ ਆਰਥਿਕਤਾ ਤੀਸਰੀ ਤਿਮਾਹੀ ਦੌਰਾਨ 1.1%  ਸੁੰਘੜੀ: ਸਟੈਟਿਸਟਿਕਸ ਕੈਨੇਡਾ

ਕੈਨੇਡਾ ਦੀ ਆਰਥਿਕਤਾ ਨੇ ਸਾਲ ਦੀ ਤੀਜੀ ਤਿਮਾਹੀ ਵਿੱਚ ਸਾਲਾਨਾ ਆਧਾਰ 'ਤੇ 1.1 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਹੈ।

ਸਟੈਟਿਸਟਿਕਸ ਕੈਨੇਡਾ ਨੇ ਵੀਰਵਾਰ ਨੂੰ ਕਿਹਾ ਕਿ ਨਿਰਯਾਤ ਵਿੱਚ ਕਮੀ ਅਤੇ ਕਾਰੋਬਾਰਾਂ ਦੀ ਸਲੋ ਇਨਵੇਂਟੋਰੀ ਨੇ ਸਰਕਾਰੀ ਖਰਚ ਅਤੇ ਹਾਊਸਿੰਗ ਨਿਵੇਸ਼ ਵਿੱਚ ਹੋਏ ਵਾਧੇ ਨੂੰ ਆਫਸੈੱਟ ਕਰ ਦਿੱਤਾ। ਫੈਡਰਲ ਏਜੰਸੀ ਨੇ ਦੂਜੀ ਤਿਮਾਹੀ ਦੇ ਜੀ. ਡੀ. ਪੀ. ਅੰਕੜੇ ਨੂੰ ਵੀ ਸੋਧਿਆ ਹੈ।

ਏਜੰਸੀ ਮੁਤਾਬਕ ਪਿਛਲੀ ਤਿਮਾਹੀ ਵਿੱਚ ਆਰਥਿਕਤਾ ਨੇ ਸਾਲ ਪਹਿਲਾਂ ਦੇ ਮੁਕਾਬਲੇ 1.4 ਫੀਸਦੀ ਦਾ ਵਾਧਾ ਦਰਜ ਕੀਤਾ ਹੈ। ਇਸ ਤਰ੍ਹਾਂ ਕੈਨੇਡਾ ਅਜੇ ਤਕਨੀਕੀ ਮੰਦੀ ਵਿੱਚ ਜਾਣ ਤੋਂ ਬਚ ਗਿਆ ਹੈ।ਤਕਨੀਕੀ ਮੰਦੀ ਉਦੋਂ ਹੁੰਦੀ ਹੈ ਜਦੋਂ ਅਸਲ ਜੀ.ਡੀ.ਪੀ ਵਿੱਚ ਲਗਾਤਾਰ ਦੋ ਵਾਰ ਗਿਰਾਵਟ ਦਰਜ ਕੀਤੀ ਜਾਂਦੀ ਹੈ।

ਜੀ. ਡੀ. ਪੀ. ਵਿੱਚ ਤਾਜ਼ਾ ਗਿਰਾਵਟ ਦੇ ਚੱਲਦੇ ਬੈਂਕ ਆਫ ਕੈਨੇਡਾ ਵੱਲੋਂ ਇਸ ਸਾਲ ਦੇ ਆਖਰੀ ਵਿਆਜ ਦਰ ਦਾ ਫੈਸਲੇ ਵਿੱਚ ਕੋਈ ਤਬਦੀਲੀ ਕੀਤੇ ਜਾਣ ਦੀ ਸੰਭਾਵਨਾ ਨਹੀਂ ਕਿਉਂਕਿ ਉੱਚੀ ਉਧਾਰ ਦੀ ਲਾਗਤ ਦੇ ਚੱਲਦੇ ਆਰਥਿਕਤਾ ਪਹਿਲਾਂ ਹੀ ਹੇਠਲੇ ਦਬਾਅ ਦਾ ਸਾਹਮਣਾ ਕਰ ਰਹੀ ਹੈ। ਸੈਂਟਰਲ ਬੈਂਕ 2023 ਦੀ ਫਾਈਨਲ ਅਤੇ 8ਵੀਂ ਵਿਆਜ ਦਰ ਦੀ ਘੋਸ਼ਣਾ 6 ਦਸੰਬਰ ਨੂੰ ਕਰੇਗਾ।