13.83C Vancouver 13.83C VancouverMay 6, 2026 4:53 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੇ ਫੈਡਰਲ ਅਤੇ ਸੂਬਾਈ ਪ੍ਰਾਈਵੇਸੀ ਕਮਿਸ਼ਨਰ ਨੇ ਅੱਜ ਓਪਨ ਏ.ਆਈ. ਬਾਰੇ ਆਪਣੀ ਸਾਂਝੀ ਜਾਂਚ ਦੀ ਰਿਪੋਰਟ ਜਾਰੀ ਕੀਤੀ ਹੈ। ਇਸ ਵਿਚ ਕੰਪਨੀ ਵਲੋਂ ਸ਼ੁਰੂਆਤੀ ਦੌਰ ਵਿਚ ਏ.ਆਈ. ਚੈਟਬੋਟ ਚੈਟ ਜੀ.ਪੀ.ਟੀ. ਲਈ ਲੋਕਾਂ ਦੀ ਨਿੱਜੀ ਜਾਣਕਾਰੀ ਇਕੱਠੀ ਕਰਨ ਅਤੇ ਵਰਤੋਂ ਦੇ ਤਰੀਕਿਆਂ 'ਤੇ ਗੰਭੀਰ ਸਵਾਲ ਚੁੱਕੇ ਗਏ ਹਨ।
ਫੈਡਰਲ ਪ੍ਰਾਈਵੇਸੀ ਕਮਿਸ਼ਨਰ ਫਿਲਿਪ ਡੁਫ੍ਰੇਸਨੇ ਸਮੇਤ ਬ੍ਰਿਟਿਸ਼ ਕੋਲੰਬੀਆ, ਐਲਬਰਟਾ ਅਤੇ ਕਿਊਬੈਕ ਦੇ ਅਧਿਕਾਰੀਆਂ ਰਿਪੋਰਟ ਵਿਚ ਖੁਲਾਸਾ ਕੀਤਾ ਕਿ ਕੰਪਨੀ ਨੇ ਆਪਣੇ ਮਾਡਲ ਨੂੰ ਟ੍ਰੇਨਿੰਗ ਲਈ ਉਪਭੋਗਤਾ ਦੀ ਸਹਿਮਤੀ ਤੋਂ ਬਿਨਾਂ ਲੋੜ ਤੋਂ ਵੱਧ ਨਿੱਜੀ ਜਾਣਕਾਰੀ ਇਕੱਠੀ ਕੀਤੀ, ਜਿਸ ਵਿਚ ਸਿਹਤ ਸੰਬੰਧੀ ਜਾਣਕਾਰੀ, ਰਾਜਨੀਤਿਕ ਵਿਚਾਰ ਅਤੇ ਬੱਚਿਆਂ ਨਾਲ ਸਬੰਧਤ ਸੰਵੇਦਨਸ਼ੀਲ ਵੇਰਵੇ ਸ਼ਾਮਲ ਹੋ ਸਕਦੇ ਹਨ।
ਰਿਪੋਰਟ ਮੁਤਾਬਕ, ਬਹੁਤ ਸਾਰੇ ਉਪਭੋਗਤਾ ਨੂੰ ਇਸ ਗੱਲ ਦਾ ਪਤਾ ਹੀ ਨਹੀਂ ਸੀ ਕਿ ਉਨ੍ਹਾਂ ਦਾ ਡੇਟਾ ਏ.ਆਈ. ਮਾਡਲ ਨੂੰ ਟ੍ਰੇਨ ਕਰਨ ਲਈ ਇਕੱਠਾ ਕੀਤਾ ਗਿਆ ਸੀ। ਡੁਫ੍ਰੇਸਨੇ ਨੇ ਕਿਹਾ ਕਿ ਹਾਲਾਂਕਿ, 2023 ਵਿਚ ਸ਼ੁਰੂ ਹੋਈ ਇਸ ਜਾਂਚ ਤੋਂ ਬਾਅਦ ਓਪਨ ਏ.ਆਈ. ਨੇ ਇਨ੍ਹਾਂ ਕਮੀਆਂ ਨੂੰ ਸੁਧਾਰਨ ਲਈ ਕਈ ਕਦਮ ਚੁੱਕੇ ਹਨ ਅਤੇ ਭਵਿੱਖ ਵਿਚ ਹੋਰ ਸੁਰੱਖਿਆ ਉਪਾਅ ਲਾਗੂ ਕਰਨ ਦੀ ਸਹਿਮਤੀ ਦਿੱਤੀ ਹੈ ਪਰ ਕੈਨੇਡੀਅਨ ਅਧਿਕਾਰੀ ਕੰਪਨੀ ਦੀਆਂ ਗਤੀਵਿਧੀਆਂ 'ਤੇ ਨਿਗਰਾਨੀ ਜਾਰੀ ਰੱਖਣਗੇ। ਇਸ ਦੇ ਨਾਲ ਹੀ ਉਨ੍ਹਾਂ ਪ੍ਰਾਈਵੇਸੀ ਲਾਅ ਨੂੰ ਮਜਬੂਤ ਕਰਨ ਦੀ ਵਕਾਲਤ ਕੀਤੀ ਹੈ।
