ਇਕ ਵਾਰ ਫਿਰ ਐਲਬਰਟਾ ਆ ਰਹੇ ਹਨ ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ

ਕੈਨੇਡਾ ਦੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਅੱਜ ਇਕ ਵਾਰ ਫਿਰ ਐਲਬਰਟਾ ਆ ਰਹੇ ਹਨ। ਉਨ੍ਹਾਂ ਨੇ ਕੈਲਗਰੀ ਵਿਚ ਹਾਊਸਿੰਗ ਨੂੰ ਲੈ ਕੇ ਘੋਸ਼ਣਾ ਕਰਨੀ ਹੈ। ਇਸ ਦੌਰੇ ਨੂੰ ਦੇਸ਼ ਦੇ ਬਜਟ ਤੋਂ ਪਹਿਲਾਂ ਮੁਹਿੰਮ ਵਰਗੇ ਟੂਰ ਵਜੋਂ ਦੇਖਿਆ ਜਾ ਰਿਹਾ ਹੈ। ਪੀ. ਐੱਮ. ਟਰੂਡੋ ਦੁਪਹਿਰ ਸਮੇਂ ਲੋਕਲ ਬਿਜ਼ਨਸ ਕਮਿਊਨਿਟੀ ਨਾਲ ਗੱਲਬਾਤ ਕਰਨਗੇ।

ਇਸ ਤੋਂ ਇਕ ਦਿਨ ਪਹਿਲਾਂ ਉਹ ਵਿਨੀਪੈਗ ਗਏ ਸਨ। ਉਨ੍ਹਾਂ ਨੇ ਬੀਤੇ ਦਿਨ $1.5-ਬਿਲੀਅਨ ਦਾ ਨਵਾਂ ਹਾਊਸਿੰਗ ਫੰਡ ਜਾਰੀ ਕਰਨ ਦੀ ਘੋਸ਼ਣਾ ਕੀਤੀ ਸੀ, ਜਿਸ ਨਾਲ ਦੇਸ਼ਭਰ ਵਿਚ ਗੈਰ-ਮੁਨਾਫ਼ਾ ਕਿਰਾਏ ਦੀਆਂ ਇਕਾਈਆਂ ਤਿਆਰ ਕੀਤੀਆਂ ਜਾਣਗੀਆਂ ਅਤੇ ਇਹ ਯਕੀਨੀ ਬਣਾਇਆ ਜਾਵੇਗਾ ਕਿ ਇਹ ਕਿਫਾਇਤੀ ਹੋਣ।

ਕੈਨੇਡਾ ਰੈਂਟਲ ਪ੍ਰੋਟੈਕਸ਼ਨ ਫੰਡ ਵਲੋਂ $1 ਬਿਲੀਅਨ ਦਾ ਲੋਨ ਦਿੱਤਾ ਜਾਵੇਗਾ ਅਤੇ ਕਿਫਾਇਤੀ ਕਿਰਾਏ ਦੀਆਂ ਇਕਾਈਆਂ ਤਿਆਰ ਕਰਨ ਲਈ $470 ਮਿਲੀਅਨ ਦਾ ਯੋਗਦਾਨ ਪਾਇਆ ਜਾਵੇਗਾ । ਇਹ ਫੰਡ ਫੈਡਰਲ ਬਜਟ ਦਾ ਹਿੱਸਾ ਹੋਵੇਗਾ ਜੋ 16 ਅਪ੍ਰੈਲ ਨੂੰ ਪੇਸ਼ ਹੋਣਾ ਹੈ।