13.14C Vancouver 13.14C VancouverApr 15, 2021 1:18 AM -
ਪੈਂਡੈਮਿਕ ਦੀ ਸ਼ੁਰੂਆਤ ਤੋਂ ਜ਼ੂਮ ਕਾਲਸ ਦੇ ਦੌਰਾਨ ਕੁਝ ਹੈਰਾਨ ਕਰਨ ਵਾਲੀਆਂ ਘਟਨਾਵਾਂ ਕੈਮਰਿਆਂ 'ਚ ਕੈਦ ਹੋਈਆਂ ਹਨ।
ਪਰ ਅੱਜ ਔਟਵਾ ਦੇ ਇੱਕ ਐਮ.ਪੀ. ਨਾਲ ਕੁਝ ਅਜਿਹਾ ਹੋਇਆ ਜਿਸ ਦੇ ਸਾਹਮਣੇ ਸ਼ਾਇਦ ਉਹ ਸਾਰੀਆਂ ਘਟਨਾਵਾਂ ਫਿੱਕੀਆਂ ਪੈ ਜਾਣ।
ਕਿਊਬੈਕ ਦੀ ਪੌਂਟੀਐਕ ਰਾਈਡਿੰਗ ਦੀ ਨੁਮਾਇੰਦਗੀ ਕਰਨ ਵਾਲੇ ਲਿਬਰਲ ਵਿਲੀਅਮ ਐਮੋਸ ਆਪਣੇ ਸਾਥੀਆਂ ਦੀਆਂ ਸਕ੍ਰੀਨਸ 'ਤੇ ਜਦ ਵਿਖਾਏ ਦੇਣ ਲੱਗੇ ਤਾਂ ਉਨ੍ਹਾਂ ਦੇ ਸ਼ਰੀਰ 'ਤੇ ਕੋਈ ਕੱਪੜੇ ਨਹੀਂ ਸਨ।
ਉਹ ਪੂਰੀ ਤਰ੍ਹਾਂ ਨਗਨ-ਅਵਸਥਾ 'ਚ ਸਕਰੀਨ 'ਤੇ ਵਿਖਾਈ ਦਿੱਤੇ।
ਉਨ੍ਹਾਂ ਦਾ ਇੱਕ ਸਕਰੀਨਸ਼ੌਟ ਕਾਫੀ ਵਾਇਰਲ ਹੋ ਰਿਹਾ ਹੈ ਜਿਸ ਦੌਰਾਨ ਉਨ੍ਹਾਂ ਨੂੰ ਕਿਊਬੈਕ ਅਤੇ ਕੈਨੇਡਾ ਦੇ ਝੰਡੇ ਵਿਚਾਲੇ ਖੜੇ ਵੇਖਿਆ ਜਾ ਸਕਦਾ ਹੈ, ਹਾਲਾਂਕਿ ਇਸ ਸਕਰੀਨ ਸ਼ੌਟ 'ਚ ਉਨ੍ਹਾਂ ਦੇ ਨਿੱਜੀ ਅੰਗਾਂ ਨੂੰ ਛੁਪਾਇਆ ਹੋਇਆ ਹੈ।
ਉਨ੍ਹਾਂ ਇੱਕ ਟਵੀਟ ਕਰ ਇਸ ਘਟਨਾ 'ਤੇ ਖੇਦ ਜ਼ਾਹਿਰ ਕੀਤਾ ਹੈ।
ਉਨ੍ਹਾਂ ਕਿਹਾ ਕਿ ਉਹ ਦੌੜ ਲਗਾ ਕੇ ਆਏ ਸਨ ਅਤੇ ਕੰਮ ਸੰਬੰਧੀ ਕੱਪੜੇ ਪਹਿਨ ਰਹੇ ਸਨ ਅਤੇ ਗਲਤੀ ਤੋਂ ਉਨ੍ਹਾਂ ਦਾ ਕੈਮਰਾ ਔਨ ਰਹਿ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਅਜਿਹਾ ਦੁਬਾਰਾ ਨਹੀਂ ਹੋਵੇਗਾ।
