12.02C Vancouver 12.02C VancouverOct 24, 2025 4:16 PM - Connect Newsroom
ਕੈਨੇਡਾ ਸਰਕਾਰ ਨੇ ਕਾਰ ਬਣਾਉਣ ਵਾਲੀਆਂ ਦੋ ਵੱਡੀਆਂ ਕੰਪਨੀਆਂ ਸਟੈਲੈਂਟਿਸ ਅਤੇ ਜਨਰਲ ਮੋਟਰਜ਼ 'ਤੇ ਕਾਰਵਾਈ ਕੀਤੀ ਹੈ। ਸਰਕਾਰ ਨੇ ਇਨ੍ਹਾਂ ਕੰਪਨੀਆਂ ਨੂੰ ਅਮਰੀਕਾ ਤੋਂ ਟੈਕਸ-ਫ੍ਰੀ ਗੱਡੀਆਂ ਇੰਪੋਰਟ ਕਰਨ ਦੀ ਜੋ ਛੋਟ ਦਿੱਤੀ ਹੋਈ ਸੀ,ਉਸ ਨੂੰ ਘਟਾ ਦਿੱਤਾ ਹੈ।
ਇਹ ਫੈਸਲਾ ਸਟੈਲੈਂਟਿਸ ਅਤੇ ਜਨਰਲ ਮੋਟਰ ਵਲੋਂ ਕੈਨੇਡਾ ਵਿਚ ਉਤਪਾਦਨ ਘਟਾਉਣ ਦੇ ਫੈਸਲਿਆਂ ਦੇ ਜਵਾਬ ਵਿੱਚ ਲਿਆ ਗਿਆ ਹੈ ਅਤੇ ਇਸ ਦਾ ਉਦੇਸ਼ ਕੰਪਨੀਆਂ 'ਤੇ ਕੈਨੇਡਾ ਵਿਚ ਨਿਵੇਸ਼ ਕਰਨ ਅਤੇ ਨੌਕਰੀਆਂ ਬਰਕਰਾਰ ਰੱਖਣ ਲਈ ਦਬਾਅ ਪਾਉਣਾ ਹੈ। ਸਰਕਾਰ ਨੇ ਜੀਐਮ ਦੇ ਟੈਰਿਫ-ਫ੍ਰੀ ਇੰਪੋਰਟ ਕੋਟੇ ਵਿਚ 24 ਫੀਸਦੀ ਅਤੇ ਸਟੈਲੈਂਟਿਸ ਦੇ ਕੋਟੇ ਵਿਚ 50 ਫੀਸਦੀ ਦੀ ਕਟੌਤੀ ਕੀਤੀ ਹੈ।
ਇਸ ਦਾ ਮਤਲਬ ਹੈ ਕਿ ਇਨ੍ਹਾਂ ਕੰਪਨੀਆਂ ਨੂੰ ਹੁਣ ਅਮਰੀਕਾ ਤੋਂ ਇੰਪੋਰਟ ਹੋਣ ਵਾਲੇ ਵਾਹਨਾਂ ਦੇ ਵੱਡੇ ਹਿੱਸੇ 'ਤੇ ਕੈਨੇਡੀਅਨ ਜਵਾਬੀ ਟੈਰਿਫ ਦਾ ਭੁਗਤਾਨ ਕਰਨਾ ਪਵੇਗਾ।
ਇਹ ਕਦਮ ਉਸ ਤੋਂ ਬਾਅਦ ਆਇਆ ਹੈ ਜਦੋਂ ਜੀਐਮ ਨੇ ਓਨਟਾਰੀਓ ਦੇ ਇੰਗਰਸੋਲ ਵਿਚ ਆਪਣੀ ਬ੍ਰਾਈਟਡ੍ਰੌਪ ਇਲੈਕਟ੍ਰਿਕ ਵੈਨ ਦਾ ਉਤਪਾਦਨ ਬੰਦ ਕੀਤਾ ਹੈ ਅਤੇ ਸਟੈਲੈਂਟਿਸ ਨੇ ਬ੍ਰੈਂਪਟਨ ਵਿਚ ਆਪਣੀ ਜੀਪ ਕੰਪਾਸ ਬਣਾਉਣ ਦੀ ਯੋਜਨਾ ਰੱਦ ਕਰਕੇ ਇਸ ਨੂੰ ਅਮਰੀਕਾ ਵਿਚ ਸ਼ਿਫਟ ਕਰਨ ਦਾ ਐਲਾਨ ਕੀਤਾ ਹੈ।
ਇੰਡਸਟਰੀ ਮਿਨਿਸਟਰ ਮੇਲਾਨੀ ਜੋਲੀ ਦਾ ਕਹਿਣਾ ਹੈ ਕਿ ਉਨ੍ਹਾਂ ਇਸ ਹਫ਼ਤੇ ਦੇ ਸ਼ੁਰੂ ਵਿਚ ਸਟੈਲੈਂਟਿਸ ਨੂੰ ਆਪਣੇ ਅਗਲੇ ਕਦਮਾਂ ਬਾਰੇ ਪੂਰੀ ਅਪਡੇਟ ਦੇਣ ਲਈ 15 ਦਿਨ ਦਿੱਤੇ ਹਨ।
