18.53C Vancouver 18.53C VancouverApr 1, 2022 7:16 PM - The Canadian Press
ਫੀਫਾ ਵਰਲਡ ਕੱਪ ਲਈ ਕੈਨੇਡਾ ਦੇ ਗਰੁੱਪ ਦਾ ਐਲਾਨ ਹੋ ਗਿਆ ਹੈ।
ਅੱਜ ਦੋਹਾ 'ਚ ਐਲਾਨੇ ਗਏ ਡਰਾਅ 'ਚ ਕੈਨੇਡਾ ਨੂੰ ਗਰੁੱਪ ਐਫ 'ਚ ਜਗ੍ਹਾ ਹਾਸਿਲ ਹੋਈ ਹੈ।
ਇਸ ਗਰੁੱਪ 'ਚ ਕੈਨੇਡਾ ਦੇ ਨਾਲ ਬੈਲਜੀਅਮ, ਮੋਰੌਕੋ ਅਤੇ ਕਰੋਏਸ਼ੀਆ ਦੀਆਂ ਟੀਮਾਂ ਸ਼ਾਮਿਲ ਹਨ।
ਯਾਦ ਰਹੇ ਫੀਫਾ ਵਿਸ਼ਵ ਕੱਪ 'ਚ ਕੁੱਲ 32 ਟੀਮਾਂ ਹਿੱਸਾ ਲੈਂਦੀਆਂ ਵਿਖਾਈ ਦੇਣਗੀਆਂ।
ਇਨ੍ਹਾਂ 32 ਟੀਮਾਂ ਨੂੰ ਸ਼ੁਰੂਆਤੀ ਦੌਰ ਦੇ ਮੁਕਾਬਲਿਆਂ ਲਈ 4 ਟੀਮਾਂ ਦੇ 8 ਗਰੁੱਪਸ 'ਚ ਵੰਡਿਆ ਜਾਣਾ ਹੈ।
ਕੈਨੇਡਾ ਦੇ ਨਾਲ ਗਰੁੱਪ ਐਫ 'ਚ ਸ਼ਾਮਿਲ ਬੈਲਜੀਅਮ ਦੀ ਟੀਮ ਵਿਸ਼ਵ ਰੈਂਕਿੰਗ 2 ਅਤੇ ਕਰੋਏਸ਼ੀਆ ਦੀ ਵਿਸ਼ਵ ਰੈਂਕਿੰਗ 16 ਦੀ ਹੈ।
ਵੀਰਵਾਰ ਨੂੰ ਜਾਰੀ ਹੋਈਆਂ ਰੈਂਕਿੰਗਸ 'ਚ ਕੈਨੇਡਾ 38ਵੇਂ ਨੰਬਰ 'ਤੇ ਹੈ।
ਕੈਨੇਡਾ ਦੇ ਸੌਕਰ ਕੋਚ ਜੌਨ ਹਰਡਮੈਨ ਦਾ ਕਹਿਣਾ ਸੀ ਕਿ ਡਰਾਅ ਦੀ ਬਹੁਤੀ ਫਿਕਰ ਨਹੀਂ ਹੈ ਕਿਉਂਕਿ ਕੈਨੇਡਾ ਦੀ ਪਰਫਾਰਮੈਂਸ ਤੋਂ ਬਾਅਦ ਕੋਈ ਵੀ ਟੀਮ ਵਿਸ਼ਵ ਕੱਪ 'ਚ ਕੈਨੇਡਾ ਦਾ ਸਾਹਮਣਾ ਨਹੀਂ ਕਰਨਾ ਚਾਵੇਗੀ।
